Daniyeli 6:24 - Mazu Otchena a Mulungu

²⁴ Noira enne, mwenole eto ohowongaga eraga: <<Kadowani mwaahinde alombwana anne kamugwihilena mulandu nfwiwa ira akwe vasayi ale, mwaatukule aliwa vamohi na ahiyaniwene na ahimiwene, mudowe mwaavokede mmulihani muli apodogoma mule.>> Fwanyeya ira tempu yaavokeda atu atene anne mmulihani mule, kahanafiyeve vati, apodogoma kohagapa muzulu muzulu, aliwa mala agwadanya makuva ewa matene.

Daniyeli 6:24 ပူးပေါင်းရင်းမြစ်များ

2 Amwene 14:6

Mbwenye aliba mpa babaye ale ahimiwa, liye kaapile. Airilena mokwakwanela na mazu kalrembiwe Livuru na Malamulo a Mozeji, anno Yehova awongile liye ira: <<Kakalevo babi unafuna piwelaga yotega ya mwanaye, nne kakalevo mwana unafuna piwelaga yotega ya babaye. Mbwenye kada mutu apiwelege yotega yaye.>>

Izaiya 38:13

<<Miyo dohokalave omiyalene diing'anelaga fiyeda unde tcha. Mbwenye upa udivahile Mulugu unokala nnga podogoma uirile kotola makuvaga. Ntana nari mahiyu miyo daumbuwela ira Mulugu unodimariha.

Daniyeli 3:22

Fwanyeya ira mwene ule aarumile atwale mobaranya eto muhofuni mule mohokahaga na makalelo ohokala a masika. Na mwasa wenne, alombwana kadowa kaatatilelaga Sadaraki, Mezaki na Abedenego mmunloni, kohovulreyaga na malumi a munlo kakumelaga muhofuni mule, aliwa fiyeda kwa.

Detoronomiyo 24:16

<<Kakalevo babi unafuna piwelaga yotega ya mwanaye, nne kakalevo mwana unafuna piwelaga yotega ya babaye. Kada mutu apiwelege yotega yaye.