2 Samuweli 7:24 - Mazu Otchena a Mulungu

²⁴ Yehova gu nyo musakannye ira aIzarayeli kakale mulogo wenyu malambo a mukalakala, nyo so Yehova gwasakunlre ira mukale Mulugu wewa.>>

2 Samuweli 7:24 ပူးပေါင်းရင်းမြစ်များ

Jenesesi 17:7

Miyo nnosakanya yopangana yaga yohomala muwari mwa miyo na weyo vamohi na ahimawo a musogolro vamohi na ahimiwa kala no kala. Yopangana iwa tchi ila. Miyo nnokala Mulugu wawo vamohi na Mulugu wa ahimawo anabaliwelegemo musogolro.

Jenesesi 17:8

Miyo nnoza duvahe weyo vamohi na ahimawo a musogolro ilambo yatene yenna ya Kana, ilambo yenna inafwanyeya we wagali mutu oza ira ize ikale yewa kala no kala. Eto miyo nnokala Mulugu wewa.>>

2 Samuweli 7:23

Kanilivo nlogo nolingana na atwinyu aIzarayeli. Muwari mwa malogo matene a ilambo ya vati, aIzarayeli ti nlogo nimohive nyo Mulugu mwaawombonle nyo ira kakale atwinyu. Muiragana eno ali ira muvweyihe nzina nenyu. Nyo mohowanda awombola muwari mwa aIjipitu ira kakale atwinyu eto mohowanda irana jengo jilukulu jotikiniha mwaatamangihagamo atu mwilamboni mwiwa na amilugu ewa ira atwinyu kakalemo.

2 Samuweli 7:25

Davi ohowongagave eraga: <<Nyo so Nabwiya Yehova nnouvepani ira mukwakwanelihede kala no kala mazu muwongile nyo zela miyo namalaba wenyu na atu a vande vaga. Iranani nnga muwongele nyo.

1 Koronika 17:22

Yehova gu nyo musakannye ira aIzarayeli kakale atwinyu malambo a mukalakala, nyo so Yehova gwasakunlre ira mukale Mulugu wewa.

Ezodu 15:2

Kopolo daga na nyumbo yaga gu Yehova! Liye gudivulumutchile miyo vano. Liye guli Mulugu waga, nona miyo nnerege mutitimiha. Liye gu Mulugu wa ababaga, na mwasa wenno nnerege muvweyiha.

Ezodu 6:7

Miyo nnoutukulani ira mukale atwaga, eto miyo nnokala Mulugu wenyu. Eto nyo munoiziwa ira miyo dili Yehova Mulugu wenyu, wenno unaurulani mitolro dupwatelihileni aIjipitu.

Izaiya 12:2

Kaing'anani Mulugu gu Nvulusi waga. Nnerege muroromela liye eto kilivo inaova miyo, mwasiwa Nabwiya Yehova ti kopolo nnadilimbiha miyo. Gu liyene unafuna miyo muimbela. Gu liyene unadivulusa.>>

Juwawu 1:12

Mbwenye zela wa atene kamuwatchenle, zela anne karoromenle nzina naye, liye uhavaha wandeya ira kakale ana Mulugu.

Detoronomiyo 26:18

Eto Yehova peno uhuuwandelani ira nyo munakala atwaye a ibaribari nnga mwemo muwongele liye. Eto uhuuwandelani ira muharihege malamulo aye matene.

Detoronomiyo 27:9

Mozeji ohomaruwaga vamohi na anamakuta anno kafwanyeya kagali aLevi, liye dowa wonga na aIzarayeli atene eraga: <<AIzarayeli kamiyalani ira muvuruwane, tchoira nyo muromile kala atu a Yehova Mulugu wenyu roma siku na peno.

Detoronomiyo 32:6

Kodi ayo ba makalelo munamuweliheda nyo Yehova? Nyo atu ohokana zelru eto ohoiziwa yengo nyo! Kodi Yehova kahi Babinyu uusakanyileni? Kahi liyene uupandutchileni eto uukalihileni nlogo?

1 Peduru 2:10

Nyo wanle kamwali nlogo na Mulugu. Mbwenye peno va muli nlogo naye. Wanle nyo kamwawatchenle tangaranga, mbwenye peno va muhuwatchela tangaranga daye.