2 Samuweli 7:13 - Mazu Otchena a Mulungu

¹³ Liye mbwenye gunafuna manga nyumba ira nzina naga nikalegemo. Eto miyo nnosakanya ira umwene waye ukale umwene wa mukalakala.

2 Samuweli 7:13 ပူးပေါင်းရင်းမြစ်များ

Jenesesi 49:10

Mulombwana Juda kalivo mutu mmohiwa unafuna muwaka umwene waye, nne ikumbuzo yaye ya umwene, fiyeda tempu inafuna liye za vahiwa umwene waye wa ibaribari. Malogo matene anerege zana mivaho, kanvahege eto atu atenene anerege nvwelela.

2 Samuweli 22:51

Mulugu gunanvaha gondjiha ulukulu mwene waye eto unomuoniha upama waye mutu wenne umusakunlre liye, wenno unafwanyeya agali Davi vamohi na ahimaye atene, malambo a mukalakala.

2 Samuweli 7:16

Weyo mbwenye vande vawo vamohi na umwene wawo unerege dowa sogolro malambo a mukalakala vamentoni vaga. Mpando wawo wa umwene unogarateya kala no kala.>> > >>

2 Samuweli 7:27

Tchoira nyo so Yehova wa Makuru Matene, Mulugu wa aIzarayeli, muhuwanda diiziwiha miyo namalaba wenyu, mudiwandelaga ira: <Miyo nnoumangela nyumba.> Nona tcheniyo idivahile miyo namalaba wenyu kopolo ira diwande lobela yolobela yenno ilobenle miyo ila!

1 Amwene 2:24

Yehova udivahile umwene wa babaga Davi. Liye uhukwakwaneliheda yopangana yaye, liye divaha umwene miyo vamohi na ahimaga. Miyo nnawonga vamentoni va Yehova okalawo ira Adoniya unokwa peno eva eni!>>

1 Amwene 2:4

Weyo wakala onvwelela Yehova, liye unokwakwaneliheda yenno ipanganne liye na miyo. Tchoira liye ohopangana na miyo ira: <Ahimawo kakana mawendelo apama, kawendaga vamentoni vaga mororomeleya, na mmirimani mwewa mwatene, no kalawo wewa watene, aliwa banaze kaatongege aIzarayeli malambo a mukalakala.>

1 Amwene 2:45

Mbwenye miyo dagali mwene Salomawu nnorelihiwa eto umwene wa Davi unokala wogarateya pama vamentoni va Yehova malambo a mukalakala.>>

1 Amwene 5:5

Mwa eno, miyo nnafuna dimange nyumba para nzina na Yehova Mulugu waga nnga mwemo mwawongele Yehova na babaga Davi ira: <Mwanawo wenno nnafuna miyo muhela mpando wa umwene vamalroni vawo, liye gunafuna za manga Nyumba para nzina naga!>

1 Amwene 6:12

<<Zela nyumba inamanga we, nnafuna diwonge eni. Weyo wawendaga na mangano aga eto uiragana jotonga jaga jatene eto uharaga malamulo aga, wawendagana jatene jejo, miyo nnoirana wa weyo yenno yalumbenle miyo na babawo Davi.

1 Amwene 8:13

Na ibaribari duhumangelani nyumba yorihedeya ira nyo mukalegemo malambo a mukalakala.>>

1 Amwene 8:15

Liye ohowongaga eraga: <<Otamaleliwa akale Yehova, wenno uli Mulugu wa Izarayeli, wenno uwandile kwakwaneliheda mwa ndanda naye na kopolo jatene jejo japanganne liye na babaga Davi amuwandelaga ira:

1 Amwene 8:19

Masiki eno miyo nnouwandela ira unafuna manga nyumba yenno kahi weyo. Mbwenye unafuna manga nyumba para nzina naga gu mwanawo wenno unafuna we mbala.> >>

2 Amwene 21:4

Ohomanga vibuwa dimohi diwa muNyumbani mwa Yehova, agali Yehova ohowonga ira: <<Atu anaza katamalelege nzina naga Jeruzalemu.>>

2 Amwene 21:7

Eto ohotukula nlandaniho nosemiwa na nimbozo na mulugu Azera neno nasakanyile liye, liye dowa hela muNyumbani mwa Yehova, agali Yehova ohowonga na Davi vamohi na mwanaye Salomawu ira: <<Muwari mwa malogo matene miyo dihisakulra Nyumba yenna vamohi na sidadi ya Jeruzalemu ira katamalelege wewo nzina naga malambo a mukalakala.

2 Amwene 8:19

Mbwenye Yehova kafunile maliha umwene wa Juda na mwasa omuzivela namalaba waye Davi nnga mwemo mwamuwandenle liye ira: <<Miyo nneregeve uvaha weyo na ahimawo a musogolro wareya. Wareya uwa, ahimawo a musogolro anerege tonga vamalroni vawo kala no kala.>>

1 Koronika 28:10

Kaing'ana, Yehova uhuusakulra ira umange nyumba ira ikale nimburo notchena. Inafwanela ukale wa kopolo eto ulabe mabasa.>>

Izaiya 49:8

Yehova unawonga ira: <<Muwari mwa tempu yapama, miyo dohouwakula. Eto siku nofuna vulusiwa nagazile, miyo dohoukamiheda. Miyo nnoukoya eto nnoza disakanye ira ukunge yopangana yaga na atu ira ilambo yewa iwelihediwe eto kakalemo akoka muwari mwa ilambo imanle nongeya.

Izaiya 9:6

Tchoira ukala mwana ubaliwe ira nione upama wehu. Ukala mwanapongwe urumiwe wa hiyo. Utongi uli vanifudini vaye. Liye nzina naye unaitaniwege Namawelruza Otikiniha, Mulugu wa Kopolo, Baba wa Mukalakala, Musogolrelri wa Murendele.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Daniyeli 2:44

<<Mbwenye malambo a amwene ale, Mulugu wa zulu unoza akunge umwene wenno wahanaza bwanyuliwa. Eto umwene wenno kuza utongiwaga na atu amohiwa. Nyo muhuona ira nibwe nagwadiwe mwangoni kanagwadiwe na manda a mutu, eto nibwe nne nohowanda tchila momba, mukuwa, ulongo, parata vamohi na oru. Ku wonga umwene wenno unafuna kungiwa na Mulugu wa zulu unoza ubwanyulege eto utchilege maumwene matene anna. Eto unoza ukalewove malambo a mukalakala. Jatene eji ku wonga Mulugu Mundimuwa unauonihani nyo so mwene jengo jinafuna za ireya sogolro. Yoroha yenyu kahi yokayikela eto yotapuleliwa tcha ibaribari!>>

Matewuji 16:18

Tchoira na miyene eto nnouwandela ira weyo Peduru nzina nawo tapulela nibwe. Eto mwa nibwe ni nnomanga nikuru naga. Eto nne Nimburo na Anokwa kaniza nigondjiha nikuru naga!

Eberewu 3:3

Eto fwanyeya ira Yesu ali mutu wapama ofwanela vahiwa undimuwa mukwaranya Mozeji. Mukwaranya uwa unakala nnga undimuwa unakana maliba manga nyumba. Fwanyeya ira maliba manga nyumba unokana undimuwa kwaranya undimuwa wa nyumba imangile liye.

1 Peduru 2:5

na nyenne eto muli nnga mabwe a ingumi anno Mulugu unamangana liye nyumba ya Munemba ira mukale anamakuta otchena okana mabasa ovelela mikuto dozela ja Mulugu, mikuto dedo nnarumeliwa na Mulugu mwa Yesu Kiristu.