Daniyeli 3:27 - Mazu Otchena a Mulungu

²⁷ Eto agovernadore, aministuru, asogolrelri na anamawelruza a mwene, kohogumana ira kaze kaaone alombwanale eto kohoonaga ira aliwa maningo ewa tchajile na munlo ule nne vang'ono. Aliwa nne nsisi niwa nimohi kanajile, nne jowara jiwa kajatchindjeyile, nne maningo ewa tchanukaga utchi.

Daniyeli 3:27 ပူးပေါင်းရင်းမြစ်များ

1 Amwene 13:28

Agadowile, ohofwanyaga maningo aye kagali pesele mundila eto ohonfwanyaga buru ule vamohi na podogoma ule kagali oimelene wandamelana vafwanyeya maningo ale. Fwanyeya ira podogoma ule katakunile maningwale eto nne kampile buru ule.

2 Amwene 19:19

Mbwenye nyo Yehova Mulugu wehu, nnouvepani, nivuneleni mmandani mwewa ira atu a maumwene matene kaiziwe ira nyo bahi gunafwanyeya mwagali Yehova Mulugu.>>

Izaiya 26:11

So Yehova ndanda nenyu nili notapula nene ira mwaalange, mbwenye aliwa kinaona. Musakanye ira kaone sandje munna nyo zela atwinyu amala kakayena manyazo. Mwaatumeye na munlo wenno mutumbanyile nyo para amwidaninyu.

Izaiya 43:2

Walambuwaga muwari mwa mahindje, miyo nnokala na weyo. Walambuwaga mihindje, mihindje dile kannaubwabwiha. Waviraga vamunloni, kunaja eto nne malumi a munlo kinautumeya.

Daniyeli 3:21

Evale alombwanale kohomangiwaga kagalive owarene jowara jiwa, na kapa diwa, na atchapowa ewa, na jowara jimohi jiwa jawarilege atu kaligive eno owarene. Evale kohotatileliwa muhofuni mwa munlo ohindetchetcha.

Daniyeli 6:23

Evale mwenole agavwile enne, ohoziveliwaga valukulu, liye aruma atu ira kadowe kankumihemo mulombwana Daniyeli mmulihani mwa apodogoma mule. Evale aliwa kagankumihilemo, funa muing'ana Daniyeli, fwanyeya ira liye kaporeyilege nne vang'ono, mwasiwa liye ohomuroromela Mulugu waye.

Daniyeli 6:7

Tchoira hiyo andimuwa atene a umwene wenyu, aministuru atene, agovernadore, anamawelruza, na asogolrelri nnaonamo ira yali yofwanela nyo so mwene mukumihe nlamulo noira atu kamale malambo 30 kalobelaga na nzina nenyu bahi. Muwari mwa malambo anno, mutu uli watene unavenye, adowa alobelaga wa mulugu uli watene, nari mutu uli watene ahali nyo so mwene bahi, mutu wenno avokediwe mmulihani mwa apodogoma!

Matewuji 10:30

Fiyeda ante masisi anafwanyeya mmuruni mwinyu, Mulugu umala iziwa indjiva uwa.

Joira ja Anamarumiwa 26:26

Teto jinawonga miyo ji, mwene Agiripa umala iziwa. Miyo nnomuwandela mohoova tchoira miyo dihiiziwa ira liye kahi roma wene vwa jeji, tchoira jaireyile vatando vene.>>

Joira ja Anamarumiwa 27:34

Nona ili pama mudje ira mukayena kopolo. Tchoira mwa hiyo atene, kalivo unaporeya nne dimela nsisi naye nimohi.>>

Eberewu 11:34

kohotimiha kopolo da munlo, kohotawa irwa wa supada. Siku naligi atu ovuta, kohovahiwa kopolo, kohokana kopolo dilukulu kawanaga kondoni, kohotamangiha makuru a anyakondo a vilambo da unde.