2 Samuweli 9:1 - Mazu Otchena a Mulungu

¹ Siku nimohi mwene Davi ohafukaga atwaye eraga: <<Kodi vande va mwene Sawuli vihikala mulombwana uhanle ira miyo dimuirele upama na mwasa wa nfwaga Jonata?>>

2 Samuweli 9:1 ပူးပေါင်းရင်းမြစ်များ

2 Samuweli 1:26

Miyo nnounlela weyo, mbalaga Jonata. Weyo wali nfwaga dauziveliwa miyo! Dizivela wawo wali otikiniha. Weyo dizivela wawo wohokwaranya zivela unakana ahiyana.

2 Samuweli 21:7

Davi mbwenye ohomuhiya mulombwana Mefibozeti, mwana Jonata, Sawuli muzuliye na mwasa wa yolumbela yasakanyile Jonata mwana Sawuli na Davi vamentoni va Yehova.

2 Samuweli 9:7

Noira enne, Davi ohomuwandelaga eraga: <<We mulombwana Mefibozeti kuove mwasiwa miyo nnafuna duirele upama na mwasa wa babawo Jonata wenno ali nfwaga. Miyo nnafuna duwelihede vilambo datene dedo dali da mbwiyawo Sawuli. Weyo eni roma peno dowa sogolro unakalege vamohi na miyo eto unadjege meza imohive na miyo.>>

1 Amwene 2:7

<<Mbwenye inafwanela wairelege upama ahima a mulombwana Barizilayi, wenno uli nkuda Jileyadi eto wahiye ira aliwa kadjege meza imohive na weyo. Tchoira aliwa kohodiirela upama miyo tempu yamutawa miyo mbalawo Abisalawu.>>

Matewuji 10:42

<<Eto mutu wenne unanvahe masiki kopo imohi ya mahindje odidila muwari mwa atu olramwiseya ala, anvahaga muwari moira gu namadiharaga, miyo na ibaribari nnouwandelani ira liye unoza akayena yotambilra yaye!>>

Matewuji 25:40

Evale Mwene ule unoza awakulege eraga: <Na ibaribari nnouwandelani ira jengo jatene jaaireletcha nyo abalaga ang'onong'ono, jejile mwadiireletcha miyo!>

Markuji 9:41

Tchoira miyo na ibaribari nnouwandelani ira mutu wenno unauvahani kopo ya mahindje ira mung'we na mwasa wa nyo kala atu a Kiristu, liye unoza akayena yotambilra yaye.>>

1 Peduru 3:8

Vogomiheda vuwa, inafwanela nyo mwatene mukayena zelru dimohive, mukayena kumbanyana, muzivelanege nnga anazivelana atu a muibalini mmohive, mukayena mirima dowendelana tangaranga eto mukale oviyeviha mwa joumbuwela jenyu.

1 Samuweli 20:42

Evale Jonata ohomuwongana Davi eraga: <<Udowe mwa murendele mwasiwa hiyo nihimala lumbela na nzina na Yehova ira: <Yehova gunafuna kala mboni zela wandana wa miyo na weyo eto zela ahimaga na ahimawo kala no kala.> >> Nomala enne, Davi ohovenyihanaga adowaga eto Jonata ohowelelaga musidadi mwakoka mwene.