Daniyeli 6:27 - Mazu Otchena a Mulungu

²⁷ Liye unowombola eto unovulusa. Eto unowanda irana jitonyihedo na matikiniho zulu na ilambo ya vati. Gu liyene uwandile muwombola mulombwana Daniyeli mmandani mwa kopolo da apodogoma!>>

Daniyeli 6:27 ပူးပေါင်းရင်းမြစ်များ

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 4:31

Mwa enne liye awongagave enne ahanamarihe, zulu wohokumela nizu nawongaga ira: <<Kavuruwana pama we mwene Nabukodonozore! Eni umwene wawo uhugoma!

Daniyeli 4:34

Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa!

Daniyeli 4:35

Eto atu atene a mwilamboni ya vati, vamentoni vaye kahi yengo. Eto Wenno Ukwaranyile Jatene unolaba mofuna mwaye muwari mwa nikuru natene nnafwanyeya zulu nari atu atene anakala mwilamboni ya vati. Kalivo unawanda muhiyiha yengo nne kalivo unawanda nfuka ira: <<Kodi munakala ani?>>

Daniyeli 6:20

Agafiyile wewule, ohomuitanaga mulombwana Daniyeli na nizu nokumbanya eraga: <<Daniyeli namalaba wa Mulugu Okalawo, kodi Mulugu wawo wenno unamulaba we malambo matene uhuwanda uvunela muwari mwa apodogoma?>>

Juwawu 4:48

Evale Yesu ohomuwakula, liye ira: <<Nyo ira mudiroromele munafuna muone jionihedo jinera miyo. Mbwenye mwahaone, kamunadiroromela.>>

Joira ja Anamarumiwa 4:30

Muwongole muwono wenyu wa kopolo ira hiyo niwande avulumutcha arenda no irana jionihedo na jotikiniha na nzina na Mwaninyu Yesu, Namalaba wenyu Otchena.>>

Eberewu 2:4

Mulugu eto ohidedela umboni zela Muselu Wapama muwari mwa jionihedo na jotikiniha na jengo johiyana hiyana na jolemelela ja Munemba Otchena Mulugu ugawile liye mofuna mwaye.

1 Samuweli 17:26

Mwa enne Davi ohafukaga alombwana aawandamenlege liye, eraga: <<Kodi mutu wenne unampe nFilistewu ule, amaliha manyazo anna hiyo aIzarayeli, unavahiwa nni? Kodi nFilistewu mutu ohoineliwa nnga wenna bani ira liye aze apokihege na makalelo anna nikuru na anyakondo a Mulugu Okalawo?>>