Daniyeli 3:28 - Mazu Otchena a Mulungu

²⁸ Evale mwene Nabukodonozore ohowongaga eraga: <<Atamaleliwe Mulugu wa Sadaraki, Mezaki na Abedenego wenno umurumile mungelro waye, aza aawombola anamalaba aye anno kamuroromenle liye. Tchoira kohofiyeda konda yenno yawongile mwene, aliwa fiyedaga vivelela maningo ewa, hiyaniha no tamalela mulugu mmohiwene ahali Mulugu wewa!

Daniyeli 3:28 ပူးပေါင်းရင်းမြစ်များ

Jenesesi 9:26

Nowe ohowongagave eraga: <<Otamaleliwa akale Yehova, Mulugu wa Semi eto Kana akale muzari waye!

1 Koronika 5:20

Tempu yawana atu kondo, kohonvepa Mulugu ira aakamihede, evale Mulugu ohavaheda mmandani mwewa akuda Agiri na afwiwa atene. Mulugu aakamihedele mwasiwa aliwa kohomunyindela.

Ezodu 20:5

Kamukokorele eto nne kamutamalele jejo mwasiwa miyo Yehova Mulugu wenyu dili Mulugu okana sandje. Tchoira atu anno anadiida, miyo nnotonga yotega yewa mwa ahimiwa anaabalege atu, fiyeda azuliwa ahimiwa.

Izaiya 12:2

Kaing'anani Mulugu gu Nvulusi waga. Nnerege muroromela liye eto kilivo inaova miyo, mwasiwa Nabwiya Yehova ti kopolo nnadilimbiha miyo. Gu liyene unafuna miyo muimbela. Gu liyene unadivulusa.>>

Izaiya 37:36

Evale Mungelro wa Yehova ohovenyaga dowa vamisasani va akuda Asiriya, liye apa anyakondo okwakwana 185.000. Fwanyeya ira na mabebehene anyakondo amohiwa ohala ale kavenyaga, kaafwannyege afwiwa okwene gwembelre gwembelre vati.

Izaiya 50:10

Bani muwari mwa nyo unamuova Yehova eto unavwelela mazu a namalaba waye? Inafwanela wenno unawenda muisini eto wenno ahanna wareya anyindele nzina na Yehova eto amusamele Mulugu waye.

Daniyeli 2:47

Evale mwene ule ohowongaga na mulombwana Daniyeli eraga: <<Na ibaribari Mulugu wenyu gu Mulugu wa amilugu atene eto gu Nabwiya wa amwene atene. Liye eto unowanda awandela atu jengo jokoyeya! Mwasiwa peno weyo uhuwanda diwandela yengo yohowanda iziweya!>>

Daniyeli 3:25

Evale liye ohowongaga eraga: <<Miyo mbwenye daing'anamo, nnaonamo atu annayi kagali ohomangiwene kawendawendaga mmunloni mwemule eto nne kilivo yabure inaafwanya. Eto makalelo a mutu wanennayi nnamuona miyo unakala nnga mwana mmohi wa amilugu!>>

Daniyeli 4:34

Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa!

Daniyeli 6:16

Mwa enne mwenole oharumaga atu, aliwa mudowela mulombwana Daniyeli. Agazile, kohomuhindaga, aliwa dowa nvokeda mmulihani mwali apodogoma. Noira eno, mwenole ohomuwandelaga Daniyeli eraga: <<Mulugu wawo wenno unamulaba we malambo matene, akale wenno unauvunele!>>

Daniyeli 6:26

Miyo nnasakanya nlamulo naga ira mwatene munavira utongi wa umwene waga, atu kawande ngurumela eto kawandege muova Mulugu wa Daniyeli. Mwasiwa Mulugu wa Daniyeli gu Mulugu okalawo eto gwa mukalakala. Eto umwene waye kuza ubwanyuliwa eto utongi waye uneregeve dowa sogolro malambo a mukalakala!

Matewuji 4:10

Yesu mbwenye ohomuwakulaga eraga: <<Kavenyavo, we Satana! Tchoira mMazuni muhulrembiwa ira: <Umutamalelege Nabwiya Mulugu wawo eto umulabege liyene bahi.> >>

Joira ja Anamarumiwa 4:19

Mbwenye Peduru na Juwawu kohoruniha keraga: <<Nyo munaona avi, yapamiwa vamentoni va Mulugu tchivi? Kodi yapamiwa niharege yofuna yenyu owu niharege yofuna ya Mulugu yaye?

Joira ja Anamarumiwa 5:19

Mbwenye vari va mahiyu, ohoza mungelro wa Nabwiya, liye hula milango da kadeya, liye akumihamo anamarumiwa ale,

Roma 12:1

Nona miyo abalaga, nnafuna dukokomezeni eni ira nera niumbuwele tangaranga da Mulugu, inafwanela muvivelele maningwinyu ira mukale nnga mukuto wa ingumi, otchena, ofwanela vamentoni va Mulugu. Mutamalela Mulugu wa ibaribari ku vivelela wewo.

1 Korinto 13:3

Masiki ditukule jatene jinna miyo, dimale agawela atu osimela, masiki divelele maningwaga ira katumeyiwe, mbwenye dahawande muziveliwa nfwaga, jatene ejo kajinna mpindu para miyo.

Filipo 1:20

Miyo ilukuluwa inafunetchetcha miyo, yodediha ilukulu inna miyo, ili ira dahakayena manyazo. So mbwenye nnafuna dilabe mabasaga na mmirimani mwaga mwatene ira Kiristu ateteliwe muwari mwa joira jaga. Masiki dikwe, masiki dikalewo, nnafuna Kiristu ateteliwe muwari mo kalawo waga.

Eberewu 1:14

Nnga kodi angelro bani? Angelro ti minemba. Ba anamalaba anno Mulugu unaaruma liye ira kadowe kaakamihedege atu anne anafuna watchela vulusiwa.

Eberewu 11:37

Amohiwa kohopiwa muwari movokiwa mabwe. Amohiwa kohogwadiwa vari na saroti. Amohiwa kohopiwa na supada. Amohiwa kawendawenda kagawarile matembe a mabila na matembe a mbuzi. Kawenda osimelene, ozuzumene, oireliwa jengo pwi johofwanela.

1 Peduru 1:21

Muwari mwa Kiristu nyo munowanda muroromela Mulugu wenno anvenyihile Yesu mokwani, anvaha undimuwa. Jejo Mulugu airilena ira nroromelo nenyu no ing'anela wenyu jiwande kala na liye.

Jowandeliwa 12:11

Abalihu kohomala mugondjiha muwari mwa sangiri na mwana Nibila eto muwari mwa mazu a ibaribari kalaleya atu. Aliwa eto koholramwisa ingumi yewa kavivelelaga fiyeda rumela kwa.