Daniyeli 8:24 - Mazu Otchena a Mulungu

²⁴ Liye utongi waye unoza ukale wa kopolo, mbwenye kopolo diwa kannakala daye. Liye unerege tatamula bwanyula wohokala wa masika, unerege atolotcha atu a kopolo na atu otchenihiwa. Liye unerege irana jatene jinafunege liye.

Daniyeli 8:24 ပူးပေါင်းရင်းမြစ်များ

Daniyeli 11:23

Liye unerege sakanya yopangana na afwaye. Mbwenye agasakanyile yopangana ile, unerege laba ja ungongomwa. Masiki agannave atu a vang'ono, kopolo daye nneregeve dowa sogolro.

Daniyeli 12:7

Mwa enne pavwile miyo mulombwana wenno awarile jowara josakanyiwa na usalru wapama ule, wenno afwanyeyaga vazulu va mahindje a muhindje ule. Liye ohovenyihaga muwono waye odjana na oromana liye ing'aniha zulu, liye lumbela ira: <<Miyo nnolumbela na nzina na wenno unakalawo malambo a mukalakala ira jeji jinaireya muwari mwa tempu imohi, na matempu menli eto na tempu ya metadi, atu otchenihiwa tempu yewa yoharahariwa yamala. Era eno pa evo vanafuna kwakwanela jatene jeji!>>

Daniyeli 7:25

Unerege wonga mazu abure zela Wenno Ukwaranyile Jatene eto unoazuzumiha atu a Wenno Ukwaranyile Jatene fiyeda awaheyiha. Eto liye unerege funa atchindjege matempu na malamulo matene anahara atu. Mwa enne unovahiwa utongi oairela atu otchenihiwa jabure jinafuna liye tempu imohi, na matempu menli eto na tempu ya metadi.

Daniyeli 8:10

Evale nnyanga nne nohoulukulaga ante aliwa fiyeda nikuru na zulu. Eto nagafiyile zulu ule, nnyanga nne nohamoriheda vati atu amohiwa kafwanyeya muwari mwa nikuru na zulu nne vamohi na nyenyedi dimohi diwa. Jagamorenle vati, liye ohonyingalelaga.

Daniyeli 8:11

Na ibaribari nnyanga nne nohoviulukulihaga fiyeda jofuna lingana na musogolrelri wa nikuru na zulu nne. Nnyanga nne nohomaliha mikuto dotumeya da malambo matene daveleliwetcha wa musogolrelri ule eto nohokarakasulaga nimburo naye notchena.

Daniyeli 8:12

Na mwasa wa jotega ja atu a Mulugu, mikuto dotumeya da malambo matene vamohi na nikuru natene na wewule nohovahediwa mmandani mwa nnyanga nne. Nnyanga nne nohotukulaga ibaribari, moriheda vati. Eto nodowave sogolro nigondjihaga.

Daniyeli 8:23

Magomelo wa umwene wewa wawandamelaga, joira jiwa jabure jaroma fiyavo pama pama, unoza avenye eto mwene mmohiwa owopiha eto mwinnya owonga ja ungongomwa.

Jowandeliwa 16:6

Mwasiwa malambo a mundulri atwala kohovuviha sangiri na atwinyu otchenihiwa, na sangiri na anamafiyiheda enyu. Peno eto nyo muhuwanda sandutcha mahindje kala sangiri ira apanga ala kang'wege. Na ibaribari aliwa anatambilra mofwanelela zela jejo jairile atu.>>

Jowandeliwa 17:17

Ira kairege eno, Mulugu gunafuna avaha aliwa zelru dedo mmirimani mwewa ira kairena yenno inafuna Mulugu. Mulugu gunafuna avaha zelru doira kagumanele, kavwanane, katukule utongi wewa, kanvahe besta ule atongege ira mazu a Mulugu kawande kwakwanela muwari mwa aliwa.>>

Jowandeliwa 17:6

Miyo dimuing'anaga muhiyanole, damuonne ira liye afwanyeya agamanle lrezelra na sangiri na atu otchenihiwa, na sangiri na atu kapiwele nzina na Yesu. Evale dagamuonne muhiyanole, dohotikiniheya valukulu.

Jowandeliwa 19:2

Mulugu atamaleliwe, mwasiwa jotonga jaye ti jotonga ja ibaribari, jokwakwanela. Tchoira liye guwandile mutonga puta mundimuwa wenno anongile ilambo ya vati muwari moraruwa waye. Mulugu uhumuweliheda kunyakunya zela sangiri na anamalabaye natatinle liye.>>