Daniyeli 12:10 - Mazu Otchena a Mulungu

¹⁰ Atu adjindji anerege visakanyeda no vitcheniha no sakanyedeya. Mbwenye atu abure anawendegeve na ubure wewa. Mwa aliwa kalivo nne mmohi unafuna onelramo. Mbwenye atu a zelru anoza kaonelregemo.

Daniyeli 12:10 ပူးပေါင်းရင်းမြစ်များ

Izaiya 1:18

Yehova unawonga ira: <<Kazani, nitapanyeni vamohi. Masiki jotega jenyu jikale jofila, miyo nnowanda jihuwa fiyeda nyo kala otchena mbe. Masiki jotega jenyu jikale jofila nnga sangiri, munokala otchena nnga ntondje.

Daniyeli 11:33

Atu okana zelru anoza kaaonelrihedemo afwiwa ibaribari, mbwenye mwa malambo mangasi mangasi anoza kapiwe na supada nari katatileliwe mmunloni, owu hehi kahindiwe kadowiwena ilambo imohi, owu hehi anoza kabeliwe jengo jiwa jatene.

Daniyeli 11:35

Eto muwari mwa atu a zelru ale, amohiwa anoza kaharahariwe ira kagomele kala osakanyedeyene no huwiwa no tchenihiwa fiyeda makutulo, tchoira ihanle tchi tempu ya makutulo yenno Mulugu ibanlre liye.

Daniyeli 12:3

Eto fwanyeya ira atu a zelru anoza kamoneyege nnga wareya wa zulu. Anne kaatwarutchile atu adjindji ira kasakanyege upama, aliwa anoza kamoneyege nnga nyenyedi da zulu kala no kala.

Malakiya 3:3

Unoza agarati aatchenihe eto aasakanyede aLevi nnga maliba nyungulrutcha unatcheniha liye eto unasakanyeda liye oru na parata. Evale aliwa anoza kavelele wa Yehova mikuto na makalelo apama.

Markuji 4:11

Evale liye ohawakulaga eraga: <<Nyo muhuvahiwa ira muonelremo jokoyeya ja Umwene wa Mulugu. Mbwenye zela atu ali unde wa umwene, anafundjihiwa muwari mwa jofwalrafwaniha

Lukaji 24:25

Yesu ohawandela, liye ira: <<Nyo muli orutcha onelramo eto muli atu odibeliwa roromela jatene jiwongile anamafiyiheda!

Juwawu 18:37

Evale Pilatu ohonfukagave Yesu ira: <<Ku wonga na ibaribari weyo uli mwene?>> Evale Yesu ohomurumelaga Pilatu eraga: <<Nyo gunawonga eni ira miyo dili! Miyo dibaliwaga, dizaga ilambo ya vati ila, dizele ira diwonge ibaribari. Mutu wenno unafuna ibaribari unovwa mazu aga.>>

Juwawu 7:17

Ule unafuna irana funa wa Mulugu unoza aonelremo akala miyo nnafundjiha jaga, owu akala miyo nnafundjiha ja Mulugu.

Juwawu 8:47

Ule uli wa Mulugu unovwa mazu a Mulugu. Nyo mbwenye mwahanafunela nyo vwa mazu a Mulugu mwasiwa kamuli aye.>>

1 Korinto 6:11

Malambo a mundulrimu kohokalamo muwari mwa nyo keretchana ejo. Mbwenye muhumala huwiwa, muhumala tchenihiwa, muhumala kalihiwa apama muwari mwa nzina na Nabwiya Yesu Kiristu eto muwari mwa Munemba wa Mulugu wehu.

2 Korinto 7:1

Muwari moira nihikana mapangano anna, afwaga anaazivela miyo inafwanela nivihuwe zela yotakala ili yatene ya maningo nari ya munemba nikwakwanelihedaga tchena wehu muwari momuova Mulugu.

Titu 2:14

Yesu ohovelela maningwaye na mwasa oniwombola hiyo ira niwande hiya makalelo oirana jinakondiha malamulo nazana hiyo eto ira anihuwe, nikale atwaye apama, otamangela sogolro niiragana japama.

Eberewu 12:10

Fwanyeya ira ababihu a mwilamboni ya vati kanilangetcha ora ya vang'ono na makalelo nnga mwaonela atu. Mbwenye Babihu Mulugu unanilangetcha para upama wehu ira niwande kala otchena nnga liye.

1 Peduru 1:22

Nyo muhuvitcheniha minemba denyu muwari movwelela ibaribari, eto peno muhukana zivelana wa ibaribari nnga anazivelana atu a muibalini mmohive. Nona inafwanela muwendegeve no zivelana wewo mohokayikela eto na mmirimani mwenyu mwatene.

1 Peduru 1:7

Tchoira nnga jinaireya na oru agalive yengo inaing'anela nongeya mbwenye unobabiha xixiwa na munlo, na makalelo mamohive nroromelo nenyu nnafwanyeya nagali yengo yofuneya kwaranya oru, nnafuna nixixiwe muwari mwa makatamiho anno ira niwande oneya pama pama ira ta ibaribari. Nroromelo nenyu nnaxixiwa ira Yesu Kiristu aza aoneyihiwa, nifwanyeye nagali nroromelo nnaziha tamaleliwa, rihiwa no titimihiwa.

1 Juwawu 5:20

Hiyo eto nihiiziwa ira Mwana Mulugu uhuza eto umala nivaha onelramo ira niwande muiziwa mutu wenno uli wa ibaribari. Hiyo nili muwari mwa Mutu wa ibaribari ule muwari mwa Mwanaye Yesu Kiristu. Liye unafwanyeya agali Mulugu wa ibaribari eto unafwanyeya agali ingumi yohomala.

Jowandeliwa 16:11

Eto atwale na mwasa wa upa waona atu ule, vamohi na vilonda dowopiha danna atu, kohoroma wonga mazu omululuviha Mulugu wa zulu. Tchafunne twaruwa zela jabure jaira atu.

Jowandeliwa 19:14

Liye azaga ohokana makuru a anyakondo kamuhara kuma zulu, kagawarile jowara japama josakanyiwa na usalru wapama, jotchena eto jahanna yotakala. Aliwa kafwanyeya kagagwenle kavalo yotchena.

Jowandeliwa 19:8

Liye uhumala vahiwa jowara josakanyiwa na usalru wapama, jojerimela eto jotchena ira aware.>> Usalru wapama tapulela joira japama ja atu otchenihiwa.

Jowandeliwa 22:11

Atu kagavwile, ule unafuna iranave jabure, airegena. Ule unafuna iranave jotakala, airegena. Eto ale kali apama, kairegenave japama jiwa. Ale kali otchena, kavitchenihegeve.>>

Jowandeliwa 3:18

<<Miyo mbwenye nnouwelruzani ira inafwanela mugule oru na miyo, oru wapama, opiyiwa vaparani ira mukale atu orayela. Eto inafwanela mugule na miyo jowara jotchena, muware ira manyazo enyu zela kala mandave kamale eto mugule na miyo murombwe, muzolihe meso enyu ira muwande ona.

1 Samuweli 24:13

Davi ohowongagave eraga: <<Ikala imariya inawongiwetcha ira: <Yabure inaza muwari mwa atu abure!> Mbwenye miyo kannauireleni ibure na mwasa wa ubure mudiirele nyo.