Daniyeli 7:1 - Mazu Otchena a Mulungu

¹ Yaka yoroma yatonga Belisazare mwene wa Babiloniya, siku nimohi mulombwana Daniyeli agagonatile vakamani vaye, ohokana yoroha yaye, vamohi na jengo jaonihiwa liye mmuruni mwaye. Noira enne, oholrembaga yoroha ile awongagamo mogwada mwene jaonne liye.

Daniyeli 7:1 ပူးပေါင်းရင်းမြစ်များ

Jenesesi 15:1

Jagamanle ireya ejile, mazu a Yehova kohozaga wa mulombwana Abaramu muwari momuoniha jengo mmuruni mwaye, eraga: <<Abaramu weyo kuove! Miyo dili defeza yawo youbarela mwa jowopiha jatene eto weyo unoza ukayena yotambilra ilukulu.>>

Jenesesi 46:2

Noira eno, Mulugu ohowonga na mulombwana Izarayeli na mahiyu muwari momuoniha jengo mmuruni mwaye, liye ira: <<Jako! Jako!>> Liye ohomuwakula ira: <<Miyo vano!>>

Izaiya 30:8

Mulugu udiwandela ira: <<Peno udowe walrembe eji vatabwani aliwa kauing'anaga. Eto ulrembe mulivuruni ira sogolro ize ikale umboni wohomala.

Izaiya 8:1

Yehova ohodiwandela ira: <<Katukula yolrembavo ilukulu, ulrembevo na malrembelo ooneya pama, wire: <Gudjula mwa sanga sanga, waka mobaranya.> >>

Daniyeli 1:17

Fwanyeya ira va azombwe annayi ala, Mulugu ohavaha zelru no iziwetchetcha zela yolremba ili yatene no nonelamo watene. Eto Mulugu ohonvaha mulombwana Daniyeli iwandelo yotapulela joona na joroha jatene.

Daniyeli 2:1

Yaka yanembinli yatonga mwene Nabukodonozore, mwenole ohokana joroha jaye jarohile liye. Evale liye agarohile, ohokalaga okukumuwene mmirimani mwaye eto liye kawandile gona.

Daniyeli 2:26

Evale mwene Nabukodonozore ohonfukaga Daniyeli wenno aitaniwa na nzina na Beltesazare eraga: <<Kodi weyo unowanda diwandela yoroha yanna miyo vamohi na yotapulela iwa?>>

Daniyeli 4:13

<<Miyo jejo daonaga muwari moroha mmuruni mwaga. Eto dagalive vakamani evale muwari moroha, dohomuona namaing'anela mmohi wenno ali mungelro akumelaga zulu.

Daniyeli 4:5

Mwa enne dohorohaga. Yoroha yenne mbwenye yohodizelagana ova. Eto dagalive vakamani vaga, joumbuwela jaga na jejo jaonihiwaga miyo mmuruni mwaga johodikukumulaga.

Daniyeli 5:1

Siku nimohi mulombwana Belisazare, mwene wa Babiloniya, ohosakanyaga pwando. Liye aitana andimuwa andimuwa a mwilamboni mule fiyeda atu 1.000, liye roma ng'wa vinyu na ale aaitanile liye ale.

Daniyeli 5:22

Daniyeli ohowongagave eraga: <<Eto nyo mwanaye so mwene Belisazare, mwagaiziwileve jatene jejo kamufunile viyeviha.

Daniyeli 5:30

Siku nimohive nenne mahiyuni uwa mulombwana Belisazare mwene wa aBabiloniya ohopiwaga.

Daniyeli 7:13

<<Miyo dohokalelave ing'ana jaona miyo mmuruni mwaga na mahiyu. Mwa enne dohomuonaga mutu mmohi nnga Mwana wa Mutu akumelaga mmiramboni zulu. Evale liye ohodowaga pandi ya evale vafwanyeya mundimuwa oulula bure ule, liye veleliwa vamentoni va mundimuwole.

Daniyeli 7:15

<<Miyo Daniyeli dagaonne jatene ejile, munemba waga ohokukumuwaga eto jejo jaonaga miyo mmuruni mwaga johodikukumulaga!

Daniyeli 7:7

Jagaireyile eno, miyo dohowelela diing'anagave muwari mwa jengo jaonne miyo mmuruni mwaga na mahiyu. Muwari moing'ana dohomuonaga mwanainyama wanennayi owopiha na makalelo ohokala a masika, orendjetcha, okana kopolo dohokala da masika anna meno malukulu a momba. Liye otakuna eto ogwadanya eto jimohi jahala, onyingalela na manyalo aye. Mwanainyamole mbwenye ali ohiyana na anavinyama araru amohiwa ale eto ohokana manyanga kumi.

Daniyeli 8:1

Yaka yaneraru yatonga mwene Belisazare, miyo dagali mulombwana Daniyeli dagaonihiwe joroha joroma jile, dohowelela onihiwa jimohi jiwa mmuruni mwaga.

Roma 15:4

Kodi zela mazu a Mulugu kalrembiwe wanle mMazuni, kalrembiwele nni? Kalrembiwele ira kanifundjihe ibaribari ira nivilele eto nilimbihiwe muwari mwa mazwale. Evale nnokala olimbene zela yoing'anela inna hiyo.

2 Korinto 12:1

Masiki muwari movititimiha mwahakaleve mpindu, inafwanela diwongegeve mazu ovititimiha. Miyo nnafuna diwongege zela jengo jionne miyo mmuruni na jengo jionihiwe miyo na Nabwiya.

Jowandeliwa 1:19

Nona miyo nnouruma ira ulrembe jatene jene jionne we zela jejo jinaireya tchineneva vamohi na jengo jejo jinafuna za ireya sogolro.

Jowandeliwa 10:4

Mwa enne ndari tanu na mbinli dile dagarumile, miyo dohofunaga joira dirome lremba jejo javwa miyo muwari mwa ndari dile, mbwenye zulu wohokumela nizu nawongilege, nidiwandelaga ira: <<Uhiye jejo jiwongile ndari dile ira jikale jokoyeya. Kulrembe!>>