Daniyeli 8:15 - Mazu Otchena a Mulungu

¹⁵ Miyo Daniyeli dagaonihiwe jejile, dohosakaga iziwelamo. Mwa enne ukala azilege vasogolro vaga akalaga nnga mutu.

Daniyeli 8:15 ပူးပေါင်းရင်းမြစ်များ

Izaiya 9:6

Tchoira ukala mwana ubaliwe ira nione upama wehu. Ukala mwanapongwe urumiwe wa hiyo. Utongi uli vanifudini vaye. Liye nzina naye unaitaniwege Namawelruza Otikiniha, Mulugu wa Kopolo, Baba wa Mukalakala, Musogolrelri wa Murendele.

Daniyeli 10:16

Mwa enne ohokalawo azilege annaga makalelo olingana na hiyo atu, liye disakwinya mulomo waga. Agadisakwinyile, dohogudubulraga mulomo, miyo wonga na wenne aimenle vevale vafwanyeya miyo vale, miyo ira: <<Dihikwa mbwiyeni, miyo eni dili murenda eto eni dili lohulo na mwasa wa jejo jaona miyo!

Daniyeli 10:18

Evale wenne anna makalelo olingana na mutule ohowelela adihindaga akoka, liye dilimbiha

Daniyeli 10:5

Dagavenyihile meso aga, dagaing'anne, damuonnege mulombwana mmohi eni agawarile jowara josakanyiwa na usalru wapama eto aganna mmwinini mwaye sintu na oru ohogumanihiwa na yengo imohiwa wa ilambo ya Ufaji.

Daniyeli 12:8

Miyo dagali mulombwana Daniyeli dohovwaga jejo jadiwandenle liye, mbwenye kadawandile onelramo. Na mwasa wenno dohofuka miyo ira: <<Mbwiyeni, kodi jatene jeji jinaza jimale na makalelo bavi?>>

Daniyeli 7:13

<<Miyo dohokalelave ing'ana jaona miyo mmuruni mwaga na mahiyu. Mwa enne dohomuonaga mutu mmohi nnga Mwana wa Mutu akumelaga mmiramboni zulu. Evale liye ohodowaga pandi ya evale vafwanyeya mundimuwa oulula bure ule, liye veleliwa vamentoni va mundimuwole.

Daniyeli 7:28

<<Wu ku mamalelo wa jengo jionne miyo. Miyo dagali mulombwana Daniyeli dagamanle wandeliwa jatene eji, joumbuwela jaga mmuruni mwaga johokukumuwaga eto dohokalaga lohulo. Mbwenye jatene jeji dohokoyaga mmirimani mwaga.>>

Daniyeli 8:1

Yaka yaneraru yatonga mwene Belisazare, miyo dagali mulombwana Daniyeli dagaonihiwe joroha joroma jile, dohowelela onihiwa jimohi jiwa mmuruni mwaga.

Daniyeli 8:19

Eto ohodiwandelaga eraga: <<Kaing'ana. Miyo nnafuna duiziwihe uwali wa Mulugu unafuna za ireya malambo ogomiheda! Mwasiwa jeji jinafuna jize jiireye malambo ogomiheda nnga mwabalrele Mulugu wanle!

Matewuji 13:36

Noira enne, Yesu ohahiyaga anamwindjale evale, liye dowa volowa mmba. Agavolowile mmba mule, anamamuharaye kohozaga, aliwa nfwanya, atu kwi: <<Niwandeleni yotapulela ya yofwalrafwaniha ya ntandje nafwanyeya mmundani mule!>>

Matewuji 24:15

Yesu ohowongagave eraga: <<Nyo mwaza muona yengo yabure yohokala ya masika, yengo yotakaliha Nyumba ya Yehova, yenno yawongile namafiyiheda Daniyeli, yagaimetchiwe Nimburo Notchena, (ule unaileri mazwala, aumbuwele pama tapulela uwa),

Matewuji 24:30

Jaireya eno, pa evale vanafuna za kumelela zulu ionihedo ya Mwana wa Mutu eto malogo matene a mwilamboni anoza kanle eto anoza kamuone Mwana wa Mutu azelaga mmiramboni da zulu na kopolo vamohi na undimuwa wohokala wa masika.

Markuji 13:14

Yesu ohowelela wonga akoka eraga: <<Nyo mwaza muona yabure yohokala ya masika, yengo yotakaliha Nyumba ya Yehova yagaimetchiwe nimburo nohofwanela imetchiwavo (ule unaileri mazwala, aumbuwele pama tapulela uwa), atu anne anakale Judeya, inafwanela katawelege mmwangoni.

Markuji 4:12

ira kaing'anagave kahawande ona yengo eto ira masiki kavuruwanagave, kahawande onelramo yengo. Tawiha ira kaona, kaonelramo, anawelele wa Mulugu ira aakurumuwele.>>

Jozuwe 5:14

Evale mulombwanole ohomurumelaga Jozuwe eraga: <<Miyo kadili wa pandi yawo nne kadili wa pandi ya amwidanawo. So mbwenye ira dize wa weyo, tchoira dili mundimuwa wa anyakondo a Yehova.>> Noira enne, Jozuwe ohokokoraga, aoramihedaga kove yaye ante fiyiha vati, liye mutamalela. Noira enne, ohonfuka eraga: <<Mbwiyeni kodi mwazela diwandela nni miyo namalaba wenyu?>>

Jowandeliwa 1:13

Vari va jogoromeyavo panti tanu na mbinli vale ohokala alivo nnga ha mutu, agawarile bata yolapa yafiya manyaloni. Eto pandi ya mirimani waye ohowaraga sintu na oru.

Jowandeliwa 13:18

Va vinafuneya toto. Mutu wenne uli wa toto inafwanela awande sakasaka iziwa numero na besta ule, tchoira ti numero na mutu. Numero niwa nnafwanyeya nagali 666.