Daniyeli 2:37 - Mazu Otchena a Mulungu

³⁷ Nyo so mwene munafwanyeya mwagali mwene wa amwene, tchoira Mulugu wa zulu uhuvahani umwene, kopolo na utongi vamohi na undimuwa!

Daniyeli 2:37 ပူးပေါင်းရင်းမြစ်များ

1 Amwene 4:24

Tchoira Salomawu atonga pandi datene dafwanyeya mavirelo wa nzuwa wa muhindje Eufarati, romela Tifiza ante dowa sidadi ya Gaza. Amwene atene a mavirelo wa nzuwa wa muhindje Eufarati katongiwa na mwene Salomawu eto mwene Salomawu ohogarati mwa murendele na vilambo dowandamelana ahanna kondo.

2 Amwene 25:28

Mwene ule ohomuirela mulombwana Jowaki upama, liye nvaha undimuwa akwaranya amwene amohiwa kafwanyeya na liye Babiloniya.

Izaiya 10:8

Tchoira liye unawonga ira: <Asogolrelri aga a kondo ba amwene ve.

Izaiya 47:5

Ugarati wagali pee. Uvolowe muisini namwali mwana wa Babiloniya we. Mwasiwa kuza uromoliwagave mwene wa muhiyana otonga maumwene.

Daniyeli 1:2

Evale Nabwiya ohosakanya ira Nabukodonozore awande mugondjiha Jeyowaki mwene wa Juda ule eto amuwake pandi imohi ya fwaramento dalabetchana atu Nyumba ya Mulugu. Mwa enne Nabukodonozore ule agamanle mugondjiha, ohotukulaga fwaramento dile, liye dowana nyumbani wa mulugu waye mwilamboni mwa Sinari, liye volotchiha nyumba mwakoya atu fwaramento da mulugu waye.

Daniyeli 2:31

<<Nyo so mwene mwagaing'anne, mohoonaga nlandaniho na mutu nohokala na masika. Nlandaniho nne nali na kopolo eto nowareya, naligi noimela nene vasogolro venyu. Eto nlandaniho nne nohokana makalelo owopiha!

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 4:19

Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo.

Daniyeli 4:22

mutengole unafwanyeya agali nyo so mwene. Mwasiwa nyo muhulukula eto muhulimba. Undimuwa wenyu uhuulukula ante uhufiya zulu. Eto utongi wenyu uhufiya ante mwemo mugomenle ilambo yatene ya vati.

Daniyeli 4:25

Nyo munoza mutamangihiwevo vari va atu, mudowe mwakalege na anavinyama a mukokolani. Mwagadowile mukokolani, nyo munerege dja malatchi nnga ng'ombe. Eto munerege nyetihiwa na ningame nokumela zulu. Eto vinovira tempu tanu na mbinli fiyeda nyo muiziwe ira Wenno Ukwaranyile Jatene uhukana utongi zela amwene atene a mwilamboni ya vati eto unonvaha mutu wenne unanfunana liye.

Daniyeli 4:3

Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!

Daniyeli 4:32

Weyo unotamangihiwavo vari va atu ira udowe wakalege na anavinyama a mukokolani eto unerege dja malatchi nnga ng'ombe, ante vimale tempu tanu na mbinli, fiyeda uwande iziwa ira Wenno Ukwaranyile Jatene uhukana utongi zela umwene wa atu mwilamboni ya vati eto unanvaha mutu wenne unanfunana liye!>>

Daniyeli 4:34

Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa!

Daniyeli 5:18

So mwene, Mulugu Okwaranya Jatene ohonvaha babinyu Nabukodonozore umwene na undimuwa na upama vamohi na kopolo.

Daniyeli 7:14

Eto ohovahiwaga utongi na undimuwa vamohi na umwene ira atu a malogo matene, vilambo datene, atu a viwongelo datene kamulabege. Eto utongi waye gu utongi wa mukalakala wenno wahanamala eto umwene waye kuza ubwanyuliwa.>>

Matewuji 6:13

Kamunihiye ira nixixiwe, mbwenye munivunele mwa jotakala. Tchoira umwene watene, kopolo datene, undimuwa watene jatene ejo ti jenyu kala no kala. Ame.

Juwawu 19:11

Yesu omuwakulaga Pilatu ira: <<Nyo kamunna utongi ofuna dipiha miyo mwahavahiwe na Mulugu. Nona ale kadivahedile mmandani mwenyu kohokana yotega ilukulu kwaranya yotega yenyu.>>

Jowandeliwa 17:14

Aliwa anoza kawane kondo na mwana Nibila. Mbwenye mwana Nibila nnoza naagondjihe aliwa, tchoira mwana Nibila gu Nabwiya wa anabwiya atenene eto gu Mwene wa amwene atene. Eto mwana Nibila nnaza naagondjihe agali vamohi na atwaye oitaniwa, anno kasakulriwe, anafwanyeya kagali ororomeleya.>>

Jowandeliwa 19:16

Vakapani vaye na vatambalani vaye vihilrembiwa nzina noira: Mwene wa amwene na Nabwiya wa anabwiya.

Jowandeliwa 4:11

<<Nyo Nabwiya wehu, vamohi na Mulugu wehu, muhufwanela titimihiwa, no rihediwa, vamohi no teteliwa zela kopolo denyu. Mwasiwa nyo gupandutchile jengo jatene eto jatene jiwandile panduwa vamohi no kalawo muwari mofuna mwenyu.>>

Jowandeliwa 5:12

Mazu a angelro davwaga miyo ale koimbaga na mazu okuwa keraga: <<Ofwanela gu mwana Nibila neno napiwe eto nihikalawo. Liyene bahi guli ofwanela kana utongi watene, no rayela watene, na zelru datene, na kopolo datene, no tamaleliwa watene, no titimihiwa watene vamohi no teteliwa watene.>>