2 Samuweli 8:18 - Mazu Otchena a Mulungu

¹⁸ Mulombwana Benaya mwana Joyada ali mundimuwa wa agwarda a Davi, anno kafwanyeya kagali akuda Kereti, na akuda Peleti. Eto ahima a mwene Davi kali andimuwa osogolrelra ja aIzarayeli.

2 Samuweli 8:18 ပူးပေါင်းရင်းမြစ်များ

2 Samuweli 15:18

Mwa enne anamalabaye atene, na aKereti atene na aPeleti atene, vamohi na akuda Gate 600 anno kamuharile kumela sidadi ya Gate, atene anne kohoviraga, aliwa kala vasogolro, liye aharaga mundulri mwewa.

2 Samuweli 20:23

Musogolrelri mundimuwa wa anyakondo atene a Izarayeli ali mulombwana Jowabe. Eto musogolrelri mundimuwa wa anyakondo atene a aKereti, vamohi na aPeleti ali mulombwana Benaya mwana Joyada.

2 Samuweli 20:26

Eto namakuta mmohiwa wa mwene Davi ali mulombwana Ira nkuda Jarita.

2 Samuweli 20:7

Evale mulombwana Abizayi ohovenyaga vamohi na Jowabe na anyakondo aye, vamohi na aKereti, aPeleti, vamohi na alombwana atene a kopolo. Kohovenyaga muJeruzalemu mule ira kamuhare mulombwana Seba mwana Bikiri.

1 Amwene 1:38

Noira enne, namakuta Zadoki na namafiyiheda Nata vamohi na Benaya mwana Joyada vamohi na aKereti na aPeleti, kohomutukulaga Salomawu, aliwa mugweliha vakavaruni va mwene Davi, aliwa mudowana isime ya Jiyoni.

1 Amwene 1:44

Mwene eto uhumuruma namakuta Zadoki na namafiyiheda Nata na Benaya mwana Joyada na aKereti vamohi na aPeleti ira kanvelele Salomawu. Aliwa mugweliha vakavaruni va mwene Davi.

1 Amwene 1:8

Mbwenye namakuta Zadoki na Benaya mwana Joyada, na namafiyiheda Nata, na Simeyi, na Reyi vamohi na alombwana a kopolo a Davi, kohokondaga muhara mulombwana Adoniya.

1 Amwene 2:25

Noira enne, mwene Salomawu ohomurumaga mulombwana Benaya mwana Joyada, liye dowa, mpa Adoniya.

1 Amwene 4:4

Benaya mwana Joyada ali musogolrelri mundimuwa wa anyakondo. Zadoki na Abiyatare kali anamakuta.

1 Amwene 4:5

Azariya mwana Nata ali musogolrelri wa maadiministaradore a mmadistiritu. Eto mwana Nata mmohiwa aitaniwa Zabude ali namakuta eto ali namawelruza wa mwene.

2 Amwene 11:4

Evale yagafiyile yaka yanetanu na mbinli, namakuta Joyada ohaitanihaga andimuwa a anyakondo, vamohi na andimuwa a agwarda. Atene anne kohozaga, liye avolotchiha muNyumbani mwa Yehova mule. Aliwa kagavolowile, kohosakanyaga yopangana mwemule ira kamuhambihe Jowasi umwene, liye alumbeliha, nomala eno ohaonihaga mwanole.

1 Koronika 11:22

Eto ohokalawo mulombwana mmohiwa aitaniwa Benaya mwana Joyada wa sidadi ya Kabizeli. Liye ali mulombwana wa kopolo eto oirana jengo jidjindji. Liye ohapa anyakondo ambinli a kopolo a Mowabe. Liye eto ohodowa mpa podogoma mmulihani, vati vagali neve.

1 Koronika 18:17

Benaya mwana Joyada ali musogolrelri wa aKereti vamohi na aPeleti, eto fwanyeya ira ahima a Davi kali andimuwa muwari mwa umwene wa Davi.

1 Samuweli 30:14

Hiyo nihilaba ja umadjuba pandi ya ilambo youmma ya akuda Kereti, dowaga ante muwari mwa ilambo ya Juda, dowaga ante ilambo youmma ya akuda Kalebi eto nihitumeya sidadi ya Zikalagi.>>