Daniyeli 3:23 - Mazu Otchena a Mulungu

²³ Eto alombwana araru ale Sadaraki, Mezaki, na Abedenego kohomorelaga muhofuni mwa munlo ohindetchetcha mule kagalive omangiwene.

Daniyeli 3:23 ပူးပေါင်းရင်းမြစ်များ

Izaiya 43:2

Walambuwaga muwari mwa mahindje, miyo nnokala na weyo. Walambuwaga mihindje, mihindje dile kannaubwabwiha. Waviraga vamunloni, kunaja eto nne malumi a munlo kinautumeya.

Daniyeli 1:7

Mbwenye mundimuwa wa anamalaba atene a mwene Nabukodonozore ule ohavahaga mazina mamohiwa. Daniyeli ohonvaha nzina na Beltesazare, Ananiya liye nvaha nzina na Sadaraki, Mizayeli liye nvaha nzina na Mezaki eto Azariya liye nvaha nzina na Abedenego.

Daniyeli 3:24

Mwa enne mwene Nabukodonozore againg'anne muhofuni, ohokukumuwaga valukulu, mobaranya liye venya dowa wonga na anamawelruza aye atene eraga: <<Kodi hiyo mmunloni mule kanaavokedilemo alombwana araru kagali omangiwene?!>> Aliwa kohowakulaga keraga: <<Na ibaribari so mwene, pu mwemo.>>

2 Korinto 4:17

Tchoira zuzumihiwa unna hiyo wa vang'ono eto wahanadibeliwa, unanilabela ira nikayena undimuwa ulukulu wohomala, wohowanda fwalrafwanihiwa na yengo imohiwa.

Eberewu 11:34

kohotimiha kopolo da munlo, kohotawa irwa wa supada. Siku naligi atu ovuta, kohovahiwa kopolo, kohokana kopolo dilukulu kawanaga kondoni, kohotamangiha makuru a anyakondo a vilambo da unde.