Eberewu 1:2 - Mazu Otchena a Mulungu

² Mbwenye malambo ogomiheda ala, Mulugu unawonga na hiyo muwari mwa Mwanaye wenno amuhambihile liye ira akale mwinnya wa jatene. Mulugu eto apandutchile jatene muwari mwa Mwanaye wenno.

Eberewu 1:2 ပူးပေါင်းရင်းမြစ်များ

Jenesesi 49:1

Noira eno, mulombwana Jako ohaitanihaga ahimaye atene, liye ira: <<Muze vali miyo vano ira duwandeleni jatene jinafuna uireyelagani malambo anafuna za sogolro.

Izaiya 2:2

Malambo ogomiheda Mwango wa Nyumba ya Yehova unoza avenyihiwe ira akale otama kwaranya mwango datene eto unoza akale vazulu va mikuma datene. Malogo matene a atu anoza katamangele Mwangoni wa Yehova wewo.

Izaiya 44:24

Yehova Namawombola wawo wenno uuwombile wagali mbani mwa mmawo unawonga ira: <<Miyo dili Yehova wenno upandutchile jatene. Ditandaga zulu, dali meka. Eto digudubulraga ilambo ya vati, dali mekave.

Izaiya 45:12

Gu miyene usakanyile ilambo ya vati eto miyo gumpandutchelemo mutu. Mandaga batandile ilambo ya zulu. Eto unatonga jomoneya jatene ja zulu gu miyo.

Izaiya 45:18

Unawonga gu Yehova upandutchile zulu, liye gu Mulugu wenno uombile eto usakanyile ilambo ya vati, liye igaratiha pama. Liye kapandutchile ira mwahakaleve yengo. Apandutchile ira atu kakalegemo. Liye unawonga ira: <<Miyo dili Yehova, kaliwo mmohiwa.>>

Daniyeli 10:14

Eni miyo dizele ira dutapulelemo jatene jinafuna aireyela mulogo wawo malambo ogomiheda. Mwasiwa jejo jinaonihiwa we ti jengo jinafuna ireya musogolro vagamanle malambo madjindjene.>>

Daniyeli 2:28

Mbwenye ukalawo Mulugu mmohive bahi uli zulu, wenno unawanda iziwiha jengo jokoyeya. Mulugu wenno guuiziwihileni nyo so mwene Nabukodonozore jatene jinafuna za ireya malambo ogomiheda! Yoroha yenyu vakamani venyu na jengo jionne nyo mmuruni mwenyu ti ji.

Matewuji 13:39

Eto mwidani wenno azile wokamo ntandje nne unafwanyeya agali Diyabo. Eto mahandelo uwa unafwanyeya agali magomelo wa ilambo eto anamahanda ba angelro.

Matewuji 17:5

Mwa enne mulombwana Peduru awongagave enne murambo omoneya ohozaga, akunela atene. Kavuruwanaga, mmiramboni mule mohokumelaga nizu nawongaga niiraga: <<Ula gu Mwanaga unamuziveliwa miyo, wenno unadihagalaliha. Munvwelelege liyene!>>

Matewuji 21:38

Mbwenye anamalima ale kagamuonne mwanole azaga, kohoromaga wonga oka oka keraga: <Ula gu mwana unafuna halana jengo jatene jeji babaye agakwile. Ndoweni nimpeni ira babaye agakwile, niwande halana jengo jatene jafuna kala jaye!>

Matewuji 26:63

Yesu mbwenye ohokalagave omiyalene. Mwa enne mundimuwa wa anamakuta ule ohomuwongagana eraga: <<Miyo nnoulumbeliha na nzina na Mulugu Okalawo ira uniwandele akala weyo uli Namatikeliwa, Mwana Mulugu.>>

Matewuji 28:18

Noira enne, Yesu ohodowa vali anamamuharaye, aawandelaga eraga: <<Dihimala vahiwa utongi watene wa ilambo ya zulu na ilambwela ya vati.

Matewuji 3:17

Ora imohive yenne, zulu wohokumelaga mazu kawongaga keraga: <<Ula gu Mwanaga unamuziveliwa miyo, wenno unadihagalaliha.>>

Markuji 1:1

Roma wa Muselu Wapama wa Yesu Kiristu, Mwana Mulugu,

Markuji 12:6

Mbwenye vogomiheda, mwinnyole ohomuruma mwanaye mmohive amuziveliwa liye, aumbuwelaga ira: <Mwanagola mbwenye, aliwa anomuriheda.>

Markuji 12:7

Mwanole agadowile, aliwa kagamuonne, kohowonga mmohi na nfwaye keraga: <Ula gu mwana unafuna halana jengo jatene jeji babaye akwa. Ndoweni nimpeni, era eno, jatene jafuna liye halana babaye agakwile jinokala jehu.>

Juwawu 1:10

Mwa enne Moneya wenno eto unafwanyeya agali Namapandutcha wa jatene ohoza mwilamboni ya vati. Mbwenye agazile, atu a ilambo ya vati kiwandile muiziwa.

Juwawu 1:14

Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Juwawu 1:3

Jengo jatene jipandutchiwe muwari mwa liye. Kilivo yengo yahapandutchiwe mwa liye.

Juwawu 13:3

Yesu ohoiziwa ira: <<Baba udivahile utongi wa jatene. Miyo dikumele wa Mulugu. Eni nnafuna diwelele wa liye.>>

Juwawu 13:32

Mulugu muwari moteteliwa muwari mwa Mwanaye eto na liyene unomutetela Mwanaye. Mulugu mwinnya unonvaha undimuwa Mwanaye tchineneva eni.

Juwawu 15:15

<<Roma peno miyo kannauitanegeni anamalabaga. Nnauitanegeni afwaga mwasiwa namalaba kanaiziwa jatene ja mbwiyaye. Nyo mbwenye, jatene jidiwandenle Baba, dihimala uiziwihani.

Juwawu 16:15

Jatene jinna Baba jinafwanyeya jagali jaga. Nona diwongaga ira Munemba Otchena unawatchelege jaga, aze auwandelegeni nyo.

Juwawu 17:2

Tchoira nyo muhudivaha utongi zela atu atene a mwilamboni ira daavahe ingumi yohomala atu atene anne mudivahedile nyo.

Juwawu 3:16

Tchoira Mulugu ohaziveliwa atu a mwilamboni ya vati na makalelo ohokala a masika fiyeda liye muruma Mwanaye mmohive anna liye ira mutu uli watene unamuroromela ahatolowe mbwenye akayena ingumi yohomala.

Juwawu 3:25

Anamamuhara amohiwa a Juwawu kohokana madugudugu na muJudewu mmohi zela mangano ovihuwa.

Juwawu 5:26

Tchoira sawasawa nnga Baba gu namavaha wa ingumi, Baba eto unvahedile Mwanaye ira akale mwinnya ovaha ingumi.

Juwawu 5:27

Mulugu eto unvaha ira akayena utongi ira atongege mwasiwa liye gu Mwana wa Mutu.

Juwawu 9:29

Hiyo niiziwile ira Mulugu ohowonga na Mozeji, mbwenye mutu wenno ukumenle liye kaniiziwilewo.>>

Joira ja Anamarumiwa 10:36

Nipangano Mulugu aarumihede liye Ana Izarayeli ali noira mutu unokana wandana na liye mwa Yesu Kiristu. Peno Yesu gwenno unafwanyeya agali Nabwiya wa atu atenene.>>

Joira ja Anamarumiwa 2:17

<Mulugu unawonga ira: <<Miyo malambo ogomiheda, nnoza dimurume Munemba waga ira aazele atu atene. Ahiminyu a anapongwe, nari ahiminyu a ahiyana, mwa Munemba anoza kafiyihedege mazu. Muwari mwa nyo, azombwe anerege ona jengo mmuruni mwewa, kawandeliwaga ja Mulugu. Andimuwa anerege wandeliwa jengo moroha.

Roma 1:4

Nihikana eto ibaribari ira gu Mwana Mulugu tchoira liye agakwile, mwa kopolo da Munemba Otchena, ohovenya mokwani. Mutuwa gu Yesu Kiristu Nabwiya wehu.

Roma 8:17

Muwari mokala ana Mulugu, hiyo nnoza nivahiwe upama unna Mulugu. Nnafuna nigane upama wenno Kiristu uvahiwe liye. Ira nivahiwe upama, unazela muwari mwa goyi nnaona hiyo, malringana nionihiwe goyi nnga goyi daonihiwe Yesu ira vasogolro nize nititimihiwe vamohi na liye.

1 Korinto 2:7

Hiyo mbwenye zelru nnawonga hiyo, nnaawandela zelru da Mulugu dokoyeya, dohooneya na atu, dedo Mulugu aumbuwenle liye romelave wanle ahanapandutche zulu na ilambo ya vati ira hiyo niwande ona upama waye wohomala.

1 Korinto 8:6

zela hiyo mbwenye nihiiziwa ira ninna Mulugu mmohi bahi, Baba wenno upandutchile jatene jene. Nihiiziwa ira hiyo nikalelewo ira liye ateteliwe. Eto nihiiziwa ira hiyo ninna Mbwiye mmohive bahi, Yesu Kiristu. Jatene jipandutchiwe, jipandutchiwe muwari mwa liye eto nikanlewo muwari mwa liye.

Galasiya 4:4

Mbwenye tempu yagakwakwanne, Mulugu ohomuruma Mwanaye, liye baliwa na muhiyana. Eto liye abaliwe ora yawenda atu na malamulo

Efezo 1:10

Tchoira wanle Mulugu ohokanamo ira: <<Tempu yakwakwana, miyo nnafuna digumanihe jatene ja zulu masiki ja ilambo ya vati ira jatene mwinnya akale Kiristu.>>

Efezo 3:9

Wanle Mulugu, Namapandutcha wa jatene, yofuna yaye yakoyile liye aiziwile eka. Mbwenye malambwala, Mulugu mwa sayi daye, udivaha ira daaonihe atu atene yofuna yenno yakoyile liye.

Detoronomiyo 18:15

<<Muwari mwa abalinyu Yehova Mulugu wenyu unonvenyiha namafiyiheda mmohiwa nnga miyo. Liye agazile, inafwanela munvwelelege.

Detoronomiyo 31:29

Tchoira miyo dihiiziwa ira dakwa, na ibaribari viringana wenyu unosimbwa eto munoholowa muhiye ndila yenno duwandenleni miyo. Mwa eno, jabure jinoza juuzeleni malambo ogomiheda na mwasa wa jabure jejo jinafuna nyo irana vamentoni va Yehova, mutatamulaga uwali waye na jabure jinafuna nyo labaga na manda enyu.>>

Detoronomiyo 4:30

Mwa tempu yenno mwaza mukala mmakatamihoni eto ubure watene wenna waufwanyani, magomelo wa malambo anne munoza murungunuwe muing'ane wa Yehova Mulugu wenyu eto muvwelelege jowonga jaye.

Eberewu 1:5

Tchoira Mulugu kawongile na mungelro uli watene mazu olingana na anno awongile liye na Mwanaye. Tchoira Mulugu ohowonga na Mwanaye ira: <<We uli Mwanaga. Miyo peno duhubala.>> Eto Mulugu ohowonga zela Mwanaye bahi ira: <<Miyo nnokala Babaye. Liye unokala Mwanaga.>>, hiya angelro.

Eberewu 1:8

Mbwenye zela Mwanaye, mMazuni muhulrembiwa ira: <<Nyo Mulugu [Mwana], mpando wenyu wa umwene gwa mukalakala. Nyo munatonga muUmweneni mwenyu na makalelo okwakwanela.

Eberewu 11:3

Muwari mwa nroromelo hiyo nnowanda rumela ira zulu na ilambo ya vati jipandutchiwe muwari mwa Mulugu wonga, aliwa panduwaga. Ku wonga jatene jinaoneya jipandutchiwe muwari mwa yengo yohooneya na meso.

Eberewu 2:3

Akala wenno alramwisa mazu kawonga angelro wanle ohofiyeda tongiwa, nnga nalramwisa mazu azilena Nabwiya Yesu tchineneva ozela makalelo apama onivulusa, nnafuna nivulumuwe avi? Kavinawandeya. Fwanyeya ira aromile laleya Muselu Wapama onivulusa ali Nabwiya Yesu. Ale kavwile na Nabwiya Yesu banilaleyile hiyo, aliwa nivaha ibaribari.

Eberewu 3:6

Mbwenye Kiristu kahi namalaba bahi. Liye eto gu Mwana ororomeleya osogolrelra vande va Mulugu. Fwanyeya ira akala hiyo nnomuhideda pama wenno nnamuroromela hiyo, akala nnowanda titimiha zela inaing'anela hiyo, nyumba ya Mulugu gu hiyene.

Eberewu 4:14

Inafwanela nihidede pama ibaribari inna hiyo mwasiwa nihimukana mundimuwa wa anamakuta wehu ohokala wa masika wenno ugwenle afiya zulu, unafwanyeya agali Yesu, Mwana Mulugu.

Eberewu 5:8

Masiki liye alive Mwana Mulugu, liye ofundja makalelo onvwelela Mulugu muwari mwa goyi daonihiwa liye.

Eberewu 7:28

Andimuwa a anamakuta kahambihiwa muwari mwa malamulo, atene kakala aliba tegave. Mbwenye vasogolro va malamulo, muwari molumbela walumbenle Mulugu, puzile liye muhambiha Mwanaye kala mundimuwa wa anamakuta wenno uli okwakwanela malambo a mukalakala.

Eberewu 7:3

Mundimuwa Melikezedeki nne babaye nne mmaye kiiziweyile, nne ziza naye kaniiziweyile. Nne tempu ibaliwe liye, nne tempu ikwile liye, kajiiziweyile. So liye wireve oneya nnga namakuta wa mukalakala nnga Yesu Mwana Mulugu.

Eberewu 9:26

Tchoira ahakale nnga Yesu avelelaga mikuto va kada yaka, yerege funeya ira Kiristu akwe fendo didjindji dene kuma vapandutchiwe zulu na ilambo ya vati pakana fiyeda peno va. Mbwenye kiireyile eno. Yesu ohoza kwa fendo imohi bahi muwari mwa matempu ogomiheda ala ira muwari monikwela fendo imohi yenno, awande maliha jotega jehu.

1 Peduru 1:20

Liye asakulriwe na Mulugu, zulu na ilambo ya vati jahanapandutchiwe, mbwenye tempu yogomiheda ila Mulugu uhuwanda muoneyiha ira muone upama wenyu.

2 Peduru 3:3

Yengo yoroma inafwanela muiziwe ira malambo ogomiheda kafiyaga, anoza kaoneye atu opokiha anafuna za wongaga jowonga jopokiha muwari mofuna ira kairegena jofuna jewa ja maningo.

Judaji 1:18

Aliwa kohouwandelani ira: <<Tempu yogomiheda yafiya, anoza kaoneye atu opokiha, aliba hara jofuna jewa jene ejo jahanafuna Mulugu.>>