2 Samuweli 7:2 - Mazu Otchena a Mulungu

² Mwa enne siku nimohi mwene Davi ohomuwandelaga namafiyiheda mmohi aitaniwa Nata ira: <<Kaing'ana! Miyo nnakala nyumba yapama yomangiwa na matabwa a seduru agali Kaxa ya Mulugu ilive mmusasani. Kodi kifwanenle dimange nyumba ira Kaxa ile ikalegemo?>>

2 Samuweli 7:2 ပူးပေါင်းရင်းမြစ်များ

2 Samuweli 11:11

Evale mulombwana Uriya ohowakulaga eraga: <<Kaxa ya Yopangana na anyakondo a aIzarayeli vamohi na anyakondo a Juda atene anafwanyeya mmusasani! Eto musogolrelri waga Jowabe vamohi na andimuwa atene a anyakondo anafwanyeya vamisasani mukokolani! Nnga vinakale jowandeya avi ira miyo divenye didowe vande darome dja no ng'wa eto amala digone vamohi na muhiyanaga? Miyo mbwenye nnolumbela na nzina nenyu vamohi no kalawo wenyu ira kavili jowandeya ira miyo nnoirana jejo!>>

2 Samuweli 12:1

Yehova ohomuruma Nata ira adowe awonge na Davi. Agadowile nfwanya mwene Davi, ohoromaga muwandela eraga: <<Kohokalawo alombwana ambinli, kakala sidadi imohive, mutu mmohi orayela, mutu mmohiwa osimela.

2 Samuweli 5:11

Davi agalive mwene, vagamanle malambo a vang'ono, mwene wa sidadi ya Tiru wenno aitaniwa Hirawu, ohomurumihedaga mwene Davi mitengo da seduru na anamasema na aliba manga nyumba eto ohomurumihedaga milanyo eraga: <<Miyo nnourumiheda ira aliwa kaumangele nyumba.>>

2 Samuweli 6:17

Noira enne, aliwa kohotukulaga Kaxa ya Yehova ile, aliwa dowa volotchiha mmusasani wenno Davi akungile liye ira kaze kahiyemo Kaxa ile. Noira enne, Davi ohovelelaga mikuto dotumeya vamohi na jovelela ja murendele vamentoni va Yehova.

2 Samuweli 7:17

Noira enne, mulombwana Nata ohodowaga nfwanya mwene Davi, liye muwandelamo mazu matene Yehova amuwandenle liye muwari momuoniha jengo mmuruni mwaye.

1 Amwene 1:22

Mwa enne Bateseba awongagave enne na mwene, tchi tempu yafiyilege namafiyiheda Nata.

1 Amwene 1:8

Mbwenye namakuta Zadoki na Benaya mwana Joyada, na namafiyiheda Nata, na Simeyi, na Reyi vamohi na alombwana a kopolo a Davi, kohokondaga muhara mulombwana Adoniya.

1 Amwene 4:5

Azariya mwana Nata ali musogolrelri wa maadiministaradore a mmadistiritu. Eto mwana Nata mmohiwa aitaniwa Zabude ali namakuta eto ali namawelruza wa mwene.

1 Amwene 8:17

Salomawu ohowongaga eto eraga: <<Babaga Davi ohokana yofuna mmirimani mwaye ira amange nyumba para nzina na Yehova Mulugu wa Izarayeli nitamaleliwegemo.

1 Koronika 14:1

Hirawu mwene wa Tiru oharumaga aliba milanyo wa Davi na matabwa a seduru, aliba manga na anamasema ira kammangele Davi palasiyo.

1 Koronika 16:1

Kagazilena Kaxa ya Yopangana ya Mulugu, kohoihelaga muwari mwa musasa wenno Davi asakanyedile liye ira Kaxele ikalegemo. Nomala eno, kohovelelaga wa Mulugu mikuto dotumeya vamohi na jovelela ja murendele.

1 Koronika 22:7

Davi ohomuwandela mwanaye Salomawu eraga: <<Mwanaga, miyo dohokana funafuna ira dimange nyumba ira nzina na Yehova Mulugu waga nirihediwe.

1 Koronika 29:29

Fwanyeya joira ja mwene Davi, joira jaye joroma fiyeda jogomiheda jinafwanyeya jagalrembiwe mulivuruni mwa Joira ja Umwene nilrembiwe na namaona Samuweli na mulivuru na joira ja umwene nilrembiwe na namafiyiheda Nata eto na mulivuruni mwa Joira ja Umwene nilrembiwe na namaona Gadi.

Ezodu 40:21

Nomala eno, ohovolotchiha Kaxa ile mmusasani mule, liye kunga kurtina yogawa Nimburo Notchena na Nimburo Notchenetchetcha vasogolro va Kaxa ya Umboni ile nnga mwemo Yehova mwamurumele liye mulombwana Mozeji.

Juwawu 2:17

Mwa enne anamamuharaye kagamuonne Yesu eraga ejile, kohoumbuwela mazu kalrembiwe wanle oira: <<Miyo nnoza dijemo na mwasa wa sandje inna miyo zela Nyumba yenyu.>>

Joira ja Anamarumiwa 7:46

Mwene Davi ali mutu Mulugu amuziveliwe liye. Liye gunvepile ira asakanye nyumba yapama ira Mulugu wa Jako akalemo.