Eberewu 10:22 - Mazu Otchena a Mulungu

²² Na mwasa wa jatene eji, inafwanela nimukwivele Mulugu mohokana yowanganyeda mmirimani mwehu, mokana nroromelo nolimba, mokana mirima dapama mowokiwa sangiri ira nahakayena jowanganyeda jotakala eto nimukwivele Mulugu muwari mokana maningo ohuwiwa na mahindje otchena.

Eberewu 10:22 ပူးပေါင်းရင်းမြစ်များ

1 Amwene 15:3

Mwene Abiya ohoirana jotega jatene jejo jairilena babaye tempu yatonga liye eto murimaye kaali okwakwanela vamentoni va Yehova Mulugu waye nnga vere mbwiyaye Davi.

1 Koronika 12:33

Muwari mwa atu a nlogo na Zebuloni, alombwana okozeya, owanda wana kondo na yowanana ili yatene kadowile alombwana 50.000 ovivelela mofuna mwewa ira kamukamihede Davi.

1 Koronika 28:9

Eto weyo mwanaga Salomawu, umuiziwe pama Mulugu wa babawo eto umulabege liye na murimawo watene no funa wawo watene. Tchoira Yehova unaona jatene jili mmirimani mwa mutu uli watene eto uiziwa joumbuwela na jofuna jatene. Weyo wanvenda, liye unorumela ira unfwanye, mbwenye wamuhiya, liye unoukonda kala no kala.

1 Koronika 29:17

Nyo Mulugu waga, miyo dihiiziwa ira munoxixa mirima eto munoaziveliwa atu owongowa mirima. Jatene duuvahileni miyo, divelenle mofuna mwaga eto na murima watene. Mwa eni eto nnoaona mohagalala atwinyu anafwanyeya eva, kavelelaga wa nyo mofuna mwewa.

Ezodu 29:4

<<Waira eno umutukule mulombwana Arawu vamohi na ahimaye ale waadowena vamulangoni va Musasa Ogumanamo, waahambihe na mahindje.

Izaiya 29:13

Nabwiya ohowonga ira: <<Atwala anadikwivela na jowonga jiwa eto anadiriheda na milomove bahi. Mbwenye murima wewa uli olapela wene na miyo. Eto diova miyo unera atu ku hara malamulo a atu afwiwa, hiya malamulo aga.

Izaiya 52:15

Sawasawa eto atu a malogo madjindji anoza katikiniheye na liye. Amwene tambe anoza kasauwele yowonga. Mwasiwa jengo jaharomile atu ona malambo a mundulrimu anoza kaone. Jengo jaharomile atu vwa, anoza kaonelremo.

Matewuji 3:11

<<Na mwasa otwaruwa wenyu, miyo nnoubatizani na mahindje. Mbwenye mundulri mwaga mu, ukala mundimuwa unafuna zamo, odikwaranya miyo vano. Masiki miyo vano kadili ofwanela tukula sapato daye. Liye gunafuna ubatizani na Munemba Otchena na munlo.

Lukaji 1:1

Atu adjindji kohovilevela ira kalrembe istoriya ya jengo jiireyile muwari mwa hiyo.

Juwawu 3:5

Evale Yesu ohowakula, liye ira: <<Miyo nnafuna duwandele ibaribari. Mutu wenne ahanabaliwe mwa mahindje na mwa Munemba, kaza avolowa muUmweneni mwa Mulugu.

Juwawu 8:9

Mwa enne aliba muzana ale kagavwile mazu anne, kohoromaga venyavo mmohi mmohi, romana andimuwa arandji baliwa dowa gomiheda azombwe. Mbwenye Yesu aligi oworamene evale.

Joira ja Anamarumiwa 22:16

Unadibeliwela nni? Kavenya udowe wabatiziwe. Uvepe na nzina naye ira jotega jawo jihuwiwe.> >>

Joira ja Anamarumiwa 8:21

Weyo kuli ofwanela ira ulabe mabasa vamohi na hiyo, tchoira murima wawo kali pama vamentoni va Mulugu.

1 Korinto 6:11

Malambo a mundulrimu kohokalamo muwari mwa nyo keretchana ejo. Mbwenye muhumala huwiwa, muhumala tchenihiwa, muhumala kalihiwa apama muwari mwa nzina na Nabwiya Yesu Kiristu eto muwari mwa Munemba wa Mulugu wehu.

2 Korinto 7:1

Muwari moira nihikana mapangano anna, afwaga anaazivela miyo inafwanela nivihuwe zela yotakala ili yatene ya maningo nari ya munemba nikwakwanelihedaga tchena wehu muwari momuova Mulugu.

Efezo 3:12

Muwari mwa hiyo muroromela Yesu, muwari movira mwa liye, hiyo nnowanda fiya vamentoni va Mulugu molimbiha murima.

Efezo 5:26

anitchenihe monihuwa na mahindje anno anafwanyeya kagali Mazu.

Efezo 6:5

Nyo azari, inafwanela mwaavwelelege apatarawinyu a ilambo ya vati na makalelo apama moariheda, muwari moaova. Mwaavwelelege mwa ibaribari na mmirimani mwenyu mwatene nnga munanvwelela nyo Kiristu.

1 Timoteyo 4:2

Anerege wonga jonama johofwanela jile muwari moanyenga atu eto keraga eno mmirimani mwiwa kinakayegena kumbanya zela jabure jinaira atu.

Titu 3:5

liye univulusa. Mbwenye kahi ira liye univulusele na mwasa oira nali atu olaba japama, nari. Mulugu univulusele mwa tangaranga daye bahi. Liye uhunivulusa muwari monihuwa, anivahaga ingumi ixa. Muwari mwa Munemba Otchena, Mulugu uhunisakanya akoka.

Eberewu 10:1

Muwari mwa malamulo munafwanyeya nfulri bahi wa jengo japama jinafuna za sogolro. Mbwenye malamulo kahi jengo japama jiwa jinatonyihediwa muwari mwa nfulri. Nona malamulo tchawanda akwakwaneliheda atu anne kamukwivela Mulugu ira kamutamalele muwari mwa mikuto, masiki aliwa kavelelege mikuto dimohive kada yaka.

Eberewu 10:19

Nona abalaga, muwari mwa sangiri na Yesu, hiyo nnowanda volowa mamburo otchena molimbiha murima.

Eberewu 11:28

Mwa nroromelo Mozeji ohokwakwaneliheda mwemo mwafunela Mulugu zela Pwando ya Mavirelo, eto zela zoliha sangiri ira maliba atolotcha arandji baliwa ahaafwanye arandji baliwa a aIzarayeli.

Eberewu 12:24

Mufiyile wa Yesu, mwinnya ukungile Yopangana Ixa. Mufiyile wewo uli sangiri niwokiwe nnawonga pama nohiyana na sangiri na Abeli.

Eberewu 4:16

Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

Eberewu 6:11

Hiyo eto nnafuna ira kada mutu muwari mwa nyo awendegeve na makalelo anno fiyeda magomelo. Tchoira mwakanave makalelo anno, munowanda kana ibaribari yatene ira munoza mukayena yoing'anela inaing'anela hiyo.

Eberewu 7:19

Voira malamulo tchawandile kwakwaneliheda yengo ili yatene, vamalroni va malamulo nihiwanda vahiwa yoing'anela ixa, unafwanyeya agali mutu unamuing'anela hiyo. Eto muwari mwa mutu wenno, hiyo nnowanda mukwivela Mulugu.

Eberewu 9:10

Tchoira mabasa kalaba anamakuta malambo anno ali mabasa olaba zela jodja na jong'wa na mahuwelo a jengo na jengo jozela maningo bahi. Eto jatene ja wanle jilabile fiyeda ora yazile makalelo apama okwaranya makalelo a wanle ale.

Eberewu 9:19

Tchoira yopangana yoroma ile ira irome laba, jaireyile eni: Mozeji ababihile awandela atu malamulo matene anafwanyeya mmalamuloni. Evale liye tukula sangiri na ana ng'ombe na sangiri na mbuzi na mahindje na mawoya a nibila kagali ofila eto oumbuwela vang'ono, na nikupu na isopo, liye tukula mujelole bwiniha musangirini mule, roma woka livuru na yopangana nne eto liye awoka atu atene.

Tiyagu 1:6

Mbwenye vepa uwa, inafwanela avepe muwari mwa nroromelo ahakayikenle yengo ili yatene. Tchoira mutu unavepa muwari mokayikela unalingana na mahindje a mbara omanganyeya, ondunyiwa na nipevo.

Tiyagu 4:8

Mmukwivele Mulugu, mwaira eno na liyene unoukwivelani. Muhuwe manda enyu nyo atu otega. Muhuwe mmirimani mwenyu nyo atu oumbuwela ja wu na wu.

1 Peduru 1:2

musakulriwe na Mulugu Baba nnga mwabalrele liye wanle ira mwa Munemba waye Otchena muwande kala atwaye otchenihiwa ira muwari mokala atwaye, muwandege nvwelela Yesu Kiristu eto mukale atu owokeliwa sangiri naye. Malondjelo anaurumihedani miyo ba ala. Difunne ira sayi na murendele jiwendjediwe wa nyo.

1 Peduru 3:21

Mahindje ale ali yofwalrafwaniha yobatiziwa. Eto peno va batiziwa tcheniyo inauvulumutchani. Dawongaga ira batiziwa, kahi batiziwa mutu unabwina liye mwiko akumihamo tumbulru nnafwanyeya mmaningoni mwaye nari. Nnawonga zela mutu nvepaga Mulugu ira amuhuwe mmirimani mwaye muwari mwa Yesu Kiristu venya mokwani.