Daniyeli 11:36 - Mazu Otchena a Mulungu

³⁶ <<Mwene wa norti ule unoza airena yenno inafunege liye. Liye unerege wonga movitukulela ira: <Eni miyo dili vazulu va amilugu atene.> Eto unerege wonga mazu abure zela Mulugu wa amilugu atene. Jatene jaye jinerege muwendela pama fiyeda Mulugu amutonge na uwali waye. Tchoira yenno ibalrile Mulugu inoireya.

Daniyeli 11:36 ပူးပေါင်းရင်းမြစ်များ

Izaiya 10:23

Nabwiya Yehova wa Makuru Matene unoza anonge ilambo yatene nnga mwemo mwatongele liye.

Izaiya 10:25

Ihanle vang'onove bahi ira takaleliwa unna miyo na nyo umale. Eto nnoza dikayena uwali zela akuda Asiriya fiyeda anonga.>>

Izaiya 10:5

Yehova unawonga ira: <<Udilu wa akuda Asiriya, aliwa anafwanyeya kagali iwaxuwaxu ya uwali waga! Aliwa anafwanyeya kagali golromondo yotakaleliwa waga.

Izaiya 14:13

Weyo wawongetcha na mmirimani mwawo ira: <Nnafuna digwele zulu, dagarati mpando waga wa umwene vazulu va nyenyedi da Mulugu. Nnoza dikale vampandoni zulu. Nnoza digarati mwangoni unagumana anamwindji, pandi ya norti.

Izaiya 14:14

Nnoza digwele vazulu va mirambo. Nnoza dilinganege na Wenno Ukwarannye Jatene.> >>

Izaiya 26:20

Muze atwaga, muvolowe mmba, muvifungele. Muvitale vang'ono ante uwali wa Mulugu umale.

Izaiya 30:33

Tchoira nimburo notumeya jengo nihimala sakanyediwa wanle ira mwene wa Asiriya atumeyiwevo. Nimburo niwa todiha eto tolapa nokana kuni na munlo pwi. Yehova unovuzelela munlo wenno no vuma waye okala nnga mwana muhindje wa mabwe onuka.

Izaiya 46:10

Miyo dohovayela wonga ja magomelo kuma voroma vene. Roma wanle dohowonga ja sogolro jali jahanaireyeve. Miyo dohowonga ira: <<Inaumbuwela miyo kinaimwanana ireya. Nnoza diirena jatene jinafuna miyo irana.>>

Izaiya 57:9

Nyo mohotukula makura na jonukela pama, dowa velela wa mulugu wenyu Moloki. Mohowanda aruma atwinyu ira kadowege olapela wene kaavende amilugu. Eto ahakale muwandaga, mwerege dowa masiki Nimburo na Anokwa ira muwande afwanya amilugu amohiwa ira mwaatamalelege.

Daniyeli 11:16

Evale mwene wa norti unoairela akuda suli ale jejo jinaafunana liye. Mwasiwa kalivo unafuna za wanda muhiyiha. Liye unodowa ilambo yotitimihiwa ya Izarayeli ira abwanyulege na kopolo daye.

Daniyeli 11:3

Eto jagaireyile eno, unovenya mwene mmohiwa mundimuwa, wenno unafuna tongaga na kopolo eto unerege irana yenno inafunege liye.

Daniyeli 11:37

Mwene wenna kaza aabalraga amilugu anno kakokoreletcha makolo aye nne mulugu wenno unaziveliwa ahiyana, nne mulugu uli watene. Mwasiwa liye yobalra yaye mmirimani mwaye inakala yoira: <Miyo dili vazulu va amilugu atene!>

Daniyeli 12:7

Mwa enne pavwile miyo mulombwana wenno awarile jowara josakanyiwa na usalru wapama ule, wenno afwanyeyaga vazulu va mahindje a muhindje ule. Liye ohovenyihaga muwono waye odjana na oromana liye ing'aniha zulu, liye lumbela ira: <<Miyo nnolumbela na nzina na wenno unakalawo malambo a mukalakala ira jeji jinaireya muwari mwa tempu imohi, na matempu menli eto na tempu ya metadi, atu otchenihiwa tempu yewa yoharahariwa yamala. Era eno pa evo vanafuna kwakwanela jatene jeji!>>

Daniyeli 2:47

Evale mwene ule ohowongaga na mulombwana Daniyeli eraga: <<Na ibaribari Mulugu wenyu gu Mulugu wa amilugu atene eto gu Nabwiya wa amwene atene. Liye eto unowanda awandela atu jengo jokoyeya! Mwasiwa peno weyo uhuwanda diwandela yengo yohowanda iziweya!>>

Daniyeli 4:35

Eto atu atene a mwilamboni ya vati, vamentoni vaye kahi yengo. Eto Wenno Ukwaranyile Jatene unolaba mofuna mwaye muwari mwa nikuru natene nnafwanyeya zulu nari atu atene anakala mwilamboni ya vati. Kalivo unawanda muhiyiha yengo nne kalivo unawanda nfuka ira: <<Kodi munakala ani?>>

Daniyeli 5:19

Atu a malogo matene, vilambo datene na viwongelo datene kongurumela eto koova vamentoni va mwene Nabukodonozore na mwasa wa undimuwa Mulugu anvahile liye! Eto mwene Nabukodonozore ompa wenno afuna liye mpa eto okoya ingumi ya wenno anfuna liye. Eto omuulukuliha wenno anfuna liye eto malringana wenno afuna liye muyeviha, omuyeviha!

Daniyeli 5:20

Mbwenye agaromile vitukulela mmirimani mwaye eto aroma vanda murima muwari movititimiha, ohotitihiwa vampandoni eto ohowakiwa undimuwa wanna liye!

Daniyeli 7:8

Miyo diumbuwelaga zela manyangale, diing'anagave, dohoonaga manyanga mararu kaduleyaga na mitchitchi diwa dene ira niwande melavo nnyanga nimohi ning'ining'ini. Nnyanga ning'ining'ini namenlevo nne nohokana meso nnga meso a mutu eto nohokana mulomo awonga mazu ovitukulela.

Daniyeli 8:19

Eto ohodiwandelaga eraga: <<Kaing'ana. Miyo nnafuna duiziwihe uwali wa Mulugu unafuna za ireya malambo ogomiheda! Mwasiwa jeji jinafuna jize jiireye malambo ogomiheda nnga mwabalrele Mulugu wanle!

Daniyeli 8:4

Muwari moing'ana, dohoonaga nibila nne nitamangaga muwari moagondjiha atu a mavirelo wa nzuwa, nomala pandi ya norti, nomala pandi ya suli. Kalivo mwanainyama uli watene awanda wana na liye fiyeda mugondjiha. Kalivo awanda avunela aliba gondjihiwa. Liye oirana yatene yafuna liye eto kopolo daye dodowave musogolro.

Juwawu 5:30

<<Miyo kannawanda irana yengo mwa miyo meka. Miyo nnatonga nnga munawandeliwa miyo. Eto matongelo aga ba matongelo apama mwasiwa miyo kannatonga mofuna mwaga, mbwenye nnatonga mofuna mwa wenno udirumile.

Juwawu 6:38

Tchoira miyo ira dikume zulu, dize ilambo ya vati, kadizele ira diiregena jofuna jaga. Mbwenye dizele ira diiregena jofuna ja wenno udirumile.

Joira ja Anamarumiwa 4:28

Ejo johokwakwanela nnga mwafunele nyo wanle mwa kopolo denyu ira jiireye.

Detoronomiyo 10:17

Tchoira Yehova Mulugu wenyu, gu Mulugu wa amilugu atene eto gu Nabwiya wa anabwiya atene. Liye gu Mulugu mundimuwa, wa kopolo eto gu Mulugu owopiha. Liye kanna nsakulro eto kanakunyariwa ira awande mutonga mutu na makalelo apama.

2 Tesalonika 2:3

Nyo kamunyengiwe na mutu zela yengo ili yatene. Tchoira siku na Nabwiya nahanaze, ikala tempu inafuna za yoira atu oindjiva kahiye ja Mulugu. Eto siku na Nabwiya nahanaze, unoza aoneyihiwe mulombwana oirana jinakondiha malamulo, mwana ofuna tolotchiwa.

2 Tesalonika 2:4

Mulombwana wenno unoza awane eto unovitukulela nnga mutu oakwaranya amilugu atene anaahara atu nari jatene jinatamalela atu. Eto liye unoza agarati Nyumba ya Yehova, awongege ira: <<Miyo vano dili Mulugu.>>

2 Tesalonika 2:8

pa evale vanafuna oneyihiwa mulombwana wabure ule. Liye agazile, unolaba mabasaye ante vanafuna za Nabwiya Yesu mpa mulombwana wabure ule mowonga bahi eto unoza amutolotche muwari moza waye wotikiniha.

Jozuwe 22:22

<<Yehova gu Mulugu wa kopolo datene! Yehova gu Mulugu wa kopolo datene! Liye uhuiziwa mwasiwa umangele hiyo ibuwele. Na nyenne inafwanela muiziwe. Akala hiyo nimangele ibuwele muwari momutegela, nari muwari mohonvwelela, nnafuna ira munipe peno.

Jowandeliwa 12:14

Eto muhiyanole ohovahiwa mapepelo menli nnga mapepelo a kakozi ira avave, atawe nyowele, adowe muisalesaleni nimburo neno Mulugu amusakanyele liye ira muhiyanole aing'aneliwe wewule yaka taru na meya.

Jowandeliwa 13:1

Daragawule agaimenle vamisevani mutcherelani mwa bara mule, miyo eto dohomuonaga besta akumelaga mwiko, aganna manyanga kumi, na miru mitanu na minli. Eto kada muru ohokana mwana tchapowa vamuru vaye eto kada muru vazulu viwa voholrembiwa nzina nomululuviha Mulugu.

Jowandeliwa 17:17

Ira kairege eno, Mulugu gunafuna avaha aliwa zelru dedo mmirimani mwewa ira kairena yenno inafuna Mulugu. Mulugu gunafuna avaha zelru doira kagumanele, kavwanane, katukule utongi wewa, kanvahe besta ule atongege ira mazu a Mulugu kawande kwakwanela muwari mwa aliwa.>>

Jowandeliwa 17:3

Nomala enne, mungelrole ohoditukula muwari mwa Munemba, liye didowana isalesale imohi eni. Dagadowile wewule dohomuona muhiyana agaratile vazulu va besta. Bestole ali ofila agali oumbuwela eto anna miru mitanu na minli na manyanga kumi. Eto ohozaleliwa mazina madjindji omululuviha Mulugu, kalrembiwe maningo aye matene.