Daniyeli 7:28 - Mazu Otchena a Mulungu

²⁸ <<Wu ku mamalelo wa jengo jionne miyo. Miyo dagali mulombwana Daniyeli dagamanle wandeliwa jatene eji, joumbuwela jaga mmuruni mwaga johokukumuwaga eto dohokalaga lohulo. Mbwenye jatene jeji dohokoyaga mmirimani mwaga.>>

Daniyeli 7:28 ပူးပေါင်းရင်းမြစ်များ

Jenesesi 37:10

Mbwenye liye agamuwandenle babaye vamohi na abalaye ale yoroha yenne, babaye agavwile ohomusumulula eraga: <<Kodi yoroha yenno, yoroha nni? Weyo unaumbuwela ira miyo na mmawo na abalawo atene nnoza nukokorelege weyo nifiyihe miru dihu vati?>>

Jenesesi 37:11

Mwa enne abalaye ale komukalela nrima nlukulu. Mbwenye babaye agarati, oumbuwela jengo jatene jene jawongile mwanayele.

Daniyeli 10:16

Mwa enne ohokalawo azilege annaga makalelo olingana na hiyo atu, liye disakwinya mulomo waga. Agadisakwinyile, dohogudubulraga mulomo, miyo wonga na wenne aimenle vevale vafwanyeya miyo vale, miyo ira: <<Dihikwa mbwiyeni, miyo eni dili murenda eto eni dili lohulo na mwasa wa jejo jaona miyo!

Daniyeli 10:8

Mwa enne miyo dohalaga mekave diing'anaga jengo johokala ja masika jaonihiwa miyo mmuruni mwaga. Eto kopolo daga dohogomaga, miyo kala waheyo. Eto makalelo a kove yaga kohotchindjeya, miyo kala oovene.

Daniyeli 11:27

<<Jagaireyile enne amwene ambinlene anogumana kada mutu aganna joumbuwela jabure ira amuirele nfwaye. Era enne anogarati vameza vamohive kadjaga, kada mutu arome wonga mazu aye onama. Mbwenye muwari mwa aliwa, jofuna jewa kajinakwakwanela, mwasiwa tempu ya makutulo yabalrile Mulugu inaza ikale yahanakwakwane.

Daniyeli 12:13

Mbwenye weyo Daniyeli ukaleve ororomeleya ante makutulo. Weyo unovuma vuma wa ukwa, mbwenye mamalelo wa malambo unoza uvenye, uwatchele yotambilra yawo.>> Kukala mazu a livuru na Daniyeli.

Daniyeli 12:9

Evale liye ohodiwakulaga eraga: <<Daniyeli kamaruwa udowe. Mwasiwa mazwala ba mazu okoyeya eto kohofungeliwa ira ahakalevo mutu mmohiwa unafuna iziwa fiyeda malambo ogomiheda.

Daniyeli 4:16

Amala zelru daye ditchindjeye ira ahakayena zelru da mutu, mbwenye akayena zelru da anavinyama. Ante vivire tempu tanu na mbinli.

Daniyeli 4:19

Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo.

Daniyeli 5:6

Mwa enne kove yaye yohotchindjeya muwari moova eto joumbuwela jaye jali jomukukumula. Ohokalaga okukumuwene no ova, liye roma ngurumela mutu watene wenne romela muruni ante mendoni.

Daniyeli 7:15

<<Miyo Daniyeli dagaonne jatene ejile, munemba waga ohokukumuwaga eto jejo jaonaga miyo mmuruni mwaga johodikukumulaga!

Daniyeli 8:1

Yaka yaneraru yatonga mwene Belisazare, miyo dagali mulombwana Daniyeli dagaonihiwe joroha joroma jile, dohowelela onihiwa jimohi jiwa mmuruni mwaga.

Daniyeli 8:17

Mwa enne Gabiriyeli ohozaga adiwandamelaga vevo vaimenle miyo. Evale miyo dagamuonile, dohokagana ova wohokala wa masika eto dohogwelaga vati na koveni. Mbwenye liye ohodiwandelaga eraga: <<Kavuruwana we mwana wa mutu. Inafwanela uiziwe ira jejo jionihiwe we, jinawonga zela tempu yogomiheda!>>

Daniyeli 8:19

Eto ohodiwandelaga eraga: <<Kaing'ana. Miyo nnafuna duiziwihe uwali wa Mulugu unafuna za ireya malambo ogomiheda! Mwasiwa jeji jinafuna jize jiireye malambo ogomiheda nnga mwabalrele Mulugu wanle!

Daniyeli 8:27

Kagamanle diwandela enne, miyo mulombwana Daniyeli dohokalaga lohulo eto dohomalaga malambo madjindjene dagali murenda. Noira eno, dohovulumuwaga, miyo roma labaga mabasa a mwene. Mbwenye masiki davulumuwileve, dohokalave okukumuwene zela joroha daona miyo jile eto kadawanda onelramo yotapuleliwa.

Markuji 9:15

Atu atene kali vevale kagamuonne Yesu azaga, kohotikiniheyaga valukulu, aliwa tamanga dowa mulondjela.

Lukaji 2:19

Mariya mbwenye agahanle, kawandile diwala jengo jatene jaireyile. Vagarati liye oumbuweletcha mmirimani mwaye.

Lukaji 2:51

Vevale Yesu ohomaruwaga vamohi na ababaye kawelelaga Nazareti. Eto liye oavwelela ababaye. Mbwenye mmaye ohokoya jatene ejile mmirimani mwaye.

Lukaji 9:44

<<Muvuruwanetchetche pama yenno inafuna miyo uwandelani veva. Inafuna miyo uwandelani tchi ila: Mwana wa Mutu unovahediwa mmandani mwa atu.>>