2 Samuweli 9:6 - Mazu Otchena a Mulungu

⁶ Evale mulombwana Mefibozeti, mwana Jonata, Sawuli muzuliye, ohozaga wa Davi. Afiyaga ohoworama afiyihaga kove yaye vati, muwari momuriheda. Noira enne, Davi ohomuitanaga eraga: <<Mefibozeti!>> Liye ohowakulaga eraga: <<Gu miyene namalaba wenyu!>>

2 Samuweli 9:6 ပူးပေါင်းရင်းမြစ်များ

Jenesesi 18:2

Abarahamu agavenyihile meswaye, ohaonaga atu araru kagaimenle wandamelana vali liye vale. Agaaonne atwale, ohatamangelaga, liye akokorela.

Jenesesi 33:3

Evale Jako ohosogolraga ira adowe agumane na mbalaye Ezawu. Mbwenye ahanafiye vali mbalaye vale, Jako ohoroma mukokorela mbalaye Ezawu fendo tanu na mbinli fiyeda liye nfwanya.

2 Samuweli 1:7

Eto Sawuli againg'anne mundulri ohodiona miyo, liye diitana. Agadiitanne miyo dohorumela ira: <Miyo vano.>

2 Samuweli 16:4

Evale mwene Davi ohomuwandelaga Ziba eraga: <<Jatene ja mulombwana Mefibozeti, peno jinafwanyeya jagali jawo.>> Evale Ziba ohowongaga eraga: <<Miyo mbwiyeni so mwene, nnoukokorelani eto nnouvepani ira diwande fwanya mahala vamentoni venyu malambo matene!>>

2 Samuweli 21:7

Davi mbwenye ohomuhiya mulombwana Mefibozeti, mwana Jonata, Sawuli muzuliye na mwasa wa yolumbela yasakanyile Jonata mwana Sawuli na Davi vamentoni va Yehova.

2 Samuweli 4:4

Fwanyeya ira tempu yakwa mwene Sawuli na mwanaye Jonata, ohokalawo mutu akumile Jezereli wali anyakondo a aIzarayeli, dowa awandelaga atu zela makalelo aIzarayeli kagondjihiwe atu kondoni. Ora yenno Jonata ohomukana mwanaye aitaniwa Mefibozeti. Mefibozeti ule anna yaka tanu. Evale makayaya wenno amuleletcha Mefibozeti ule, agavwile zela ukwa wa Jonata na babaye Sawuli, ohomutukulaga mwanole, liye mutawagana. Muwari motawa mule, na mwasa obaranya, mwanole ohomoraga, liye fiyeda rangala kala mutu ohowanda wenda.

2 Samuweli 9:5

Noira enne, mwene Davi oharumaga atu ira kamudowele mwana Jonata ule vande va mulombwana Makiri mwana Amiyeli sidadi ya Lo-Debari.

1 Koronika 8:34

Jonata ohombala Meribe-Baali, Meribe-Baali ohombala Mika.

1 Koronika 9:40

Jonata ohombala Meribe-Baali, Meribe-Baali ohombala Mika.

1 Samuweli 20:41

Mwana muzombwe ule agavennyevo, Davi ohovituwa hela wa mabwe waligi liye ule, liye dowa vali Jonata vale, liye mukokorela fendo taru afiyihaga kove yaye vati. Evale aliwa kohobejarigina kanlaga. Eto nla wa Davi wohosimbwaga, hiyaniha no nla wa Jonata.

1 Samuweli 25:23

Evale Abigayeli agamuonne Davi azelaga ha wewule, ohotitaga vaburuni vale mobaranya, liye dowa mukokorela mulombwana Davi afiyihaga kove yaye vati.