Daniyeli 11:35 - Mazu Otchena a Mulungu

³⁵ Eto muwari mwa atu a zelru ale, amohiwa anoza kaharahariwe ira kagomele kala osakanyedeyene no huwiwa no tchenihiwa fiyeda makutulo, tchoira ihanle tchi tempu ya makutulo yenno Mulugu ibanlre liye.

Daniyeli 11:35 ပူးပေါင်းရင်းမြစ်များ

Izaiya 27:9

Mbwenye mulando wa akuda Jako unoza amalihiwe, eto kalrapa jotega jiwa mulandu wewa unoza amale. Muwari molrapa unalrapa atu, anoza katchile mabwe a vibuwa da amilugu ewa, nnga atu katchilaga mabwe osakanyana jiji. Mambozo a mulugu Azera eto vibuwa dotumeyavo jonukela kajiza jioneyagave.

Daniyeli 11:27

<<Jagaireyile enne amwene ambinlene anogumana kada mutu aganna joumbuwela jabure ira amuirele nfwaye. Era enne anogarati vameza vamohive kadjaga, kada mutu arome wonga mazu aye onama. Mbwenye muwari mwa aliwa, jofuna jewa kajinakwakwanela, mwasiwa tempu ya makutulo yabalrile Mulugu inaza ikale yahanakwakwane.

Daniyeli 11:29

<<Tempuwa yakwakwana, mwene wa norti unoza avenye akoka na anyakondo aye ira adowe awane na akuda suli, mbwenye fendo yenna kaza agondjiha nnga mwagondjihele liye fendo yoroma.

Daniyeli 11:33

Atu okana zelru anoza kaaonelrihedemo afwiwa ibaribari, mbwenye mwa malambo mangasi mangasi anoza kapiwe na supada nari katatileliwe mmunloni, owu hehi kahindiwe kadowiwena ilambo imohi, owu hehi anoza kabeliwe jengo jiwa jatene.

Daniyeli 11:40

<<Mbwenye yafiya tempu yogomiheda, mwene wa suli unovenya ira adowe awane na mwene wa norti. Evale mwene wa norti unoza amaruwe nnga nalripembezu na aaterelado a kondoni, atu owendiha kavalo vamohi na mwadeya doindjiva dene, kamugondjihe mwene wa suli ule eto kabwanyule vilambo dohiyana-hiyana nnga jinaira mahindje kabwanyulaga jengo.

Daniyeli 12:3

Eto fwanyeya ira atu a zelru anoza kamoneyege nnga wareya wa zulu. Anne kaatwarutchile atu adjindji ira kasakanyege upama, aliwa anoza kamoneyege nnga nyenyedi da zulu kala no kala.

Daniyeli 12:4

<<Mbwenye weyo Daniyeli kumuwandele mutu zela mazwala. Inafwanela ulrembe mulivuruni, amala ufungihe ira jikale jofungeya jene ante mamalelo wa tempu. Adjindji anerege tamanga kadowaga wu na wu eto onelramo unoza uwendjedeye.>>

Daniyeli 8:10

Evale nnyanga nne nohoulukulaga ante aliwa fiyeda nikuru na zulu. Eto nagafiyile zulu ule, nnyanga nne nohamoriheda vati atu amohiwa kafwanyeya muwari mwa nikuru na zulu nne vamohi na nyenyedi dimohi diwa. Jagamorenle vati, liye ohonyingalelaga.

Daniyeli 8:17

Mwa enne Gabiriyeli ohozaga adiwandamelaga vevo vaimenle miyo. Evale miyo dagamuonile, dohokagana ova wohokala wa masika eto dohogwelaga vati na koveni. Mbwenye liye ohodiwandelaga eraga: <<Kavuruwana we mwana wa mutu. Inafwanela uiziwe ira jejo jionihiwe we, jinawonga zela tempu yogomiheda!>>

Daniyeli 8:19

Eto ohodiwandelaga eraga: <<Kaing'ana. Miyo nnafuna duiziwihe uwali wa Mulugu unafuna za ireya malambo ogomiheda! Mwasiwa jeji jinafuna jize jiireye malambo ogomiheda nnga mwabalrele Mulugu wanle!

Daniyeli 9:27

Mwene muxole agazile, unosakanya yopangana yaye yolimba na atu adjindji fiyeda sumana imohi. Mbwenye vamala metadi ya sumana ile, liye unomaliha mikuto na jovelela ira atu kahavelelege Nyumba ya Yehova! Eto unotukula yengo yabure yohokala ya masika, yengo yotakaliha Nyumba ya Yehova, aimetche muNyumbani mule. Yengo yotakaliha ile inokalave eno fiyeda Mulugu amutonge mwene ule na uwali waye nnga mwamanle liye balra wanle.> >>

Matewuji 16:17

Noira enne, Yesu ohowongaga eraga: <<Orelihiwa gu weyo mulombwana Simawu mwana Jonasi, mwasiwa jejo jiwongile we, uuwandenle kahi mutu wa sangiri nne wa maningo. Mbwenye uuwandenle jejo gu Baba wenno uli zulu!

Matewuji 26:56

Mbwenye jatene jeji jinaireya ira jiwande kwakwanela jejo jalrembile anamafiyiheda mMazuni.>> Yesu agamanle wonga mazu anno, anamamuharaye atene kohomuhiya, aliwa tawa.

Juwawu 15:2

Tambi datene nnakuma mwa miyo. Tambi dedile dahanavaha, Baba unogwadawo. Mbwenye tambi datene nnavaha, Baba unokasela ira divahegeve jovaha jimohi jiwa kwaranya.

Juwawu 20:25

Liye agazile, anamamuhara afwaye kagamuwandenle ira: <<Hiyo nihimuona Nabwiya!>>, liye ohowakula eraga: <<Ira miyo diroromele ira Nabwiya uhuvenya mokwani, nnafuna liye azena ndanda naye, dione mwemo mwakomeliwe liye peregu, ditukule ibuno yaga dixolrihemo. Amala ditukule ndanda naga, dihinde ikukuru yenno yalatiwe liye na mwanango ira diwande roromela. Mbwenye ejo jahaireye, miyo kannaroromela.>>

Joira ja Anamarumiwa 13:13

Evale mulombwana Pawulo na afwaye kohogwela mwadeya sidadi ya Pafo, ante aliwa dowa vira sidadi ya Perije muwari mwa porovinsiya ya Panfiliya. Mbwenye kagafiyile wewule, Juwawu wenno eriwa Markuji ohahiyaga Barnabe na Pawulo, liye welelaga mundulri, adowaga Jeruzalemu.

Detoronomiyo 8:16

Eto kammudiwale Yehova wenno audjihani mana muisalesaleni, jodja jejo jahaiziwile ababinyu. Yehova airilena eno ira auyeviheni eto ira auwombezeni ira vasogolro viwa oireleni upama.

Tiyagu 1:2

Abalaga miyo nnafuna duwelruzeni ira mwafwanyeyana makatamiho ohiyana-hiyana, inafwanela mukayena hagalala ulukulu.

Jowandeliwa 14:15

Noira eno, ohokalawo mungelro mmohiwa akumelaga Nyumbani wa Nabwiya, awongaga na mutu ali vamiramboni vale, amukuwelaga eraga: <<Katukula ikwakwa inna we, urome handa jodja mwilamboni ya vati, tchoira jihimala itwa. Ora yohanda ihifiya.>>

Jowandeliwa 17:17

Ira kairege eno, Mulugu gunafuna avaha aliwa zelru dedo mmirimani mwewa ira kairena yenno inafuna Mulugu. Mulugu gunafuna avaha zelru doira kagumanele, kavwanane, katukule utongi wewa, kanvahe besta ule atongege ira mazu a Mulugu kawande kwakwanela muwari mwa aliwa.>>

Jowandeliwa 2:10

<<Tchineneva nyo munoonihiwa goyi. Kavuruwanani, Diyabo uli vakwikwi vene ira aze, autukuleni, auvokedeni nyo amohiwa mukadeya ira muxixiwe. Xixiwa wenyu unafuna ukale wa malambo kumi. Mbwenye kamukukumuwe, inafwanela mudiroromele miyo fiyeda mukwele nzina naga. Tchoira mwafiyeda kwela nzina naga, miyo nnouvahani tchapowa wa ingumi.

Jowandeliwa 7:14

Miyo dohoira: <<Andimuwa nyo guiziwile. Miyo kadizi.>> Evale ndimuwole ohodiwandela ira: <<Atwala banno kawandile gondjiha, kawanda vira tempu ya goyi yohokala ya masika yafwanyeya mwilamboni ya vati. Aliwa banno kawandile fulra no tcheniha bata diwa muwari mwa sangiri na mwana Nibila.