Daniyeli 2:35 - Mazu Otchena a Mulungu

³⁵ Eto noira enne, nlandaniho natene nenne nohobwanyuwaga roma momba ule, na ulongo ule, mukuwa, parata, vamohi na oru. Jatene jejo johotchileyaga nnga makata a mamburo obubudavo jalo tempu ya ilimwe, mutu avetaga tirigu. Mwa enne nipevo nohotukulaga jatene, aliwa dowagana fiyeda hahalavo yengo. Mbwenye nibwe nabubudile nlandaniho nne nohoulukulaga, aliwa fiyeda kala mwango mulukulu, aliwa fiyeda zala ilambo yatene ya vati agali ulukula.

Daniyeli 2:35 ပူးပေါင်းရင်းမြစ်များ

Izaiya 11:9

Kaviza vikala yengo yoporotcha owu yengo yomunonga mutu va mwango otchena watene wa Mulugu, mwasiwa atu atene a mwilamboni ya vati makalelo anafuna atu muiziwa Yehova anokala nnga makalelo mahindje anazala atu bara.

Izaiya 8:9

Kairani madugudugu nyo atu a mwilamboni nyo. Munoza mukotoliwe. Mureye mabaru nyo vilambo datene muli olapela olapela. Warani ja kondoni amala mukotoliwe. Warani ja kondoni amala mukotoliwe.

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

1 Korinto 15:25

Tchoira inafuneya liye atongege fiyeda mwezo oanyingala amwidanaye atene.

Jowandeliwa 11:15

Nomala enne, mungelro wanetanu na mbinli ohoimba palraza yaye. Agaimbile, ilambo ya zulu wohovweya mazu mandimuwa keraga: <<Umwene wa Nabwiya wehu na Namatikeliwa waye uhumala gondjiha umwene wa ilambo ya vati. Liye uneregeve tonga ilambo yatene kala no kala.>>

Jowandeliwa 12:8

Mbwenye daragawu ule ohogondjihiwa na nikuru na angelro a Migeli. Mwa enne kohogondjihiwa, fiyeda ira zulu kwaali nimburo noira aliwa kakalewo.

Jowandeliwa 20:11

Vevale dohoona mpando mundimuwa otchena wa Umwene eto dohomuona mundimuwa agaratilevo. Agamanle vioneyiha, ilambo ya vati na zulu wene johomutawa eto kavaoneyile nimburo ira jikalevo akoka.