Eberewu 10:27 - Mazu Otchena a Mulungu

²⁷ Kilivo imohiwa inafuna hiyo dediha. So nnadedihege tongiwa wohokala wa masika wa Mulugu na munlo mulukulu wenno unafuna atolotcha amwidanaye bahi.

Eberewu 10:27 ပူးပေါင်းရင်းမြစ်များ

Izaiya 26:11

So Yehova ndanda nenyu nili notapula nene ira mwaalange, mbwenye aliwa kinaona. Musakanye ira kaone sandje munna nyo zela atwinyu amala kakayena manyazo. Mwaatumeye na munlo wenno mutumbanyile nyo para amwidaninyu.

Izaiya 33:14

Atu otega a Siyawu kohokana ova wohokala wa masika. Atu ohobalra ja Mulugu anangurumela. Anawonga ira: <<Bani muwari mwa hiyo unawanda vilela na munlo ononga ula? Bani muwari mwa hiyo unawanda vilela na munlo ohomala ula?>>

Daniyeli 5:6

Mwa enne kove yaye yohotchindjeya muwari moova eto joumbuwela jaye jali jomukukumula. Ohokalaga okukumuwene no ova, liye roma ngurumela mutu watene wenne romela muruni ante mendoni.

Malakiya 4:1

<<Kaing'anani, tchoira ukala siku nnafuna za, nokaha nnga hofu. Atu atene ovitukulela na atu atene oirana jotakala anoza kaje nnga makata. Siku neno nnaza no nnomala atumeya, kaviza vihala nne mutchitchi nne tambi. Unawonga gu Yehova wa Makuru Matene.

Matewuji 13:42

Kagamanle akumihamo, anoatatilela muhofuni mwa munlo ohindetchetcha. Wewule mbwenye unoza ukale nla no takuna meno!

Matewuji 13:50

Eto anoza kaatatilele atu abure muhofuni mwa munlo ohindetchetcha wewo unaza ukale nla no takuna meno.>>

Matewuji 25:41

<<Era eno unoza awongege na atu anne anaze kakale ikukuru ya muwononi waye oromana, ira: <Kakumanivo vali miyo va, nyo atu otembelrelreya nyo, mudowege munloni ohokana goma uwa, wenno asakanyediwe para Diyabo vamohi na angelro aye.

Matewuji 3:10

Eto mbazo imala sayihiwa ira igwadege mitengo na mitchitchi diwa dene. Mutengo watene ahanavaha misapo dapama, unogwadiwa, avokediwe munloni.

Matewuji 3:12

Liye ukana yovetana yaye mmandani mwaye ira avetena tirigu wenno uli nimburo nobubudavo jalo. Amala veta, unafuna atukule tirigu, ahele musandjani, makata atatilele munloni ohotima.>>

Matewuji 8:29

Evale aliwa kagamuonne Yesu, kohokuwaga keraga: <<Kodi munafuna munikayena ani, nyo Mwana Mulugu? Kodi mwazela ira munionihe goyi tempuwa yahanafiye?>>

Lukaji 16:24

Evale liye ohokuwaga eraga: <Babani Abarahamu, kadiwendeleni tangaranga miyo vano! Mmurume Lazaro anyetihe magomo wa ibuno yaye na mahindje, aze adondihede vanlumini vaga ira dione inonono vang'ono, mwasiwa dihikana goyi munloni uli miyo uno.>

Lukaji 19:27

Evale ohowongaga eraga: <Mwaazena amwidani atene, anno kahafunile ira miyo dikale mwene wewa, mwaape tchineneva vamentoni vaga daaing'anaga!> >>

Lukaji 21:26

Atu oindjiva anoza kahileyege na mwasa oova kaumbuwelaga zela jejo jinafuna ireya mwilamboni ya vati. Tchoira kopolo datene da zulu nnoza ditikinyeyege.

Lukaji 23:30

Inoza ifiye tempu atu kawongege na mwango dilukulu kerege: <Mwango kanifinye!> Eto anoza kawongege na mwango ding'onong'ono keraga: <Mwango kanikunele!>

Juwawu 5:29

Kagavwile, anoza kavenye mokwani. Ale kairana japama, anavenyege ira kakayena ingumi eto ale kairana jabure anavenyege ira kadowe katongiwe.

Detoronomiyo 32:43

Nyo atu a vilambo datene, muhagalale vamohi na Yehova atwaye, tchoira liye unovuviha sangiri na amwidanaye, awelihe kunyakunya zela sangiri na anamalabaye neno nivuvihile atu eto unomaliha jotakala ja ilambo ya atwaye.>>

Eberewu 12:25

Polre polre tawiha ira munoza mmukonde wenno unawonga. Tchoira wanle atu anno kamukonda wenne aawendjeliha mwilamboni ya vati tchawandile wombowa. Ki eto nankonda mutu wa ilambo ya zulu unaniwendjeliha, nnafuna niwombowe avi?

Eberewu 12:29

Tchoira Mulugu wehu gu munlo otolotcha.

Eberewu 2:3

Akala wenno alramwisa mazu kawonga angelro wanle ohofiyeda tongiwa, nnga nalramwisa mazu azilena Nabwiya Yesu tchineneva ozela makalelo apama onivulusa, nnafuna nivulumuwe avi? Kavinawandeya. Fwanyeya ira aromile laleya Muselu Wapama onivulusa ali Nabwiya Yesu. Ale kavwile na Nabwiya Yesu banilaleyile hiyo, aliwa nivaha ibaribari.

Eberewu 9:27

Eto sawasawa nnga kada mutu uvahiwe ira akwe fendo imohi bahi, amala atongiwe na Mulugu, sawasawa eto nnga Kiristu.

Tiyagu 5:3

Oru wenyu na parata wenyu, jihimala djiwa kwiti. Kwiti yenno tchinafuna ugwihanani mulandu eto tchi kwiti yenno inafuna dja maningo enyu nnga munlo. Nyo muvisokenle jorayela pwi malambo ogomiheda ala.

Jowandeliwa 20:15

Evale mutu wenno nzina naye nahalrembiwe muLivuru na Ingumi nne, otukuliwa, liye tatileliwa ntiya na munlo.

1 Samuweli 2:25

Eto muiziwe ira mutu amutegela mutu nfwaye, Mulugu unowanda nvunela. Nnga mutu amutegela Mulugu, unafuna nvunela bani?>> Eli agawongile eno, ahimaye ale tchafunne vwelela jawonga babiwa mwasiwa ali yofuna ya Yehova ira aape ahimale.