Daniyeli 4:27 - Mazu Otchena a Mulungu

²⁷ Nona so mwene, inafwanela murumele yenno inauwandelani miyo. Inafwanela muhiye jotega jatene na jabure jenyu jatene. Muiregena upama eto mwaawendelege tangaranga atu osimela. Mwairana eno mbwenye afwase upama unaona nyo malambwala uneregeve dowa sogolro!>>

Daniyeli 4:27 ပူးပေါင်းရင်းမြစ်များ

1 Amwene 21:29

<<Kodi uhuona makalelo anaviyeviha mulombwana Akabe vamentoni vaga? Voira liye uhuviyeviha vamentoni vaga, ubure watene wafuna miyo airela akuda Akabe, kannamuirela liye, mbwenye nnamuirela mwanaye unafuna za tongaga liye agakwile!>>

Izaiya 10:13

Mwasiwa mwene wa Asiriya unawonga ira: <<Mwa kopolo da ndanda naga dihilaba na zelru daga, tchoira miyo dihikana onelramo, miyo nnowanda bwanyula madilre a atu, eto nnowanda awaka jorayela jiwa, nnowanda agwiha anno anakala mipando da umwene kalaga nnga dili ng'ombe ya mulombwana yatakaleliwa.

Izaiya 47:10

Weyo waroromela ubure wawo. Waumbuwela ira: <<Kalivo unadiona.>> Iziwa wawo na zelru dawo jihimala uviringaniha. Mmirimani mwawo waumbuwela ira: <<Gu miyo bahi, eto dihiya miyo, kalivo mmohiwa.>>

Izaiya 47:8

Na mwasa wenno, kavuruwana, we mutu ohara jouziveliha, weyo unagarati pama, we unaumbuwela mmirimani mwawo ira: <<Miyo gu miyene bahi. Kalivo mmohi ahali miyo. Kadiza dikala makwele eto ahimaga kiza kakwa.>>

Jonasi 3:9

Kalekale Mulugu aniwendele tangaranga, ahaniirele yabure yenno yafuna liye niirela na uwali wozela takaleliwa waye ulukulu ira nahatolowe.>>

Matewuji 3:8

Akala muhutwaruwa, muvahege misapo dapama dotonyiheda twaruwa wenyu.

Lukaji 11:41

Mbwenye jinafuna nyo avaha atu osimela inafwanela mwaavahe na mmirimani mwenyu mwatene. Mwaira eno munoona jatene jene jinokala jotchena jene para nyo.

Joira ja Anamarumiwa 24:25

Evale Pawulo awongaga zela irana japama, no vihiyiha jabure, na makalelo Mulugu anafuna liye za tonga, mulombwana Felekisi ohokukumuwa, liye ira: <<Ikwakwana. Ubabihe dowa. Malringana dakana tempu, nnouitana akoka.>>

Joira ja Anamarumiwa 26:20

Mbwenye dohoroma alaleya atu roma ale kafwanyeya Damaxiku, dowaga ale kafwanyeya Jeruzalemu, dowaga ale kafwanyeya ilambo ya Judeya, fiyeda atu ohokala aJudewu. Dalaleyetcha ira: <Mutwaruwe, mmuhare Mulugu. Mwatwaruwa, muiregena jengo jolingana no twaruwa wenyu.>

Joira ja Anamarumiwa 8:22

Utwaruwe mwa yengo yotakala iirile we, unvepe Nabwiya ira yawandeya, uwande kurumuweliwa zela yengo yotakala yaumbuwenle we mmirimani mwawo.

2 Korinto 5:11

Nona muwari mokala atu omuova Nabwiya, nnalaba ira naagondjihe atu amohiwa ira kakayena ibaribari. Mbwenye makalelo ehu kohomala iziweya na Mulugu. Miyo eto dafuna nnga na nyenne, mwaniona hiyo, mmirimani mwenyu mukayena ibaribari zela hiyo.

Galasiya 5:13

Nyo abalaga muhuitaniwa ira mukale atu okutchiwa. Mbwenye muwari mokala atu okutchiwa, kamunukede kutchiwa wenyu ira ukale dugumento noirana jofuna ja maningo. So mbwenye inafwanela muwandege kamihedana muwari mozivelana.

Galasiya 5:22

Mbwenye musapo wa mutu unasogolrelriwa na Munemba Otchena unafwanyeya agali zivelana, hagalala, murendele, vilela, muirela nfwawo upama, irana japama jatene, kana nroromelo,

Galasiya 5:6

Tchoira mutu uli muwari mwa Yesu Kiristu, akala uineliwa owu hehi kaineliwe, jejo kajinna mabasa. So ilukuluwa inafuneya mutu akayena nroromelo eto muwari mwa nroromelo aaziveliwege afwaye.

Efezo 4:28

Wenno abetcha, ahiye umbava waye, adowe alabe mabasa a ibaribari na mandaye ira akayena yengo ira adowe anvahe ule unna makatamiho.

Detoronomiyo 24:13

Nzuwa naviraga, umuwelihede ipanda yaye ira liye awande vikunelana kapa yaye mahiyu anne. Era eno unoureliha. Eto weyo waira eno, uhusakanya upama vamentoni va Yehova Mulugu wawo.

Detoronomiyo 32:27

Mbwenye kadiirilena tawiha ira amwidaniwa no pudja wewa, anaze karome vitukulela mohoonelramo, kerege: <<Naagondjihile atwala muwari mwa ndanda nehu na kopolo, Jatene eji airana ali hiyo hiya Yehova.>> >

Detoronomiyo 8:17

<<Mwa eno, kamurome wongaga mmirimani mwenyu ira: <Miyo jorayela jatene jinna miyo diwandile kana muwari mwa kopolo daga na mandaga.>

1 Peduru 4:8

Eto kwaranya jatene, mukayena zivelana ulukulu mmohi na nfwaye. Mwasiwa mwakana zivela, munowanda levelela jotega jidjindji jene.