Daniyeli 9:20 - Mazu Otchena a Mulungu

²⁰ <<Miyo diwongagave, dagali vari volobela, dilrapaga jotega jaga na jotega ja mulogo waga wa Izarayeli eto dinvepaga Yehova Mulugu waga ira avenyihede mwango waye otchena,

Daniyeli 9:20 ပူးပေါင်းရင်းမြစ်များ

Izaiya 56:7

anno miyo nnoza daadowena mwango waga otchena eto nnoavaha hagalala muwari mwa nyumba yaga yolobelamo. Nnoza dirumele jovelela jewa jotumeya vamohi na mikuto dimohi diwa jejo jinafuna atu velelaga vaibuwani vaga. Tchoira nyumba yaga inaitaniwege Nyumba yolobelamo para atu a malogo matene.

Izaiya 58:9

Evale mwadiitana miyo dagali Yehova, nnoukamihedani. Eto mwakuwa wa miyo, miyo nnouwakulani ira: <Miyo dili vano!> Eto mwawanda kumihavo uzari vari venyu eto mwawanda kumihavo tonya otutcha eto mwawanda kumihavo wonga ubure,

Izaiya 6:5

Evale miyo dohowongaga ira: <<Dihikwa miyo! Tchoira dihimala dimela. Mwasiwa miyo dili mutu okana milomo dotakala eto nnakala muwari mwa atu okana milomo dotakala eto dihimuona Mwene wenno uli Yehova wa Makuru Matene na meso aga.>>

Izaiya 65:24

Eto tempu yenno, aliwa kahanadiitaneve, nnoza dirumele. Eto miyo nnerege irana yovepa yewa tempu imohive inawongege atu.

Daniyeli 10:12

Eto liye ohodiwandelaga eraga: <<Daniyeli kuove. Mwasiwa romela siku naromile we funa onelramo jionihiwe we no viyeviha vamentoni va Mulugu wawo, mazu awo kohovweya. Pa evo varumiwe miyo ira dize na mwasa wa mazu awo!

Daniyeli 10:2

Malambo anne miyo Daniyeli dohokalaga sumana taru dompumbula dikumbanyaga.

Daniyeli 11:45

Kapamento yaye ya umwene unadowa akunge wu bara Mediteraniyo, wu mwango Otchena okana undimuwa, vari viwa. Mbwenye goma waye unoza unfiyele eto kanakalavo mutu unafuna za mukamiheda!>>

Daniyeli 9:16

<<Nabwiya, voira nyo munairetcha jatene japama, nnouvepani mukwihe takaleliwa wenyu na uwali wenyu munna nyo zela sidadi yenyu ya Jeruzalemu, yenno inafwanyeya yagali mwango wenyu otchena. So Nabwiya, atu a vilambo dowandamelana anopeta sidadi ya Jeruzalemu eto anapeta mulogo wenyu na mwasa wa jotega jehu na jotega jasakanyile makolo ehu a wanle.

Joira ja Anamarumiwa 4:31

Kagamanle lobela, nimburo nagumanne atu nohotekenyeyaga, atwale zaleliwa Munemba Otchena. Kuma evale kodowave kalaleyaga mazu a Mulugu molimbiha murima.

Roma 3:23

Hiyo atu atene nihimala tega eto nnafwanyeya olapela wene na undimuwa wa Mulugu.

Tiyagu 3:2

Mwasiwa hiyo atene nnogwagwaduwa na makalelo madjindji. Mbwenye ule ahanagwagwaduwa muwari mwa jowonga jinakumela vamulomoni vaye, mutu wenno gu mutu okwakwanela owanda viwendiha maningo aye ompumbulene.

Jowandeliwa 21:10

Nomala enne, mungelrole ohoditukula muwari mwa Munemba, didowana vazulu va mwango mmohi olapa bure, liye dioniha sidadi yotchena Jeruzalemu, yenno yakumela wa Mulugu zulu, ititelaga mwilamboni ya vati.

Jowandeliwa 21:2

Eto dohoiona Sidadi Yotchena, Jeruzalemu Muxa, ikumelaga zulu wa Mulugu, ititelaga ilambo ya vati, yagamanle sakanyiwa pama nnga jini namateliwa afunaga watcheliwa na mamunaye.