2 Samuweli 9:3 - Mazu Otchena a Mulungu

³ Noira enne, Davi ohomuwandelaga eraga: <<Miyo dauitanela ira dufuke. Kodi muibalini mwa Sawuli kahanlewo nne mutu mmohi ofuna ira miyo dimuirele upama wa Mulugu?>> Evale Ziba ohowakulaga eraga: <<Uhukalawo Mefibozeti, mwana mmohi wa Jonata uhanle, wenno uranganle manyalo amenlene.>>

2 Samuweli 9:3 ပူးပေါင်းရင်းမြစ်များ

2 Samuweli 19:26

Liye ohowakula, liye ira: <<Mbwiyeni so mwene, nyo muhuiziwa ira miyo dili mutu orangala. Siku namaruwaga nyo mudowaga, miyo dohomuruma namalaba waga Ziba ira ahele yogaratela vaburuni vaga, amala eno digwelevo ira duharegeni. Mbwenye namalabagole gwadinyengile.

2 Samuweli 19:27

Eto liye agazile, agaufwanyileni, uhuwonga jonama jaye jaiziwile liye wa nyo mbwiyeni so mwene. Nyo mbwenye muli nnga mungelro wa Mulugu. Malringana muirena nnga munaonela nyo mbwiyeni so mwene!

2 Samuweli 4:4

Fwanyeya ira tempu yakwa mwene Sawuli na mwanaye Jonata, ohokalawo mutu akumile Jezereli wali anyakondo a aIzarayeli, dowa awandelaga atu zela makalelo aIzarayeli kagondjihiwe atu kondoni. Ora yenno Jonata ohomukana mwanaye aitaniwa Mefibozeti. Mefibozeti ule anna yaka tanu. Evale makayaya wenno amuleletcha Mefibozeti ule, agavwile zela ukwa wa Jonata na babaye Sawuli, ohomutukulaga mwanole, liye mutawagana. Muwari motawa mule, na mwasa obaranya, mwanole ohomoraga, liye fiyeda rangala kala mutu ohowanda wenda.

2 Samuweli 9:13

Ala ali makalelo Mefibozeti akala liye Jeruzalemu, adjaga meza imohive na mwene Davi. Mulombwana Mefibozeti alive orangala manyalo amenlene.

2 Samuweli 9:7

Noira enne, Davi ohomuwandelaga eraga: <<We mulombwana Mefibozeti kuove mwasiwa miyo nnafuna duirele upama na mwasa wa babawo Jonata wenno ali nfwaga. Miyo nnafuna duwelihede vilambo datene dedo dali da mbwiyawo Sawuli. Weyo eni roma peno dowa sogolro unakalege vamohi na miyo eto unadjege meza imohive na miyo.>>

Lukaji 6:36

Mukale atu a tangaranga mwasiwa Babinyu eto gwa tangaranga.

Detoronomiyo 10:15

So mbwenye Yehova ereve asakulra makolo enyu ira aazivelege. Eto Yehova ohousakulrani nyo ahimiwa muwari mwa atu atene nnga munaonela nyo peno.

Detoronomiyo 4:37

Tchoira Yehova ohazivela makolo enyu eto ohofiyeda usakulrani nyo ahimiwa, liye ukumihani muIjipitu, liye mwinnya usogolrelragani na kopolo daye dindimuwa,