Daniyeli 4:37 - Mazu Otchena a Mulungu

³⁷ Mbwenye va eni miyo mwene Nabukodonozore nnomutamalela eto nnomuulukuliha eto nnomutitimiha Mwene wa Zulu. Mwasiwa mabasaye matene ba pama eto ndila daye datene ti ndila dotchena eto liye unowanda ayeviha atu anne anawenda movitukulela!

Daniyeli 4:37 ပူးပေါင်းရင်းမြစ်များ

Ezodu 18:11

Miyo peno dihikana ibaribari ira Yehova gwa kopolo dilukulu akwaranya amilugu atenene. Tchoira liye uhawombola atwaye mmandani mwa aIjipitu anno kaaireletcha makalelo ovitukulela.>>

Ezodu 8:4

Anyapule ayo anafuna kauzele weyo na atwawo na anamalabawo atene.>> > >>

Izaiya 23:9

Asakannye eji ali Yehova wa Makuru Matene ira amalihe jingari wa atu okana undimuwa, eto ira aatakalihe atu atene orihediwa a mwilamboni ya vati.

Izaiya 5:16

Mbwenye Yehova wa Makuru Matene unoza atamaleliwe na mwasa otonga waye wa ibaribari. Mulugu Otchena unoza aonihe tchena waye muwari mwa upama unera liye.

Daniyeli 4:26

Eto zela yenno yawongiwe ira kahiye nigodo niwa na mitchitchi diwa dene da mutengole, ku wonga mwagamanle iziwa ira uhukalawo uli zulu unautongani, umwene wenyu unouwelelani.

Daniyeli 4:3

Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!

Daniyeli 4:34

Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa!

Daniyeli 5:4

Kohong'waga vinyu katamalelaga amilugu ewa a oru, a parata, a mukuwa, a momba, a mitengo, na amilugu ewa a mabwe.

Matewuji 11:25

Mwa tempu yenne Yesu ohowonga eraga: <<Miyo nnoutamalelani nyo Babani, Mwinnya wa ilambo ya zulu na ilambo ya vati, mwasiwa nyo muhuwanda koya jengo jeji ira aliba zelru na aliba onelramo kahawande iziwa. Mbwenye muhuwanda aiziwiha ahima ang'onong'ono.

Joira ja Anamarumiwa 17:24

Mulugu wa ibaribari gu Mulugu upandutchile ilambo ya vati na jatene jinafwanyeyamo. Muwari mopandutcha jatene mule, Mulugu wenno gu Mbwiye wa zulu na ilambo ya vati. Kahi ira unakala muwari mwa nyumba dedo nnamangiwa na atu.

Detoronomiyo 32:4

<<Liye gu Nibwe nindimuwa eto jolaba jaye jatene ti jolaba jokwakwanela, tchoira ndila daye datene nnafwanyeya dagali ndila dapama. Mulugu gororomeleya, muwari mwa liye kamunafwanyeya jonyenga. Mulugu unafwanyeya agali wapama eto owongowa.

Jowandeliwa 15:3

Aliwa koimbaga nyumbo ya Mozeji, muzari wa Mulugu, imohive yenno eto inafwanyeya yagali Nyumbo ya mwana Nibila, keraga: <<Nyo so Nabwiya Mulugu, Mwinnya wa Kopolo Datene, joira jenyu ti joira johokala ja masika eto jotikiniha. Nyo so Mwene wa vilambo datene, munairana jengo jatene jofwanela, ja ibaribari.

Jowandeliwa 16:7

Nomala eno, miyo dohovwa nizu nimohi niwa nakumela vaibuwani vale, nirumelelaga mazwale ira: <<He, na ibaribari nyo Nabwiya Mulugu, Mwinnya wa Kopolo Datene, matongelo enyu ba matongelo a ibaribari eto ofwanela.>>

1 Samuweli 2:3

Kuwongegeve mazu ovitukulela. Mmulomoni mwawo kamukale mazu ovitetela mwasiwa Yehova gu Mulugu oiziwa jatene. Liye gunapima joira jatene.