Eberewu 10:24 - Mazu Otchena a Mulungu

²⁴ Inafwanela eto niumbuweleni makalelo anafuna hiyo kokomezana zela zivelana eto zela irana japama

Eberewu 10:24 ပူးပေါင်းရင်းမြစ်များ

Joira ja Anamarumiwa 11:29

Vevale anamamuhara Yesu a Antiyokiya kohelavo zelru ira: <<Ndoweni nisokeni kobiri ira naavahe abalihu omuroromela Yesu anafwanyeya Judeya.>> Evale kada mutu ohovelela kobiri nnga yawandile liye.

Roma 11:4

Mulugu amuwakunle avi? Kwi: <<Nari kahi eno. Tchoira miyo dihikana atwaga daakoyile miyo, alombwana okwakwana 7.000 kahakokorenle ikwamutu yosema ineriwa Baali.>>

Roma 12:15

Mwamuona mutu ahagalalaga, na nyenne muhagalalege. Mwamuona mutu anlaga, na nyenne munlege.

1 Korinto 10:33

Kalaga nnga miyo. Miyo dairagana joira jaga jatene, nnairela ira atu atene kaziveliwe. Kannairana jofuna jaga meka, mbwenye nnairana joira ira atu kadiona, oindjiva kawande vulusiwa.

1 Korinto 9:22

Ira daalaleye atu ovuta, miyo dohovikaliha mutu ovuta ira atu ovuta kawande rumela jalaleya miyo. Miyo nnoirana jatene jene vamentoni va atu atene ira muwari mwa makalelo matene anera miyo, atu kawande vwa jolaleya jaga ira kavulusiwe.

2 Korinto 8:8

Miyo dawongaga eni, kahi ira nnaurumani. So miyo nnawongela ira mwagaonne upama unera afwinyu a Masedoniya, na nyenne mulimbihiwe muwari movaha ira zivela wenyu uoneye ira kwa ibaribari.

2 Korinto 9:2

Mwasiwa dihiiziwa ira nyo muli okozeyene. Eto miyo dagumana na akuda Masedoniya, nnoutitimihetchani, miyo wongaga ira: <<Afwihu a porovinsiya ya Akaya anafwanyeya okozeyene roma yaka ile.>> Adjindji mwa aliwa kagavwile zela funafuna wenyu osoka kobiri, na aliwene kohowanda hara makalelo anno, aliwa volowagamo ira na aliwene kasokege kobiri.

Galasiya 5:13

Nyo abalaga muhuitaniwa ira mukale atu okutchiwa. Mbwenye muwari mokala atu okutchiwa, kamunukede kutchiwa wenyu ira ukale dugumento noirana jofuna ja maningo. So mbwenye inafwanela muwandege kamihedana muwari mozivelana.

Galasiya 5:22

Mbwenye musapo wa mutu unasogolrelriwa na Munemba Otchena unafwanyeya agali zivelana, hagalala, murendele, vilela, muirela nfwawo upama, irana japama jatene, kana nroromelo,

Galasiya 5:6

Tchoira mutu uli muwari mwa Yesu Kiristu, akala uineliwa owu hehi kaineliwe, jejo kajinna mabasa. So ilukuluwa inafuneya mutu akayena nroromelo eto muwari mwa nroromelo aaziveliwege afwaye.

Galasiya 6:1

Abalaga mwamuona nfwinyu ira ugwana yotega, inafwanela ira ule unasogolrelriwa na Munemba Otchena adowe anvenyihe muwari mofwasa. Mbwenye polre polre tawiha ira na nyenne munaze mugwe na yotega.

Koloso 3:16

Inafwanela muselu wa Kiristu amale unyowelani. Ira muselu wa Kiristu aunyoweleni, inafwanela mufundjihegena, mulimbihegena na zelru daye datene. Inafwanela eto ira muimbege masalimu na mainu na makorasi a Mulugu momutamalela zela jinera liye na mmirimani mwenyu mwatene.

1 Tesalonika 1:3

Tchoira hiyo nnoumbuweletcha vamentoni va Mulugu Babihu mabasa munahinda nyo muwari mwa nroromelo nenyu na makalelo analaba nyo muwari moaziveliwa afwinyu mwaakamihedaga no dediha wenyu wolimba munna nyo muwari mwa Nabwiya wehu Yesu Kiristu.

1 Tesalonika 5:11

Nona inafwanela mutukule mazwala, muwandege kokomezana eto muwandege limbihana nngave vineretcha nyo.

2 Tesalonika 3:9

Kahi ira hiyo kananna direitu yofuna vahiwa jodja, nari. Hiyo nohokana. So nagali na nyo, nohokana mabasa nalaba hiyo ira niwande gula jodja jehu ira nyo mwahala, muwande saziha makalelo ninna hiyo.

1 Timoteyo 6:18

Inafwanela aliba rayela kairegena japama, kakale orayela zela irana jengo japama, kaavahege atu jengo na manda menli eto kakale okozeyene ira kameyewo jokana jiwa, kaakamihedegena afwiwa.

Titu 2:4

Inafwanela ahiyana anna idadi kawande afundjiha anamwali ira kakale atu oaziveliwa amamuniwa na ahimiwa,

Titu 3:8

Jinawonga miyo ti jengo jororomeleya, ja ibaribari, japama, jengo joalimbiha atu. Nona miyo nnafuna weyo utukule jowonga jaga ji, udowe waawandelege mohokayikela afwihu omuroromela Mulugu ira kawandege zuzumela ira kairegena joira japama.

Eberewu 13:1

Inafwanela zivelana wenyu wa ibali munna nyo mudowegenave sogolro.

Eberewu 13:3

Eto kamwaadiwalege ale anafwanyeya mukadeya. Mwaairelege upama muwari moumbuwela kalaga nnga na nyenne muli mukadeya vamohi na aliwa. Kamwadiwalege eto ale anaireliwa ubure vasayi mwasiwa na nyenne tambe muli atu okalawo na maningo.

Eberewu 3:13

Mbwenye yapamiwa inafwanela kada mutu amukokomezege nfwaye malambo matene na tempu yenno inaitaniwa peno ira muwari mwa nyo ahakalevo mutu okana murima oumma na mwasa wa jonyenga jinafwanyeya muwari mwa jotega.

1 Juwawu 3:18

Anaga ang'onong'ono zivela wehu kukale wa vamilomoni ve, wongaga jengo pwi bahi. So mbwenye zivela wehu uoneye muwari mwa jinera hiyo eto ja ibaribari jinawonga hiyo.