Daniyeli 9:27 - Mazu Otchena a Mulungu

²⁷ Mwene muxole agazile, unosakanya yopangana yaye yolimba na atu adjindji fiyeda sumana imohi. Mbwenye vamala metadi ya sumana ile, liye unomaliha mikuto na jovelela ira atu kahavelelege Nyumba ya Yehova! Eto unotukula yengo yabure yohokala ya masika, yengo yotakaliha Nyumba ya Yehova, aimetche muNyumbani mule. Yengo yotakaliha ile inokalave eno fiyeda Mulugu amutonge mwene ule na uwali waye nnga mwamanle liye balra wanle.> >>

Daniyeli 9:27 ပူးပေါင်းရင်းမြစ်များ

Izaiya 28:15

Nyo munawonga ira: <<Nihimala pangana yopangana na ukwa, nihimala vwanana na Nimburo na Anokwa, nona jorutcha jazaga kajinanifwanya hiyo. Hiyo eto nnaroromela jonama ira jikale wotawela wehu. Eto nnanyindela nama ira ikale yengo yonivulumutcha.>>

Izaiya 28:22

Nona nyo kamupetege mazu anna. Tchoira mwapeta, makurenti enyu oumangani anoza kalimbihiwe mokwaranya. Tchoira miyo dihivwa tonga wa Nabwiya Yehova wa Makuru Matene atongaga ira ilambo yatene itolotchiwe.

Izaiya 42:6

<<Miyo dili Yehova. Miyo duitanani muwari mwa upama waga. Miyo nnoza duhidede ndanda eto dukoye. Nnoza disakanye ira ukunge yopangana yaga na atu, ukale moneya oamoneyela malogo matene.

Izaiya 53:11

Goyi daye datene dagamanle, unoza akayena ziveliwa muwari moiziwa ira goyi dile dohokana mpindu wapamene. Tchoira namalabagole unoza apwatele jotega ja atu adjindji ira atu kakale pama.

Izaiya 55:3

Mureye mabaru eto muze wa miyo. Mudivwe miyo vano ira mukayena ingumi. Miyo nnosakanya yopangana yohomala na nyo. Eto nnouonihani zivela waga wohotchindjeya nnga mwapanganne miyo na Davi.

Daniyeli 11:31

Anyakondo aye anoza katakalihe nimburo naye notchena na nyumba yolimba eto anomaliha jovelela jotumeya jinaveleletcha atu malambo matene. Tchi tempu inafuna venyihiwa yabure yohokala ya masika, yengo yotakaliha Nyumba ya Yehova.

Daniyeli 11:36

<<Mwene wa norti ule unoza airena yenno inafunege liye. Liye unerege wonga movitukulela ira: <Eni miyo dili vazulu va amilugu atene.> Eto unerege wonga mazu abure zela Mulugu wa amilugu atene. Jatene jaye jinerege muwendela pama fiyeda Mulugu amutonge na uwali waye. Tchoira yenno ibalrile Mulugu inoireya.

Daniyeli 12:11

Eto romela tempu inafuna hiyihiwa jovelela jotumeya jejo javeleliwetcha malambo matene fiyeda tempu inafuna imetchiwa yabure yohokala ya masika, yengo yotakaliha Nyumba ya Yehova, vinavira malambo 1.290.

Daniyeli 7:25

Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

Daniyeli 8:13

Noira eno, dohovwaga mutu mmohi otchena awongaga. Evale mutu otchena mmohiwa ohonfukaga wenno awongaga, liye ira: <<Kodi jengo jionihiwe nfwihu zela goma wa mikuto dotumeya da malambo matene eto yotega yomaliha mabasa a Nyumba ya Yehova eto nyumbele na nikuru na zulu jinyingaliwaga, jatene ejo jinafuna jimale malambo mangasi?>>

Matewuji 24:15

Yesu ohowongagave eraga: <<Nyo mwaza muona yengo yabure yohokala ya masika, yengo yotakaliha Nyumba ya Yehova, yenno yawongile namafiyiheda Daniyeli, yagaimetchiwe Nimburo Notchena, (ule unaileri mazwala, aumbuwele pama tapulela uwa),

Matewuji 26:28

Tchoira ti sangiri na yopangana. Sangiri naga muwari motatiya, atu adjindji anokurumuweliwa jotega.

Matewuji 27:51

Mwa tempu yenne yakwa Yesu kurtina ilukulu yafwanyeya mmba mwa Nyumba ya Yehova yohokauwaga vari na vari roma zulu fiyeda vati. Eto ilambo yatene yohoinainaga eto mabwe kohotweyaga.

Markuji 13:14

Yesu ohowelela wonga akoka eraga: <<Nyo mwaza muona yabure yohokala ya masika, yengo yotakaliha Nyumba ya Yehova yagaimetchiwe nimburo nohofwanela imetchiwavo (ule unaileri mazwala, aumbuwele pama tapulela uwa), atu anne anakale Judeya, inafwanela katawelege mmwangoni.

Lukaji 21:20

<<Nyo mwaza muona sidadi ya Jeruzalemu yagarindjiwe na makuru a anyakondo, muiziwe ira ora inafuna sidadiyo ibwanyuliwe ihifiya.

Lukaji 21:24

Atu adjindji anoza kapiwege na masupada eto amohiwa anoza kahindiwe, katukuleliwege vilambo datene dene. Eto atu a unde anoza kamunyingalelege Jeruzalemu fiyeda tempu yewa imale.

Roma 11:26

Numero na atu ohokala aJudewu nakwakwana, tchi tempu yenno aIzarayeli atene anafuna atu za vulusiwa. Kalaga nnga mazu a Mulugu kalrembiwe wanle oira: <<Nvuni unoza akumele mwa Siyawu. Liye aza unotamangihamo ubure watene unafwanyeya mwa Ana Jako.

Roma 5:15

Mbwenye yengo yovahiwa yenno inavaha Mbwiye mmohiwa unairiwa Yesu Kiristu inohiyana na yoviringaniha ya mulombwana Adawu. Tchoira akala atu oindjiva kohokwa muwari mwa yotega ya mutu mmohi, oindjiva kohowanda vilringulriwa mwa sayi da Mulugu muwari mwa yovaha ya sayi inazela muwari mwa Yesu Kiristu.

Roma 5:19

Na mwasa ohovwelela wa mutu mmohi, atu adjindji kohomala tega. Eto na mwasa ovwelela wa mutu mmohi, atu adjindji anokalihiwa apama.

Eberewu 9:28

Kiristu ukwile fendo imohi bahi ira awatchele jotega ja atu oindjiva. Liye unoza aze akoka. Mbwenye za waye wanembinli kahi ira unazela awatchele jotega. Azaga fendo yanembinli unazela ira aavuluse atene anno anamudediha mohagalala.