2 Samuweli 7:23 - Mazu Otchena a Mulungu

²³ Kanilivo nlogo nolingana na atwinyu aIzarayeli. Muwari mwa malogo matene a ilambo ya vati, aIzarayeli ti nlogo nimohive nyo Mulugu mwaawombonle nyo ira kakale atwinyu. Muiragana eno ali ira muvweyihe nzina nenyu. Nyo mohowanda awombola muwari mwa aIjipitu ira kakale atwinyu eto mohowanda irana jengo jilukulu jotikiniha mwaatamangihagamo atu mwilamboni mwiwa na amilugu ewa ira atwinyu kakalemo.

2 Samuweli 7:23 ပူးပေါင်းရင်းမြစ်များ

2 Samuweli 7:24

Yehova gu nyo musakannye ira aIzarayeli kakale mulogo wenyu malambo a mukalakala, nyo so Yehova gwasakunlre ira mukale Mulugu wewa.>>

1 Koronika 17:21

Kanilivo nlogo nimohi niwa mwilamboni mwatene ya vati nolingana na atwinyu aIzarayeli, anno nyo Mulugu mwaawombonle nyo ira kakale atwinyu. Jengo jilukulu jotikiniha jisakannye nyo, jihiriha ira nzina nenyu nivweye. Nyo mohatamangiha malogo a atu amohi vamentoni va atwinyu mwaawombonle nyo muIjipitu.

Ezodu 12:12

Tchoira umahiyu wenne, miyo nnafuna divire muIjipitu mwatene mwene ira daapemo arandji baliwa, masiki jifuwo nari atu. Muwari moirana eno, miyo nnoatonga amilugu atene a Ijipitu. Miyo dili Yehova!

Ezodu 33:16

Kodi nyo mwahadowe vamohi na hiyo, atu amohiwa anafuna kaiziwe avi ira miyo vamohi na atwinyu nihifwanya mahala vamentoni venyu? Tchoira mwakala na hiyo pinafuna ona atu ira miyo vamohi na atwinyu atene nnafwanyeya nagali ohiyana na atu amohiwa anafwanyeya ilambo yatene ya vati.>>

Ezodu 6:7

Miyo nnoutukulani ira mukale atwaga, eto miyo nnokala Mulugu wenyu. Eto nyo munoiziwa ira miyo dili Yehova Mulugu wenyu, wenno unaurulani mitolro dupwatelihileni aIjipitu.

Ezodu 9:15

Tchoira ahakanlege miyo difuna ira ditapule ndanda naga ira duvahe maurenda owopiha ira weyo vamohi na atwawo mukwena, na ibaribari tempu yenna yakala mwagamanle tolowamo.

Ezodu 9:16

Mbwenye ira miyo duhiye weyo ira ukalewo, diirele ira duonihe kopolo daga eto ira nzina naga niiziweye mwilamboni ya vati.

Efezo 1:6

ira nimutitimihege liye zela sayi dilukulu uniirele liye. Fwanyeya ira sayi dedo nnakumela muwari mwa Yesu, wenno Mulugu umuziveliwe liye.

Detoronomiyo 10:21

Mmutamalelege liyene bahi mwasiwa liye guli Mulugu. Tchoira liye gusakanyile jotikiniha jatene jejo jinaona nyo na meso enyu.

Detoronomiyo 15:15

Tchoira muumbuwele ira nyo mwali azari ilambo ya Ijipitu eto Yehova Mulugu wenyu ohoza, liye uwombolani. Nona peno miyo duwandelagani ira muiregena jeji.

Detoronomiyo 33:29

Orelihiwa gu nyo aIzarayeli. Kaniliwo nlogo nimohi niwa nnavuneliwa na Yehova, nolingana na nyo. Yehova unafwanyeya agali defeza yenyu, vamohi na supada na undimuwa wenyu. Nona amwidaninyu anerege za kaukokorelegeni, nyo munerege nyingala mitana diwa.>>

Detoronomiyo 9:26

Miyo doholobela wa Yehova diiraga: <Nabwiya Yehova kamwaatolotche atwinyu anno anafwanyeya kagali yowatchela yenyu, atwinyu anno mwaawombonle nyo na undimuwa wenyu, mwaakumihaga Ijipitu na ndanda na kopolo.

Titu 2:14

Yesu ohovelela maningwaye na mwasa oniwombola hiyo ira niwande hiya makalelo oirana jinakondiha malamulo nazana hiyo eto ira anihuwe, nikale atwaye apama, otamangela sogolro niiragana japama.

Jozuwe 7:9

Mwasiwa akuda Kana na atu atene anakala ilambo yenna kavwa, anoza kanirindje hiyo atene kamale nipa. Hiyo atene vamohi na nzina nehu na aIzarayeli nnotimihiwa mwilamboni ya vati. Nnga jaireya eno nzina nenyu nindimuwa nnafuna nigomele avi?>>

1 Peduru 2:9

Nyo mbwenye muli nlogo nosakulriwa, muli anamakuta a Umwene, muli ziza notchena, muli atu a ibaribari a Mulugu ira muwandege laleya undimuwa wa wenne uitanneni ira mukume isini mwafwanyeya nyo ira muze muvolowe wareyani waye wotikiniheya.

Jowandeliwa 5:9

Aliwa komuimbelaga mwana Nibila nne nyumbo ixa keraga: <<Nyo muli ofwanelela ira muwande tukula livuru no, mutwe jofungihana jidindiwevo, mwasiwa nyo mohopiwa eto muwari mwa sangiri nenyu muhuwanda awombola atu a malogo matene, a viwongelo datene, na atu a vilambo datene, na kada atu ira kakale a Mulugu,