Daniyeli 11:33 - Mazu Otchena a Mulungu

³³ Atu okana zelru anoza kaaonelrihedemo afwiwa ibaribari, mbwenye mwa malambo mangasi mangasi anoza kapiwe na supada nari katatileliwe mmunloni, owu hehi kahindiwe kadowiwena ilambo imohi, owu hehi anoza kabeliwe jengo jiwa jatene.

Daniyeli 11:33 ပူးပေါင်းရင်းမြစ်များ

Daniyeli 12:10

Atu adjindji anerege visakanyeda no vitcheniha no sakanyedeya. Mbwenye atu abure anawendegeve na ubure wewa. Mwa aliwa kalivo nne mmohi unafuna onelramo. Mbwenye atu a zelru anoza kaonelregemo.

Malakiya 2:7

Mwasiwa mmilomoni mwa anamakuta inafwanela mukumege zelru eto inafwanela atu kadowege wa aliwa ira kafundjihiwe na aliwa. Tchoira anamakuta ba aliba milanyo aga miyo Yehova wa Makuru Matene.

Matewuji 10:21

<<Mutu unerege muguliha mbalaye obaliwana ingulu imohive ira apiwe eto babi unerege muguliha mwanaye. Eto ahima anerege apiha ababiwa.

Matewuji 13:11

Evale Yesu ohawakulaga eraga: <<Nyo muhuvahiwa ira muonelremo jokoyeya ja Umwene wa zulu. Mbwenye aliwa kivahiwe.

Matewuji 20:23

Evale liye ohawandela eraga: <<Ng'wave, munong'wa mukoponi mwaga. Mbwenye ira dugaratiheni nfwaye muwononi waga odjana, nfwaye muwononi oromana, mabasa anno kadivahiwe. So mipando dedo disakanyiwe ira kavahiwe ale kasakulriwe na Baba.>>

Matewuji 24:9

<<Aliwa anerege ugulihani ira muonihiwe goyi eto anerege upani. Atu a malogo matene anerege uidani nyo na mwasa wa nzina naga.

Matewuji 28:20

Eto mwaafundjihege ira kaharege jengo jatene juwandenleni miyo. Muing'ane, miyo nnokalave na nyo malambo matene, fiyeda magomo a ilambo.>> Kukala mazu Matewuji alrembile liye muwari mwa Munemba Otchena zela jaira Yesu agali mwilamboni ya vati.

Juwawu 16:2

Tchoira anoza kautamangiheni munyumbani dofundjamo mazu. Mwa ibaribari inoza ifiye tempu inafuna atu venya kaupegeni, kaumbuwelaga ira analaba mabasa a Mulugu.

Joira ja Anamarumiwa 11:26

Aganfwannye, ohomudowana Antiyokiya ule. Kagazile, aliwa kohomala yaka yompumbula kagumanaga na nikuru na atu omuroromela Yesu kafwanyeya wewule, kaafundjihaga atu oindjivene mazu. Antiyokiya ku wewo waromile anamamuhara Yesu itaniwa na nzina na aKiristawu.

Joira ja Anamarumiwa 14:21

Kagadowile ilambo ya Derebe, kagalaleyile wewule Muselu Wapama, atu oindjiva kohoroma kala atu omuroromela Yesu. Vevale Pawulo na Barnabe kohowelelaga mundulri, aliwa vira sidadi ya Listira, aliwa dowaga Ikoniyo, ante Antiyokiya.

1 Korinto 4:9

Mbwenye dionne ira Mulugu usakannye ira atu kaniona, kanionege nnga atu ohokana mabasa. Mulugu usakanya ira atene anafwanyeya mwilamboni ya vati muno nari atu nari angelro kaniing'ana hiyo anamarumiwa, kanionege nnga nili atu ogondjihiwa odowa mapiwelo.

2 Timoteyo 1:12

Nona miyo zuzumaga nnga vini miyo eni. Mbwenye kannanyaswa, mwasiwa miyo dihimuiziwa wenno dimuroromenle miyo eto dihikana ibaribari ira liye unowanda hideda yenno imukoyihile miyo fiyeda siku neno.

2 Timoteyo 4:6

Ira diwonge eno, miyo dihiiziwa ira ingumi yaga inafuna imale, inafuna ikutuliwe nnga yovelela ya jong'wa. Ora yaga inafuna miyo venyavo ihimala fiya.

Eberewu 11:34

kohotimiha kopolo da munlo, kohotawa irwa wa supada. Siku naligi atu ovuta, kohovahiwa kopolo, kohokana kopolo dilukulu kawanaga kondoni, kohotamangiha makuru a anyakondo a vilambo da unde.

Jowandeliwa 1:9

Miyo mbalinyu Juwawu eto nfwinyu wa mmakatamihoni munafwanyeya nyo, nfwinyu omuroromela Yesu, nfwinyu wa muUmweneni mwa Mulugu, dafwanyeya vasuwa vinaitaniwa Patimu na mwasa olaleya Mazu a Mulugu eto na mwasa omuhidedela Yesu umboni.

Jowandeliwa 17:6

Miyo dimuing'anaga muhiyanole, damuonne ira liye afwanyeya agamanle lrezelra na sangiri na atu otchenihiwa, na sangiri na atu kapiwele nzina na Yesu. Evale dagamuonne muhiyanole, dohotikiniheya valukulu.

Jowandeliwa 2:13

Liye unawonga ira: Miyo dihiiziwa vinakala nyo. Dihiiziwa ira munakala vevo vili mpando wa umwene wa Satana. Mbwenye mulive ohideda nzina naga eto nne kamudirunile, masiki mwagaonneve piwa wa nfwinyu Antipaji, wenno afwanyeya agali mutu ororomeleya odihidedela umboni, wenno upiwele nzina naga wewo unakala Satana munafwanyeya nyo.

Jowandeliwa 6:9

Nomala enne, mwana Nibila nne nohotwavo yofungihana yanetanu. Mwa enne miyo dohoonaga mukukusuni mwa ibuwa minemba da atu kapiwile na mwasa wa mazu a Mulugu na umboni wahidedela atu.

Jowandeliwa 7:14

Miyo dohoira: <<Andimuwa nyo guiziwile. Miyo kadizi.>> Evale ndimuwole ohodiwandela ira: <<Atwala banno kawandile gondjiha, kawanda vira tempu ya goyi yohokala ya masika yafwanyeya mwilamboni ya vati. Aliwa banno kawandile fulra no tcheniha bata diwa muwari mwa sangiri na mwana Nibila.