Daniyeli 2:28 - Mazu Otchena a Mulungu

²⁸ Mbwenye ukalawo Mulugu mmohive bahi uli zulu, wenno unawanda iziwiha jengo jokoyeya. Mulugu wenno guuiziwihileni nyo so mwene Nabukodonozore jatene jinafuna za ireya malambo ogomiheda! Yoroha yenyu vakamani venyu na jengo jionne nyo mmuruni mwenyu ti ji.

Daniyeli 2:28 ပူးပေါင်းရင်းမြစ်များ

Jenesesi 40:8

Aliwa kohomurumela keraga: <<Hiyo niire roha mahiyu eto kalivo unawanda nitapulela joroha jehu.>> Evale Joze ohawandelaga eraga: <<Unaavaha atu iwandelo yotapulela joroha gu Mulugu! Kawonganimo joroha jenyu, nivwe.>>

Jenesesi 41:16

Joze ohomurumela Farawu eraga: <<Unafuna wanda tapulela joroha jenyu kahi miyo. Mbwenye Mulugu gunafuna uwandelani yotapulela iwa mwapama, so mwene.>>

Jenesesi 41:25

Mwa enne Joze ohowongaga na Farawu eraga: <<Joroha jenyu jambinli jene, so mwene yotapulela iwa tchi imohive. Mulugu guirilena muwari mouwandelani jejo jinafuna liye irana.

Jenesesi 49:1

Noira eno, mulombwana Jako ohaitanihaga ahimaye atene, liye ira: <<Muze vali miyo vano ira duwandeleni jatene jinafuna uireyelagani malambo anafuna za sogolro.

Izaiya 2:2

Malambo ogomiheda Mwango wa Nyumba ya Yehova unoza avenyihiwe ira akale otama kwaranya mwango datene eto unoza akale vazulu va mikuma datene. Malogo matene a atu anoza katamangele Mwangoni wa Yehova wewo.

Daniyeli 1:20

Fendo datene mwene afuka liye zela yengo ili yatene yafuneya ira ilabiwena zelru nari iziwetchetcha, mwenole ofiyeda ona ira atu annayi ale kohokana toto didjindji akwaranya ang'anga okwima atene na aliba visangwisangwi atene kafwanyeya muumweneni mwaye.

Daniyeli 10:14

Eni miyo dizele ira dutapulelemo jatene jinafuna aireyela mulogo wawo malambo ogomiheda. Mwasiwa jejo jinaonihiwa we ti jengo jinafuna ireya musogolro vagamanle malambo madjindjene.>>

Daniyeli 2:18

Eto ohawandelaga afwaye ale ira: <<Inafwanela mulobelege wa Mulugu wa zulu munvepaga ira aniwendele tangaranga hiyo vano eto anionihe yotapulela ya yoroha yokoyeya ile ira hiyo nahakwe vamohi na aliba toto amohiwa a ilambwela ya Babiloniya!>>

Daniyeli 2:22

Liye unowanda oneyiha jengo jorutcha na jengo jokoyeya. Liye uhumala iziwa jatene jinafwanyeya muisini eto liye tempu yatene unawenda no wareya!

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Daniyeli 2:47

Evale mwene ule ohowongaga na mulombwana Daniyeli eraga: <<Na ibaribari Mulugu wenyu gu Mulugu wa amilugu atene eto gu Nabwiya wa amwene atene. Liye eto unowanda awandela atu jengo jokoyeya! Mwasiwa peno weyo uhuwanda diwandela yengo yohowanda iziweya!>>

Daniyeli 4:5

Mwa enne dohorohaga. Yoroha yenne mbwenye yohodizelagana ova. Eto dagalive vakamani vaga, joumbuwela jaga na jejo jaonihiwaga miyo mmuruni mwaga johodikukumulaga.

Matewuji 6:9

<<Lobela uwa inafwanela mulobelege na makalelo ala: Baba wehu muli zulu, nzina nenyu nititimihiwe.

Detoronomiyo 31:19

Nona mulrembe nyumbo ila, mudowe mwaafundjihe Ana Izarayeli. Mwaaimbihe nyumbwela ira ikale umboni waga zela aIzarayeli.

Detoronomiyo 4:30

Mwa tempu yenno mwaza mukala mmakatamihoni eto ubure watene wenna waufwanyani, magomelo wa malambo anne munoza murungunuwe muing'ane wa Yehova Mulugu wenyu eto muvwelelege jowonga jaye.

2 Timoteyo 3:1

So mbwenye inafwanela uiziwe ira malambo ogomiheda anafuna kakale malambo orutcha.

Eberewu 1:1

Wanle Mulugu ohowonga na makolo ehu fendo didjindji dene na makalelo ohiyana-hiyana muwari mwa anamafiyiheda.

2 Peduru 3:3

Yengo yoroma inafwanela muiziwe ira malambo ogomiheda kafiyaga, anoza kaoneye atu opokiha anafuna za wongaga jowonga jopokiha muwari mofuna ira kairegena jofuna jewa ja maningo.

Jowandeliwa 1:1

Ji ti jowandeliwa ja Yesu Kiristu jejo janvahile Mulugu ira adowe aaonihe anamalabaye zela jengo jinafuna ireya tchineneva. Mwa enne Yesu ohotukula mazwala, liye nvaheda mungelro waye ira aze amuonihe namalabaye Juwawu.