Daniyeli 2:11 - Mazu Otchena a Mulungu

¹¹ Yengo inafuna nyo so mwene tchi yengo irutchile eto kaliwo unafuna uwandelani yoroha yenyu, ahali amilugu, anno kahanawenda na hiyo atu!>>

Daniyeli 2:11 ပူးပေါင်းရင်းမြစ်များ

Jenesesi 41:39

Evale ohomuwongagana Joze, liye ira: <<Voira Mulugu uhuwanda uiziwiha jatene jeji, hiyo nnaona ira kalivo mutu mmohiwa oiziwetchetcha eto okana zelru nnga weyo. Weyo gunafuna kala musogolrelri okoya jodja.

Jenesesi 41:8

Unde wagatchile, na mabebehi liye ohokalaga okukumuwene zela joroha jile. Mwa enne ohaitanihaga ang'anga okwima vamohi na aliba iziwa mirombwe a Ijipitu ule ira kaze kamutapulele joroha jaye jile. Aliwa kagazile, mwene Farawu ohawandela joroha jaye jile, mbwenye muwari mwa aliwa kalivo awandile tapulela.

1 Amwene 8:27

<<Kodi nyo Mulugu munokala mwilamboni? Muing'ane, nne zulu nari zulu-zulu kunaukwakwanani ira nyo muwande kalawo. Kodi jinowandeya ira muwandege kala muwari mwa nyumba yenna imangile miyo?

Ezodu 29:45

Eto nnoza dikalege vari va Ana Izarayeli eto nnokala Mulugu wewa.

Ezodu 8:19

Mwa enne ang'anga okwima ale vaimwananne atu, komuwandela Farawu ira: <<Yotikiniha yenna inaireya muwari mwa ibuno ya kopolo da Mulugu.>> Mbwenye Farawu murimaye afwanyeyave oummene. Nnga mwemo mwawongele Yehova, Farawu kafunile vwa yowonga ya Mozeji na Arawu.

Izaiya 47:12

Uimele pama na vindjilrisi dawo na jolowa jawo jejo jalabiha we roma unamwali wawo. Afwase jinowanda ukamiheda eto afwase unowanda atutchana atu.

Izaiya 57:15

Tchoira wenno uli vazulu va atene eto wenno uli otukuleleya, wenno uliwo tempu datene, wenno unna nzina na Otchena unawonga ira: <<Miyo nnakala nimburo na zulu eto nagali notchena. Mbwenye eto miyo nnokala vamohi na mutu wenno unatwaruwa eto unaviyeviha. Nnomulimbiha wenno uli oviyeviha eto nnoalimbiha murima aliba twaruwa.

Izaiya 8:18

Kaing'anani miyo na ahimaga Yehova udivahile liye nirumiwe na Yehova wa Makuru Matene wenno unakala mwango Siyawu ira nikale jionihedo eto nikale joonelrihamo muwari mwa Izarayeli.

Daniyeli 4:4

Miyo Nabukodonozore dohogarati vande vaga palasiyoni waga mopwaseya. Jatene jaga jodiwendela pama.

Daniyeli 5:11

Mwasiwa muumweneni mwenyu ukalamo mulombwana mmohi unna munemba wa amilugu otchena. Eto liyene tempu yatongetcha babinyu Nabukodonozore, mulombwanoyo ooneya nnga mutu ozaleliwa wareya na toto, no iziwetchetcha, nnga iziwetchetcha wa amilugu. Eto babinyu, mwene Nabukodonozore ohowanda muhambiha liye kala mundimuwa wa ang'anga okwima, aliba ing'ana jomoneya ja zulu, aBabiloniya owonga ja sogolro, aliba visangwisangwi.

Matewuji 19:26

Evale Yesu ohaing'anaga, liye ira: <<Mwa mutu ekave kinawandeya. Mbwenye na Mulugu jatene jinowandeya!>>

Juwawu 1:14

Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Juwawu 14:17

Nkamihediwa unafuna Baba uvahani gu Munemba Otchena oafundjiha atu ibaribari. Mbwenye atu a mwilamboni kinawanda mutambilra Munemba Otchena mwasiwa kinamuona nne kimuiziwile. Nyo mbwenye muhumuiziwa, mwasiwa uli na nyo eto vasogolro unakalege mmirimani mwenyu.

Juwawu 14:23

Evale Yesu ohomuwakula ira: <<Vioneyiha waga, makaleluwa ba ala. Mutu wenno unadiziveliwa, liye gunafuna koya mazwaga. Muwari mokoya mazwaga, Baba unomuziveliwa. Era eno miyo na Baba nnoza wa liye ira akale nyumba yehu, nikalege mwa liye.

2 Korinto 6:16

Kodi harana kuvi unafwanyeya muwari mwa Nyumba ya Yehova na vikwamutu josema? Tchoira hiyo nili Nyumba ya Mulugu Okalawo. Kalaga nnga mazu Mulugu awongile liye oira: <<Miyo nnosakanya vande vaga muwari mwa aliwa eto nnowenda muwari mwa aliwa. Miyo nnokala Mulugu wewa. Aliwa anokala atwaga.

Jowandeliwa 21:3

Vevale dohovwa nizu nlukulu nakumelaga mpandoni wa Umwene niwongaga ira: <<Kaing'anani, va pa vande va Mulugu, vevo vanafuna liye kalaga na atu. Tchoira Mulugu unakalege na aliwa eto aliwa anokala atwaye. Eto mwinnyiwene Mulugu unakalege na aliwa eto liye unokala Mulugu wewa.