2 Samuweli 9:8 - Mazu Otchena a Mulungu

⁸ Davi agawongile enne, mulombwana Mefibozeti ohokokoraga, aoramihedaga kove yaye vati, liye wakula eraga: <<Mbwiyeni miyo dagali mulombwana Mefibozeti nnafwanyeya dagali nnga mwanambwa okwene. Nnga miyo dili ani ira nyo mudiirele eno?>>

2 Samuweli 9:8 ပူးပေါင်းရင်းမြစ်များ

2 Samuweli 16:9

Abizayi mwana Zeruwiya agamuonne mulombwana Simeyi amutembelrelraga mwene Davi na makalelo anne, ohowongaga na mwene Davi, liye ira: <<Kodi mwasiwa gwa nni mwanambwa okwa ha wenna liye za utembelrelragani nyo mbwiyeni so mwene? Kadihiyeni miyo ira dimugwade muru waye!>>

2 Samuweli 24:14

Evale mwene Davi ohomuwakulaga namafiyiheda Gadi, liye ira: <<Miyo dili mmakatamihoni eni. Yapamiwa evo inafwanela nigwele mmandani mwa Yehova, mwasiwa Yehova gwa tangaranga dilukulu. Mbwenye ira nigwele mmandani mwa amwidani, kanifunile.>>

2 Samuweli 3:8

Evale Abineri agavwile enne, ohotakaleliwaga valukulu. Mwa enne ohonfuka Isbozeti eraga: <<Kodi weyo unaumbuwela ira miyo dili muru wa mwanambwa ofuna ja nlogo na Juda? Eto miyo fiyeda peno nnaairela upama atu a umwene wa babawo Sawuli na abalaye atene na afwaye atene. Eto miyo gunaukamihedetcha ira wahawande gondjihiwa na mwene Davi. Eto vazulu va jatene jejo kodi peno weyo unafuna udisanyege na mwasa wa muhiyana mmohi bahi?

2 Amwene 8:13

Evale Hazayeli ohowongaga eraga: <<Kodi miyo namalaba wenyu nnawande irana avi jokala ha jejo? Tchoira miyo nnaoneya nnga dili mwanambwa bahi.>> Evale Elizewu ohowakulaga eraga: <<Yehova udionihile ira weyo unoza ukale mwene wa Siriya.>>

1 Samuweli 26:20

Kamudihiye ira miyo dikwele ilambo yowendela, olapela na Yehova! Mwasiwa gwa nni nyo mwene wa Izarayeli divendaga itutu imohi nnga ha miyene? Kodi mwasiwa gwa nni mukalelaga ditamangiha mundulri mwaga nnga mutu asayaga mbalrame ya mmwangoni.>>