Daniyeli 12:1 - Mazu Otchena a Mulungu

¹ Mungelrole ohowongagave eraga: <<Mwa tempu yenne musogolrelri mundimuwa unaitaniwa Migeli, wenno unaaing'anela atwinyu unoza avenye ira aavunele. Eto unoza ukale tempu ya goyi, goyi yenno ili yahanababihege oneya romela tempu yaromile kalawo malogo matene fiyeda tempu yenno. Mbwenye mwa tempu yenne atwinyu atene anne anafwanyeya kagalrembiwe mulivuruni anoza kavuneliwe.

Daniyeli 12:1 ပူးပေါင်းရင်းမြစ်များ

Izaiya 4:3

Atu ohala a Siyawu nari ohala a Jeruzalemu anno Yehova aasakunlre liye ira kakayena ingumi anaitaniwege atu otchena.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Daniyeli 10:13

Mbwenye dodoma waga, dawana na musogolrelri wa Umwene wa Perisiya, wenno adihiyiha za, fiyeda malambo 21. Noira enne, Migeli, wenno uli muwari mwa asogolrelri andimuwa, ohozaga ira adikamihede mwasiwa miyo dawana meka na amwene a Perisiya ale.

Daniyeli 11:45

Kapamento yaye ya umwene unadowa akunge wu bara Mediteraniyo, wu mwango Otchena okana undimuwa, vari viwa. Mbwenye goma waye unoza unfiyele eto kanakalavo mutu unafuna za mukamiheda!>>

Daniyeli 7:10

Eto dohomuona muhindje wa munlo akumaga vampandoni vafwanyeya liye vale. Eto vohokala atu matchikwi na matchikwi kamulaba. Eto atu amohiwa matchikwi na matchikwi ohokala a masika kohoimela vamentoni vaye. Mwa enne liye ohogarati ira arome tonga eto malivuru kohuliwa.

Daniyeli 9:12

Nyo muhuwanda nizelana ubure wohokala wa masika muwari mokwakwaneliheda mazu enyu mwawongile nyo zela hiyo vamohi na amwene ehu atene anatonga. Mwasiwa makalelo abure munitongile nyo Jeruzalemu, kinababihe ireya mwilamboni yatene ya vati.

Malakiya 3:16

Evale ale kamuova Yehova kohoroma tapanya mmohi na nfwaye. Yehova ohoroma vuruwana pama jowonga jewa. Mwa eno, vamentoni vaye vohokala livuru nalrembiwe nowumbutcheda zela ale anamuova Yehova no riheda nzina naye.

Matewuji 24:21

Mwasiwa unoza ukale goyi yohokala ya masika, yenno ili yahanababihege kalawo romela mapandutchiwelo wa ilambo fiyeda peno. Eto goyi yenno yavira kiza ikalawo goyi imohiwa yokala ha yenno.

Markuji 13:19

Mwasiwa malambo anne inoza ikalewo goyi ilukulu, yenno ili yahanababihege kalawo roma mapandutchiwelo wa jatene, jejo jipandutchile Mulugu fiyeda peno. Eto goyi yenno yavira, kiza ikalawo goyi imohiwa yokala ha yenno.

Lukaji 10:20

Nyo mbwenye kamuteyele zela minemba dabure dedo nnauvwelelani, nari. So mbwenye muteyele zela mazina enyu lrembiwa ilambo ya zulu.>>

Roma 11:15

Atu ohokala aJudewu kohowanda wandana na Mulugu mwasiwa aJudewu kohoruniha ja Mulugu. Ki eto aJudewu annya kaza karumelaga vulusiwa mwa Yesu, jengo jinaza jikale avi? Ale kakwile anoza kavahiwe ingumi.

Roma 11:26

Numero na atu ohokala aJudewu nakwakwana, tchi tempu yenno aIzarayeli atene anafuna atu za vulusiwa. Kalaga nnga mazu a Mulugu kalrembiwe wanle oira: <<Nvuni unoza akumele mwa Siyawu. Liye aza unotamangihamo ubure watene unafwanyeya mwa Ana Jako.

Efezo 1:21

Zulu uli liye, utongi ugaratilena liye ukwaranya utongi watene, umwene watene, kopolo datene, matongelo matene. Nzina naye eto ti nzina nokwaranya mazina matene anawongiwa tempu ili hiyo ila nari mazina anaza kawongiwe tempu inafuna za.

Filipo 4:3

Vamohive vevo eto miyo nnouvepa weyo nfwaga ulabile vamohi na miyo ira waakamihede ahiyana ambinli ala kakale atu ovwanana. Aliwa malambo a mundulrimu kalabetcha vamohi na miyo mabasa olaleya Muselu Wapama vamohi na Kelementi na afwaga amohiwa kalaba na miyo kagali atu okana maziniwa muLivuru na Ingumi.

Judaji 1:9

Mbwenye nne masiki Migeli wenno uli mundimuwa wa angelro a Mulugu, arunihanaga na Diyabo zela maningo a Mozeji, kaumbuwenle jowonga mazu omululuviha Diyabo muwari momutonga. So Migeli wonga waye awongile ira: <<Nabwiya akale wenno unafuna usumulula.>>

Jowandeliwa 12:7

Noira eno, ilambo ya zulu wohokala kondo ilukulu. Migeli vamohi na angelro aye aasogolrelra liye kohoroma wana na daragawu ule. Daragawule vamohi na angelro aye na aliwene kohoroma wana na nikuru na Migeli.

Jowandeliwa 13:8

Atu atene a mwilamboni ya vati mwatene komutamalela. Atu anne aatonga liye, anne kamutamalela, ba atu anno kahalrembiwile mazina ewa muLivuru na Ingumi na Nibila, neno napiwe romela mapanduwelo a ilambo.

Jowandeliwa 17:14

Aliwa anoza kawane kondo na mwana Nibila. Mbwenye mwana Nibila nnoza naagondjihe aliwa, tchoira mwana Nibila gu Nabwiya wa anabwiya atenene eto gu Mwene wa amwene atene. Eto mwana Nibila nnaza naagondjihe agali vamohi na atwaye oitaniwa, anno kasakulriwe, anafwanyeya kagali ororomeleya.>>

Jowandeliwa 20:12

Evale miyo dohaonaga atu atene okwa, roma andimuwa nari atu a vaheno vene, kagaimenle vasogolro va mpando wa umwene. Evale dohaonaga malivuru kahuleyaga. Mmalivuruni mule moholrembiwa joira jatene ja atu. Kagahuliwe malivuru arandjale, nohooneya eto livuru nimohi niwa nahuliwe. Livuru neno nali Livuru na Ingumi. Vevale atu atene kakwile wanle kohotongiwa zela jolremba jalrembiwe mmalivuruni arandji mule. Kada mutu ohotongiwa molingana na mabasa ahinda liye.

Jowandeliwa 20:15

Evale mutu wenno nzina naye nahalrembiwe muLivuru na Ingumi nne, otukuliwa, liye tatileliwa ntiya na munlo.

Jowandeliwa 3:5

Mutu wenno unagondjihe, unowarihiwa jowara jotchena eto miyo kadiza ditimiha nzina naye muwari mwa Livuru na Ingumi. Eto nnoza dimurumelele vamentoni va Baba na angelrwaye ira: <<Na ibaribari mutula gwaga!>>

Jowandeliwa 7:14

Miyo dohoira: <<Andimuwa nyo guiziwile. Miyo kadizi.>> Evale ndimuwole ohodiwandela ira: <<Atwala banno kawandile gondjiha, kawanda vira tempu ya goyi yohokala ya masika yafwanyeya mwilamboni ya vati. Aliwa banno kawandile fulra no tcheniha bata diwa muwari mwa sangiri na mwana Nibila.