Daniyeli 11:40 - Mazu Otchena a Mulungu

⁴⁰ <<Mbwenye yafiya tempu yogomiheda, mwene wa suli unovenya ira adowe awane na mwene wa norti. Evale mwene wa norti unoza amaruwe nnga nalripembezu na aaterelado a kondoni, atu owendiha kavalo vamohi na mwadeya doindjiva dene, kamugondjihe mwene wa suli ule eto kabwanyule vilambo dohiyana-hiyana nnga jinaira mahindje kabwanyulaga jengo.

Daniyeli 11:40 ပူးပေါင်းရင်းမြစ်များ

Izaiya 21:1

Ula gu muselu owonga zela kokola inakala pandi ya bara. Udilu unakuma ilambo yorendjetcha, nnga nalripembezu wenno unakumetcha kokola inakala pandi ya suli.

Izaiya 5:28

Mafumo ewa kalive oirwene. Maurwa ewa kalive oreyene. Madodobwa a kavalo diwa anokala olimbene nnga mabwe. Maroda a aaterelado ewa anavweya nnga nalripembezu.

Izaiya 66:15

<<Tchoira Yehova unaza aze muwari mwa munlo eto aaterelado aye anaza kafiye nnga nipevo nindimuwa ira aze aarulele uwali waye amwidanaye eto aatatilele munlo ohindetchetcha ozela otakaleliwa waye.

Daniyeli 11:10

Mbwenye ahima a mwene wa norti anoza kakozeye ira kadowe kawane kondo. Anoza kagumanihe nikuru na anyakondo ohokala a masika. Evale anyakondo ale anodowa kavire ilambo ya suli. Eto kagadowile wewule anobwanyula jatene nnga jinaireya na mahindje kabwanyulaga, kavire fiyeda nimburo nolimba notawelamo na mwene wa suli.

Daniyeli 11:11

Mwa enne mwene wa suli ule pinafuna liye takaleliwa na makalelo ohokala a masika, akume nimburo nolimba niwa ira adowe awane na akuda norti. Evale mwene wa norti unoagumaniha anamwindji a anyakondo pwi. Mbwenye agadowile wana, akuda norti anovahediwa mmandani mwa mwene wa akuda suli.

Daniyeli 11:13

Tchoira mwene wa norti unoagumaniha akoka anamwindji a anyakondo oindjiva kwaranya oroma ale. Evale agamanle yaka dingasi dingasi, unoza awele na nikuru naye nindimuwa na anyakondo na jowanana jiwa, kagali ovikungene ira kawane na akuda suli.

Daniyeli 11:22

Liye agatukunle umwene, unerege atamangiha vamohi no agondjiha makuru a anyakondo anno anafwanyeya kagali amwidanaye eto unomugondjiha musogolrelri wa yopangana.

Daniyeli 11:25

<<Evale liye unoza avenye na anyakondo ohokala a masika movilimbiha, amaruwe ira adowe awane na mwene wa suli. Eto fwanyeya ira mwene wa suli adowaga kondoni unoakana anyakondo adjindji eto a kopolo. Mbwenye mwene wa suli kaza agondjiha, mwasiwa ale anadjetcha jodja jaye anoza kampanganele ira akwe. Nikuru naye na anyakondo nnoza nidimele eto anyakondo aye adjindji anoza kapiwe, halaga mwenole na atwaye a vang'ono.

Daniyeli 11:35

Eto muwari mwa atu a zelru ale, amohiwa anoza kaharahariwe ira kagomele kala osakanyedeyene no huwiwa no tchenihiwa fiyeda makutulo, tchoira ihanle tchi tempu ya makutulo yenno Mulugu ibanlre liye.

Daniyeli 11:39

Liye unerege wanda barela mamburo aye olimba otawelamo mokamihediwa na mulugu wa ilambo imohiwene. Eto atu atene anne anamurumele ira akale mwene wewa anotambilra upama, anovahiwa undimuwa wotonga eto anovahiwa teya ira ikale yotambilra yewa zela mabasiwa.

Daniyeli 11:7

<<Mbwenye jaireya ejile, vagavirile malambo a vang'ono, mutu mmohi wa muibalini mwa muhiyanole unoza akale mwene vamalroni va mwene wa suli. Evale liye unoagumaniha anyakondo aye ira kadowe kawane na nikuru na anyakondo a mwene wa norti. Unoza avolowe mamburo olimba a akuda norti adowe aagondjihe.

Daniyeli 12:4

<<Mbwenye weyo Daniyeli kumuwandele mutu zela mazwala. Inafwanela ulrembe mulivuruni, amala ufungihe ira jikale jofungeya jene ante mamalelo wa tempu. Adjindji anerege tamanga kadowaga wu na wu eto onelramo unoza uwendjedeye.>>

Daniyeli 12:9

Evale liye ohodiwakulaga eraga: <<Daniyeli kamaruwa udowe. Mwasiwa mazwala ba mazu okoyeya eto kohofungeliwa ira ahakalevo mutu mmohiwa unafuna iziwa fiyeda malambo ogomiheda.

Daniyeli 8:17

Mwa enne Gabiriyeli ohozaga adiwandamelaga vevo vaimenle miyo. Evale miyo dagamuonile, dohokagana ova wohokala wa masika eto dohogwelaga vati na koveni. Mbwenye liye ohodiwandelaga eraga: <<Kavuruwana we mwana wa mutu. Inafwanela uiziwe ira jejo jionihiwe we, jinawonga zela tempu yogomiheda!>>

Jowandeliwa 16:12

Nomala enne, mungelro wanetanu na mmohi ohotukula basiya naye, liye kutulela muhindje mundimuwa wa Eufarati. Agakutulenle mmuhindjeni mule, mahindje matene kafwanyeya emule kohoumma ira amwene anafuna kumela pandi ya makumelo wa nzuwa, kawande kana ndila yolambuwela.

Jowandeliwa 9:16

Eto miyo dohovwaga numero na nikuru na anyakondo ewa owendiha kavalo. Indjiva uwa ali 200.000.000.