Daniyeli 6:19 - Mazu Otchena a Mulungu

¹⁹ Evale unde uromaga tcha mwenole ohovenyaga, mobaranya ohodowaga wewule wafwanyeya muliha wa apodogoma ule.

Daniyeli 6:19 ပူးပေါင်းရင်းမြစ်များ

Daniyeli 6:18

Noira enne, mwenole ohodowaga palasiyoni waye. Eto agadowile wewule, ohovireliwaga mahiyu matene anne ahadjile yengo. Nne tchazilegena joimbana, aroma walreda nnga jeretcha liye. Eto kawandile gona.

Daniyeli 6:20

Agafiyile wewule, ohomuitanaga mulombwana Daniyeli na nizu nokumbanya eraga: <<Daniyeli namalaba wa Mulugu Okalawo, kodi Mulugu wawo wenno unamulaba we malambo matene uhuwanda uvunela muwari mwa apodogoma?>>

Matewuji 28:1

Sabado agavirile, siku noroma na sumana, unde ufunaga tcha, Mariya nkuda Madala na Mariya mmohiwa ule kohomaruwaga ira kadowe kapande nifukweni ule.

Markuji 16:2

Siku noroma na sumana na mabebehene, nzuwa niromaga kuma, kohomaruwaga kadowaga nifukweni ule.

2 Korinto 2:13

Masiki eno, miyo mmirimani mwaga kadawandile pwaseya na mwasa oira kadamuonne mbalaga Titu wewo. Evale miyo dohahiya akuda Toroyade ale, miyo kwaranyavo ante Masedoniya dimusakaga Titu.

1 Tesalonika 3:5

Miyo dagavwile zela makatamiho enyu, kadiwandile garati wene. Pa evo vamurumile hiyo nfwihu Timoteyo ira aze, aupandeni, aone akala mulive na nroromelo nenyu. Tchoira daova ira afwase afwihu vano kohomala nyengiwa na wenno unaanyengetcha atu. Miyo daumbuwela ira afwase mabasa nalabile hiyo Tesalonika, nalabele vasayi.