Daniyeli 9:17 - Mazu Otchena a Mulungu

¹⁷ Nona so Mulugu wehu muvuruwane yolobela ya miyo namalaba wenyu. Muvuruwane jovepa jaga ira muniwendele tangaranga. So Nabwiya wandani ing'ana moziveliwa nimburo ninyu notchena nnafwanyeya vagali vadebe peno para atu atene kaiziwe ira nyo muli Mulugu!

Daniyeli 9:17 ပူးပေါင်းရင်းမြစ်များ

1 Amwene 8:28

So Yehova Mulugu waga, nnauvepani ira muvwe lobela wa miyo namalaba wenyu eto mubalre jejo jinavepa miyo namalaba wenyu vamentoni venyu peno.

Izaiya 48:11

Ira undimuwa waga uoneye, muwari mooniha undimuwa waga miyo nnoirana. Nnafuna dihiye avi ira nzina naga nilramwisiwe? Miyo undimuwa waga kadiza dinvaha mutu mmohiwa.>>

Daniyeli 9:19

So Nabwiya nivuruwaneni. So Nabwiya, munikurumuwele. So Mulugu waga munibalre eto muze munikamihede. Muze munivunele mohodibeliwa ira atu atene kaiziwe ira nyo muli Mulugu. Tchoira hiyo vamohi na sidadi ya Jeruzalemu, nnaitaniwa na nzina nenyu.>>

Juwawu 16:24

Fiyeda peno eni, kamunarome vepa yengo na nzina naga. Nnouwandelani ira muvepege na nzina naga mwasiwa Baba unouvahani inavepege nyo ira mukayena hagalala wokwakwanela.

2 Korinto 1:20

Tchoira mapangano matene a Mulugu muwari mwa Yesu ba mapangano a <<He.>> Nona niwongaga: <<Ame!>> muwari mwa Yesu ira Mulugu atitimihiwe.

Jowandeliwa 21:23

Eto musidadi mule kamunafuneya wareya wa nzuwa, nne mwedi, tchoira undimuwa wa Mwinnya Mulugu unafwanyeya agali wareya wa sidadile eto mwana Nibila gunafwanyeya agali pantiwa.