Eberewu 10:29 - Mazu Otchena a Mulungu

²⁹ Akala eno, nnga ikalele mutu wenne umulramwisile Mwana Mulugu eto uwesile sangiri na yopangana neno nimutchenihile nnga yengo yohokana mabasa eto unna mulandu omutakaliha Munemba Otchena wenno unazana sayi da Mulugu, ki mutu wenno tongiwa waye unaza ukale avi?

Eberewu 10:29 ပူးပေါင်းရင်းမြစ်များ

2 Amwene 9:33

Evale Jewu ohawongagana eraga: <<Kanvokeni muhiyanoyo, amorele vati vano.>> Mwa enne andimuwa ale kohomuhindaga Jezabeli, aliwa mukumiheda vajanelani vale, aliwa nvokeda vati. Evale sangiri naye nohoromaga vuva niwazeleyaga vaparedini vamohi na kavalo dile. Noira enne, Jewu ohomunyingalelaga na kavalo daye.

Ezodu 24:8

Evale Mozeji oholanda sangiri nimohiwa nakoyile liye nne, roma awokelaga aIzarayeli eraga: <<Sangiri ni ti sangiri na yopangana yenno Yehova isakanyile liye na nyo muwari mwa malamulo matene uuwandenleni liye ala.>>

Izaiya 14:19

Mbwenye weyo umala tatileliwa olapela wene na masiyeni wawo nnga tambi yovunda. Mutembo wawo umala kuneliwa na mitembo da ale kalatiwe na masupada, aliwa ponyediwa mmulihani muli mabwe pwi. Unoza ukale nnga mutembo onyingaliwa.

Izaiya 28:3

Jingari wa andimuwa otonga ovitukulela a Efarayimi anno kali aliba lrezelra, jingari wewa wewo unoza unyingaliwe.

Izaiya 63:10

Mbwenye aliwa tchamuvwelenle eto kohomukumbanyiha Munemba waye Otchena. Na mwasa wenno, liye ohofiyeda kala mwidani wewa eto liyene mwinnya ohorungunuwa, roma wana na aliwa.

Daniyeli 8:13

Noira eno, dohovwaga mutu mmohi otchena awongaga. Evale mutu otchena mmohiwa ohonfukaga wenno awongaga, liye ira: <<Kodi jengo jionihiwe nfwihu zela goma wa mikuto dotumeya da malambo matene eto yotega yomaliha mabasa a Nyumba ya Yehova eto nyumbele na nikuru na zulu jinyingaliwaga, jatene ejo jinafuna jimale malambo mangasi?>>

Matewuji 26:28

Tchoira ti sangiri na yopangana. Sangiri naga muwari motatiya, atu adjindji anokurumuweliwa jotega.

Matewuji 7:6

<<Kamwaavahege jengo jotchena anambwa. Mwasiwa mwaavaha aliwa anourungunuwelani ira kaulumeni. Eto nne kamuvahege nguluwe jengo jenyu jofuneyetchetcha, mwasiwa mwavaha, nnomala nyingalela.

Markuji 7:2

Kagafiyile wewule, kohafwanya anamamuharaye amohiwa kadjaga manda movirihamo mangano a tempu yenno.

Lukaji 12:10

Atu atene anno anawonga ubure zela Mwana wa Mutu, aliwa anowanda za kurumuweliwa. Mbwenye ule unamululuviha Munemba Otchena kaza akurumuweliwa.

Juwawu 10:36

Miyo eto dawonga ira: <Miyo dili Mwana Mulugu>, kamunawanda roromela. Munawonga ira: <Umululuviha Mulugu.> Mwasiwa gwa nni? Tchoira miyo kadili mutu wa vaheno vene. Miyo eto dili wenno Baba amusakunlre liye. Dili wenno Mulugu umurumile liye ira aze mwilamboni ya vati.

Juwawu 17:19

<<Eto na mwasa wa aliwa, miyo nnovihiya mmandani mwenyu ira na aliwene kawande kala mmandani mwenyu mwa ibaribari.

Joira ja Anamarumiwa 7:51

Estevawu ohowongagave eraga: <<Nyo muli avuruvuru eto atu ovanda mirima eto ovanda mabaru. Nyo muli aliba konda jofuna ja Munemba Otchena. Nyo muli atu ohalana makalelo a ababinyu a wanle.

Roma 16:20

Mulugu wenno unavaha murendele tchineneva unomutatakanya Satana ira akale vati va manyalo enyu. Sayi dinna Nabwiya wehu Yesu Kiristu dikale na nyo.

1 Korinto 11:27

Nona mutu wenno unatukula pawu ya seya adjaga owu unatukula kopo ya Nabwiya ang'waga na makalelo ohofwanela, ukana mulandu oluluviha maningo na sangiri na Nabwiya.

1 Korinto 11:29

Tchoira mutu wenno unadja no ng'wa ahaumbuwelaga maningo a Nabwiya, unodja eto unong'wa muwari movitotela tongiwa.

1 Korinto 15:25

Tchoira inafuneya liye atongege fiyeda mwezo oanyingala amwidanaye atene.

1 Korinto 15:27

Tchoira Mazu anawonga ira: <<Mulugu uhela jatene vati va manyalo aye.>> Kawongaga keraga: <<jatene jiheliwe vati va manyalo aye>>, ihimala iziweya ira Kiristu unotonga jatene muhiya Mulugu wenno unvahile ira atongege.

1 Korinto 6:11

Malambo a mundulrimu kohokalamo muwari mwa nyo keretchana ejo. Mbwenye muhumala huwiwa, muhumala tchenihiwa, muhumala kalihiwa apama muwari mwa nzina na Nabwiya Yesu Kiristu eto muwari mwa Munemba wa Mulugu wehu.

Efezo 4:30

Kammukumbanyihe Munemba Otchena wa Mulugu. Tchoira nyo muhudindiwa na Munemba Otchena fiyeda siku nnafuna nyo za womboliwa.

Efezo 5:26

anitchenihe monihuwa na mahindje anno anafwanyeya kagali Mazu.

Eberewu 10:10

Muwari mwa Yesu Kiristu za irana jofuna ja Mulugu, liye za vivelelaga maningo aye fendo imohi eto fendo yogomiheda, pa evo vawandile hiyo tchenihiwa.

Eberewu 12:25

Polre polre tawiha ira munoza mmukonde wenno unawonga. Tchoira wanle atu anno kamukonda wenne aawendjeliha mwilamboni ya vati tchawandile wombowa. Ki eto nankonda mutu wa ilambo ya zulu unaniwendjeliha, nnafuna niwombowe avi?

Eberewu 13:20

Mulugu wa murendele unvenyihile mokwani Nabwiya wehu Yesu, Namakumbuza Mundimuwa wa mabila muwari mwa sangiri na yopangana yohomala auvaheni jatene japama jinafuneya ira nyo muwandege irana funa waye. Muwari mwa Yesu Kiristu, Mulugu anikamihedege irana jatene jili japama vamentoni vaye. Yesu Kiristu atamaleliwe kala no kala. Ame!

Eberewu 2:11

Fwanyeya ira maliba atcheniha atu na aliba tchenihiwa, babiwa gu mmohive. Nona pa evo Yesu vanawanda liye aitana mohonyaswa atu aatchenihile liye na nzina na abalaga,

Eberewu 2:3

Akala wenno alramwisa mazu kawonga angelro wanle ohofiyeda tongiwa, nnga nalramwisa mazu azilena Nabwiya Yesu tchineneva ozela makalelo apama onivulusa, nnafuna nivulumuwe avi? Kavinawandeya. Fwanyeya ira aromile laleya Muselu Wapama onivulusa ali Nabwiya Yesu. Ale kavwile na Nabwiya Yesu banilaleyile hiyo, aliwa nivaha ibaribari.

Eberewu 4:14

Inafwanela nihidede pama ibaribari inna hiyo mwasiwa nihimukana mundimuwa wa anamakuta wehu ohokala wa masika wenno ugwenle afiya zulu, unafwanyeya agali Yesu, Mwana Mulugu.

Eberewu 6:4

Mwasiwa kohokalawo atu ani kagwa, kahawandaga venyihiwa ira katwaruwe akoka. Tchoira aliwa kohoroma watchela ibaribari ya Mulugu, koholawiha jovahiwa ja zulu eto kohokana pandi na Munemba Otchena.

Eberewu 6:6

Noira eno, aliwa gwa, hiyaga ibaribari. Kaira eno mbwenye kinawandeya ira kavenyihiwe fendo yanembinli ira katwaruwe. Mwasiwa aliwa anamukomela Yesu Mwana Mulugu vamuradini akoka. So mbwenye anagomela nongeya na mulandu unna atu. Tchoira aliwa banampetiha Mwana Mulugu.

Eberewu 9:13

Muwari mwa makalelo a wanle, muwari movelela mikuto diwa, fwanyeya ira kada mutu aviringaniha mangano, owokeliwa sangiri na mbuzi, na sangiri na ng'ombe ya mulombwana, vamohi na ndora na ng'ombe ya muhiyana yotumeyiwa. Ejo jalaba ira maningo a atu owokeliwa katchenihiwe. Akala sangiri na vinyama nohokana yalaba atu,

Eberewu 9:20

Muwari moawoka atwale, Mozeji ohawandelaga ira: <<Sangiri ni ti sangiri nnatonyiheda ira peno nihiroma wenda na yopangana Mulugu urumile liye ira nyo muiregena.>>