Daniyeli 9:24 - Mazu Otchena a Mulungu

²⁴ <<Eni mulogo wawo vamohi na sidadiwene yotchena kohovahiwa sumana 70 ira jengo tanu na imohi ji jiireye: Yoroma, kawande hiya jabure jiwa jatene jinaira atu. Yanembinli, kawande gomiheda jotega jiwa jatene. Yaneraru, jotakala jimalihiwe. Yowelela, uze upama wohomala. Yowelela, jiwande kwakwanela jatene jawongiwa morohani vamohi na jofiyiheda. Yogomiheda, Nimburo Notchenetchetcha niwande venyihediwa.

Daniyeli 9:24 ပူးပေါင်းရင်းမြစ်များ

Izaiya 42:4

Kaza akukumuwa nne kaza akala lohulo ante agarateyihe matongelo a ibaribari mwilamboni ya vati. Vilambo dowandamelana mbara anodediha malamulo aye.>>

Izaiya 51:6

Muvenyihede meswinyu zulu eto muing'ane ilambo ya vati. Tchoira zulu unoza udimele nnga utchi, eto ilambo ya vati inoza imale nnga yowara. Na makalelo amohive ale anakalamo anoza kakwe nnga ngulrisi. Mbwenye vulusa waga unoza ukalewo kala no kala. Eto upama waga kuza umala.

Izaiya 51:8

Tchoira aliwa anagomela djiwa nnga yowara yadjiwaga uswa eto nnga ntondje nadjiwaga anamingu. Mbwenye upama waga unoza ukalewo kala no kala eto vulusa waga unoza ukalewo para atene anabaliwege.

Izaiya 56:1

Yehova unawonga ira: <<Tchineneva vulusa waga unofiya eto tchineneva upama waga unafuna uoneye. Nona mukayena matongelo a ibaribari eto muiregena upama.

Izaiya 61:1

Munemba wa Nabwiya Yehova uli na miyo. Mwasiwa Yehova udihambihile ira daalaleye Muselu Wapama aliba simela. Udirumile ira diwande avulumutcha anno anafwanyeyana kukumuwa mmirimani mwewa, daalaleye kutchiwa atu anno kamangiwe eto ira diwande ahulela anno kafungeliwe mukadeya.

Matewuji 1:21

Liye unombala mwanapongwe. Abaliwa, unvahe nzina na Yesu mwasiwa liye gunafuna za avulusa atwaye zela mwa jotega jiwa.>>

Matewuji 11:13

Tchoira atu kohovwa mazu ofiyihediwa muwari mwa malamulo na anamafiyiheda atene ante tempu ya Juwawu.

Matewuji 4:5

Evale Diyabo ohomudowagana Yesu sidadi yotchena ya Jeruzalemu. Liye muhela vazulu va Nyumba ya Yehova, nimburo notama bure.

Markuji 1:24

<<Yesu wa Nazareti, kodi munafuna muniirele nni hiyo? Kodi mwazela ira munitolotche? Miyo duhuiziwani pama. Nyo muli Mutu Otchena wa Mulugu.>>

Lukaji 1:35

Evale mungelrole ohomuwandela, liye ira: <<Munemba Otchena unoutitela eto kopolo da Mulugu Okwaranya Jatene nnakala na weyo. Nona mwana unafuna we mbala unaitaniwege Otchena eto unaitaniwege Mwana Mulugu.

Lukaji 21:22

Mwasiwa malambo anno anaza kakale malambo oweliha kunyakunya ira jikwakwanele jatene jilrembiwe mMazuni.

Juwawu 1:41

Andire agakumile evale, mutu oroma anfwannye liye ali mbalaye Simawu. Aganfwannye ohomuwandelaga ira: <<Nihinfwanya Mesiya.>> (Mesiya ku wonga Namatikeliwa.)

Juwawu 3:34

Mwasiwa wenne urumiwe na Mulugu unawonga ja Mulugu. Tchoira Mulugu avahaga Munemba waye kanahiyededa.

Joira ja Anamarumiwa 3:14

Nyo mohonkonda Mutu Otchena, Mutu wapama, mmurumelaga mpanga ira atapuliwe, Yesu mbwenye apiwe.

Joira ja Anamarumiwa 3:22

<<Mozeji na liyene ohowonga ira: <Muwari mwa nlogo nehu, Nabwiya Mulugu unoza anirumele namafiyiheda mmohiwa okala nnga ha miyo. Aza, mutu uli watene inafwanela anvwelelege jinafuna liye wonga.

Joira ja Anamarumiwa 4:26

Amwene atene a mwilamboni anovenyela eto asogolrelri atene anogumanela, aliwa mpanganelaga Nabwiya vamohi na wenno umuhambihile liye.> >>

Roma 5:10

Tchoira akala ora yali hiyo amwidani a Mulugu, nihiwandanihiwa na Mulugu muwari mwa ukwa wa Mwanaye, kodi ora nili hiyo owandanene na Mulugu, Yesu unoza anihiye? Nari. Kaza anihiya. Yesu mwinnya unoza anivuluse mwasiwa liye na vanove ukalawo.

1 Korinto 1:30

Zela nyo mbwenye, Mulugu uhuvahani ingumi muwari mougumanihani na Yesu Kiristu. Mulugu eto usakanya ira Kiristu akale zelru dehu na upama wehu, nitchenihiwe muwari mwa liye eto niwomboliwe muwari mwa liye.

Filipo 3:9

eto dikale muwari mwa liye. Ku wonga kadinna upama ozela harihamo malamulo. Upama unafwayeyana miyo peno unazela muwari momuroromela Kiristu. Upama wenno unakumela wa Mulugu eto unawatcheliwa muwari mwa nroromelo.

Koloso 1:20

Eto afunne ira muwari mwa sangiri naye navuvihiwe vamuradini, awandanihe jatene na liye, azagana murendele. Nari jengo jili ilambo ya zulu, nari jengo jili ilambo ya vati, Mulugu ohowandaniha jatene na liye muwari mwa Mwanaye.

Koloso 2:14

Nilevelela uwa, malambo a mundulrimu nohofwanela tongiwa zela mangawa nanna hiyo onimanga mulandu zela hiyo viringaniha ja Mulugu. Mulugu eto uhumala timiha mangawa anno, muwari motukula, liye komela vamuradini.

Eberewu 10:14

Tchoira muwari mwa mukuto mmohive wenno, liye uwanda akwakwaneliheda para tempu datene atu anno anatchenihiwa.

Eberewu 2:17

Ira liye awande akamiheda ale kabaliwe muzizani mwa Abarahamu, yali yofwanela liye asanduwe, makalelo aye matene kakale olingana na abalaye. Ali ira awande kala mundimuwa wa anamakuta okana tangaranga, ororomeleya muwari mwa mabasa a Mulugu. Yali yofwanela liye kala namakuta wa makalelo anno ira awande sembeselra uwali wanna Mulugu zela jotega.

Eberewu 7:26

Yesu gu mundimuwa wa anamakuta ofuneya ira nimukayena. Mwasiwa liye gotchena, ohokana yotega eto ohokana yodugudela. Liye ohomwalanihiwa na atu otega, liye teteliwa zulu wokwaranya zulu.

Eberewu 9:26

Tchoira ahakale nnga Yesu avelelaga mikuto va kada yaka, yerege funeya ira Kiristu akwe fendo didjindji dene kuma vapandutchiwe zulu na ilambo ya vati pakana fiyeda peno va. Mbwenye kiireyile eno. Yesu ohoza kwa fendo imohi bahi muwari mwa matempu ogomiheda ala ira muwari monikwela fendo imohi yenno, awande maliha jotega jehu.

2 Peduru 1:1

Unalremba gu miyo Simawu Peduru, muzari wa Yesu Kiristu eto namarumiwa waye. Nnoulrembelani nyo mwatene muvahiwe ira mukayena nroromelo nnga hiyo muwari mo wongowa wa Mulugu wehu na Nvulusi Yesu Kiristu.

1 Juwawu 3:8

Mbwenye wenno ulemenle irana jotega gwa Diyabo tchoira Diyabo kuma voroma vene unnave tega. Eto Mwana Mulugu ira aze, azele bwanyula joira ja Diyabo.

Jowandeliwa 14:6

Nomala enne, miyo dohomuona mungelro mmohiwa avavaga muzulu muzulu, aganna Muselu Wapama ohomala, liye dowa ira arome alaleya atu atene anakala mwilamboni ya vati, atu a vilambo datene na malogo matene na viwongelo datene na kada atu.

Jowandeliwa 3:7

Liye ohowongagave na miyo adilanyedaga ira: <<Umulrembele mungelro wa nikuru na atu omuroromela Yesu a Filadelifiya mazu oira: <Mutu otchena wa ibaribari, wenno unna xavi na Davi, wenno uni afunga mulango ahakalagavo mutu ohula eto ahula mulango ahakalagavo mutu ofunga, gudiwandenle mazwala.