Daniyeli 2:38 - Mazu Otchena a Mulungu

³⁸ Liye uhuwanda uvahani ira muwandege atonga atu a vilambo datene, na anavinyama anawenda mukokolani na mbalrame dovava zulu. Muru wa oru wa nlandaniho mwaona nyo, gu nyo so mwene.

Daniyeli 2:38 ပူးပေါင်းရင်းမြစ်များ

Daniyeli 1:2

Evale Nabwiya ohosakanya ira Nabukodonozore awande mugondjiha Jeyowaki mwene wa Juda ule eto amuwake pandi imohi ya fwaramento dalabetchana atu Nyumba ya Mulugu. Mwa enne Nabukodonozore ule agamanle mugondjiha, ohotukulaga fwaramento dile, liye dowana nyumbani wa mulugu waye mwilamboni mwa Sinari, liye volotchiha nyumba mwakoya atu fwaramento da mulugu waye.

Daniyeli 2:32

Muru wa nlandaniho nne ali wa oru wapama ohogumanihiwa na yengo. Vamirimani vaye na miwono daye jali ja parata. Ingulu yaye na tambala daye jali ja mukuwa.

Daniyeli 2:39

Vasogolro ukalawo umwene umohiwa unafuna hambihiwa. Umwene wenno mbwenye kunakala wa kopolo nnga nyo. Eto umwene wanembinli wagamanle, unozawo umwene waneraru unafuna hambihiwa, wenno unafwanyeya wagali umwene wa mukuwa, wenno unafuna kana utongi ilambo yatene ya vati!

Daniyeli 4:18

Evale Nabukodonozore ohomariha wonga eraga: <<Ila tchi yoroha danna miyo dagali mwene Nabukodonozore. Mbwenye weyo mulombwana Beltesazare nnafuna uwonge yotapulela ya yoroha yaga mwasiwa atu atene okana toto muumweneni mwaga kiwandile tapulela. Mbwenye weyo unowanda, mwasiwa munemba wa amilugu otchena uli muwari mwa weyo.>>

Daniyeli 5:18

So mwene, Mulugu Okwaranya Jatene ohonvaha babinyu Nabukodonozore umwene na undimuwa na upama vamohi na kopolo.

Daniyeli 7:4

Mwanainyama oroma ali nnga podogoma. Eto ohokana mapepelo nnga a kakozi! Eto diing'anagave, mwanainyamole ohoduliwaga mapepelo ale. Evale ohoimelihiwa na manyalo menli ira awendege nnga mutu. Eto ohovahiwa zelru ira awande umbuwela nnga mutu!