2 Samuweli 8:16 - Mazu Otchena a Mulungu

¹⁶ Musogolrelri waye wa anyakondo aitaniwa Jowabe wenno mmaye ali Zeruwiya. Eto maliba lremba joira ja guverno ali Jozafa mwana Ailude.

2 Samuweli 8:16 ပူးပေါင်းရင်းမြစ်များ

2 Samuweli 18:2

Anyakondo atene aagawile makuru mararu. Nikuru nimohi musogolrelriwa ali mulombwana Jowabe. Nikuru nanembinli musogolrelriwa ali mulombwana Abizayi mwana Zeruwiya wenno eto ali Jowabe mbalaye. Nikuru nogomiheda, musogolrelriwa ali mulombwana Itayi, wenno ali nkuda Gate. Eto noira enne, Davi ohawandelaga atwaye atene eraga: <<Miyo nnafuna didowe vamohi na nyo kondoni!>>

2 Samuweli 19:13

Eto noira enne, Davi ohawandelaga anamakuta amohive anne eraga: <<Mudowe eto mwamuwandele mulombwana Amasa muire: <Kodi weyo Amasa kuli makuva aga na maningo aga? Miyo nnolumbela na nzina na Yehova ira weyo unokala musogolrelri mundimuwa wa anyakondo aga kuma peno dowaga sogolro vamalroni va mulombwana Jowabe! Miyo dahairena eno mbwenye Mulugu aditonge na makalelo anafuna liye!> >>

2 Samuweli 2:13

Eto tempu imohive yenne Jowabe wenno mmaye ali Zeruwiya vamohi na anyakondo a Davi, kohomaruwaga, aliwa dowa gumana na anyakondo afwiwa ale, wandamelana tanki ya mahindje ya Jibeyawu. Kagagumanne, anyakondo ala kohokalaga pandi ya wu, anyakondo ala aliwa kala pandi ya wu, tankile aliwa ihela vari.

2 Samuweli 8:15

Mwene Davi oatongetcha aIzarayeli atene. Muwari motonga, otonga mwa ibaribari eto oasogolrelra mokwakwanela atwaye atene.

1 Amwene 4:3

Eliyorefe na Ayiya ana Siza kali anamalremba madugumento a mwene. Jozafa mwana Ailude ali maliba lremba .

2 Amwene 18:18

Mwa enne aliwa kagafiyile, kohomuitanihaga mwene Ezekiya ira kawonge na liye. Evale mwene Ezekiya ohomurumaga musogolrelri waye aitaniwa Eliyakimu, mwana Hilikiya, vamohi na namalremba wa mwene aitaniwa Sebina, vamohi na Jowa mwana Asafe wenno afwanyeya agali namawelruza ira kadowe kawonge na akuda Asiriya ale.

2 Amwene 18:37

Mwa enne mulombwana Eliyakimu mwana Hilikiya wenno ali musogolrelri wa vande va mwene ule, vamohi na namalremba wa mwene aitaniwa Sebina, vamohi na Jowa mwana Asafe wenno afwanyeya agali namawelruza kohokawulaga jowara jiwa, aliwa dowaga wa mwene Ezekiya, aliwa muwandelamo jatene jawongile mundimuwa owonga ja mwene.

1 Koronika 11:6

Siku nenne Davi ohowongaga ira: <<Mutu wenno unakale murandji aapa aJebuzi unokala musogolrelri wa anyakondo.>> Jowabe wenno mmaye ali Zeruwiya gwali murandji dowa wana, na mwasa wenno ohohambihiwa liye kala musogolrelri wa anyakondo.