2 Samuweli 8:14 - Mazu Otchena a Mulungu

¹⁴ Davi agagondjihile, osakanyaga mabazi a anyakondo aye muwari mwa ilambo yatene ya Edomu. Evale akuda Edomu atene kohokala anamalaba a Davi. Eto Yehova omukamiheda mwene Davi ira awandege agondjiha amwidanaye mwatene mwadowa liye wana.

2 Samuweli 8:14 ပူးပေါင်းရင်းမြစ်များ

Jenesesi 25:23

Agafukile, Yehova ohomuwandela ira: <<Weyo mbani mwawo muli ahima ambinli anafuna kala malogo ogaweya eto muli vilambo mbinli. Nlogo na mwana mmohi nnokala na kopolo kwaranya nlogo na nfwaye. Eto muwari mwa aliwa, murandji baliwa unakala wenno unafuna mulabaga mbalaye wa ng'onong'ono.>>

Jenesesi 27:29

Atu kaulabege eto malogo oindjiva kakokorege vamentoni vawo. Weyo ukale namatonga wa abalawo eto ahima a mmawo kaukokorelege. Katembelrelreyege atu anno anautembelrelrege eto atu anno anaurelihege, karelihiwege.>>

2 Samuweli 5:10

Evale Davi umwene waye woulukulave, na mwasa oira Yehova Mulugu wa Makuru Matene ali na liye.

2 Samuweli 7:9

Eto miyo dalive na weyo mwatene mwavira we eto dahatolotcha amwidanawo atene vamentoni vawo! Eto eni miyo nnoza diulukulihe nzina nawo ira nikale nnga mazina a andimuwa andimuwa anafwanyeya mwilamboni ya vati!

2 Samuweli 8:15

Mwene Davi oatongetcha aIzarayeli atene. Muwari motonga, otonga mwa ibaribari eto oasogolrelra mokwakwanela atwaye atene.

2 Samuweli 8:6

Davi agaagondjihile, ohosakanyaga mabazi a anyakondo aye sidadi ya Damaxiku muwari mwa akuda Siriya. Evale akuda Siriya kohokala anamalaba a Davi, aliwa roma mpagalrigi misoko. Eto Yehova omukamiheda mwene Davi ira awandege agondjiha amwidanaye mwatene mwadowa liye wana.

1 Amwene 11:15

Makalelo Mulugu anvenyihile liye Hadade ira aze akale mwidani wa Salomawu, iireyile eni: Wanle mwene Davi ahanakwe, liye odowaga agondjiha akuda Edomu. Noira eno, Jowabe musogolrelri mundimuwa wa anyakondo ohovenya, liye dowa akoyaga anyakondo afwaye kakwile. Evale liye ohodowa, roma apa alombwana atene kahanle Edomu.

1 Amwene 22:47

Liye ohatamangiha mwilamboni mule aliba raruwa muwari mwa sanganiko da amilugu ewa kahanlemo, anno kakaletcha mamburo a vikwamutu josema tempu yatonga babaye Aza.

1 Amwene 22:48

Fwanyeya ira tempu yenno mwilamboni mwa Edomu kamwali mwene, so mbwenye mwali governadore osakulriwa na amwene a Juda.

2 Amwene 14:7

Mwene Amaziya ohapa alombwana 10.000 akuda Edomu kawanaga ndabo na Mwinnyu, liye fiyeda gondjiha sidadi ya Sela. Mwa enne ohovaha sidadile nzina na Jokiteli. Ante fiyeda siku na peno sidadile inaitaniwave na nzina neno.

2 Amwene 18:7

Mwa enne Yehova ali na liye. Pandi datene dadowa liye, jatene jomuwendela pama. Eto liye ohokonda tongiwa na mwene wa Asiriya eto kamulaba.

1 Koronika 18:13

Davi agagondjihile, osakanyaga mabazi a anyakondo aye muwari mwa ilambo ya Edomu. Evale akuda Edomu atene kohokala anamalaba a Davi. Eto Yehova omukamiheda mwene Davi ira awandege agondjiha amwidanaye mwatene mwadowa liye wana.