2 Samuweli 7:12 - Mazu Otchena a Mulungu

¹² <<Tchoira malambwawo kakwakwana ira udowe wavume na makolo awo, mundulri mwawo, muwari mwa ahimawo anafuna hala, miyo nnomuvenyiha mutu mmohi ira akale vamalroni vawo, eto miyo nnogarateyiha umwene waye.

2 Samuweli 7:12 ပူးပေါင်းရင်းမြစ်များ

Jenesesi 15:4

Evale Yehova ohomuwakulaga ira: <<Nari. Unafuna halana jorayela jawo, kahi mulombwana unamuwonga we. Mbwenye unafuna halana jorayela jawo, unakala mwana unafuna we mbala.>>

2 Samuweli 22:51

Mulugu gunanvaha gondjiha ulukulu mwene waye eto unomuoniha upama waye mutu wenne umusakunlre liye, wenno unafwanyeya agali Davi vamohi na ahimaye atene, malambo a mukalakala.

1 Amwene 1:21

Mbwiyeni so mwene, mwahawonge yengo, nyo mwafiyeda kwa mudowa mwavuma na makolo enyu, miyo na mwanaga Salomawu nnaoneyege nnga amwidani a Adoniya.>>

1 Amwene 1:48

Agakokorile mwene ohowonga eraga: <Otamaleliwa akale Yehova Mulugu wa Izarayeli wenno uwandile muhambiha mwanaga vamalroni vaga meso aga kaing'anaga jatene jejo!> >>

1 Amwene 2:1

Malambo a ukwa wa Davi kawandamelaga, ohoroma muwandela mwanaye Salomawu mazu eraga:

1 Amwene 2:10

Noira eno, Davi ohokwa, liye dowa vuma na makolo aye, liye koyiwa sidadi ya Davi.

1 Amwene 2:4

Weyo wakala onvwelela Yehova, liye unokwakwaneliheda yenno ipanganne liye na miyo. Tchoira liye ohopangana na miyo ira: <Ahimawo kakana mawendelo apama, kawendaga vamentoni vaga mororomeleya, na mmirimani mwewa mwatene, no kalawo wewa watene, aliwa banaze kaatongege aIzarayeli malambo a mukalakala.>

1 Amwene 5:5

Mwa eno, miyo nnafuna dimange nyumba para nzina na Yehova Mulugu waga nnga mwemo mwawongele Yehova na babaga Davi ira: <Mwanawo wenno nnafuna miyo muhela mpando wa umwene vamalroni vawo, liye gunafuna za manga Nyumba para nzina naga!>

1 Amwene 8:15

Liye ohowongaga eraga: <<Otamaleliwa akale Yehova, wenno uli Mulugu wa Izarayeli, wenno uwandile kwakwaneliheda mwa ndanda naye na kopolo jatene jejo japanganne liye na babaga Davi amuwandelaga ira:

1 Amwene 8:19

Masiki eno miyo nnouwandela ira unafuna manga nyumba yenno kahi weyo. Mbwenye unafuna manga nyumba para nzina naga gu mwanawo wenno unafuna we mbala.> >>

1 Amwene 8:20

Salomawu ohowongaga eto eraga: <<Eni Mulugu uhumala kwakwaneliheda nipangano naye. Mwasiwa miyo dihivenya, miyo hala vamalroni va babaga Davi eto dihigarati vampandoni otonga wa aIzarayeli nnga mwemo mwawongele Yehova. Eto dihimanga nyumba para nzina na Yehova Mulugu wa Izarayeli.

1 Amwene 9:5

miyo nnosakanya ira ahimawo kakale vampandoni otonga aIzarayeli malambo a mukalakala nnga mwemo mwapanganne miyo na babawo Davi, ira: <Ahimawo banaze kaatongege aIzarayeli malambo a mukalakala.>

2 Amwene 8:19

Mbwenye Yehova kafunile maliha umwene wa Juda na mwasa omuzivela namalaba waye Davi nnga mwemo mwamuwandenle liye ira: <<Miyo nneregeve uvaha weyo na ahimawo a musogolro wareya. Wareya uwa, ahimawo a musogolro anerege tonga vamalroni vawo kala no kala.>>

1 Koronika 17:11

Inafuna ireya tchoira malambwawo kakwakwana ira udowe wagumane na makolo awo, mundulri mwawo, muwari mwa ahimawo anafuna hala, miyo nnomuvenyiha mutu mmohi ira akale vamalroni vawo, eto miyo nnogarateyiha umwene waye.

Izaiya 11:10

Siku neno mwene muxa okumela mutchitchi wa Jese unoza akayena ionihedo para atu a malogo matene, atu atene anoza kanfukedege eto nimburo naye novuma nnoza nikale nokana undimuwa.

Izaiya 9:7

Ulukula wa utongi waye na murendele kunakana goma uwa. Unoza atonge vampandoni va umwene wa Davi. Unoza avenyihe eto agarateyihe umwene waye, muwari motonga mwa ibaribari eto muwari mwa upama, roma tempu yenno ante dowa sogolro kala no kala. Yehova unoirana jatene eji na mwasa wa sandje yaye.

Daniyeli 12:2

Eto adjindji anno anagona teyani, anoza karurumuwe, amohiwa kadowaga ira kavahiwe ingumi yohomala, amohiwa kadowaga ira kanyaswihiwe no lramwisiwa wa mukalakala.

Matewuji 1:1

Ula gu muselu wa makolo a Yesu Kiristu. Yesu Kiristu akumile muzizani mwa Davi. Davi akumile muzizani mwa Abarahamu.

Lukaji 1:32

Mwana unafuna we mbala unakala mundimuwa wa kopolo, wenno unaitaniwege Mwana Mulugu, Mulugu Okwaranya Jatene. Nabwiya Mulugu unonvaha mpando wa umwene wa mbwiyaye Davi.

Lukaji 24:27

Evale ohoroma aonelrihedamo jatene jalrembiwe mMazuni zela liye, aromagana malivuru a Mozeji na jolremba jatene ja anamafiyiheda.

Joira ja Anamarumiwa 13:36

Tchoira na ibaribari ahavundile kaali Davi, mwasiwa mulombwana Davi agamanle laba mabasa matene anfunana Mulugu tempu yenno, Davi ohogona gona wa ukwa, liye tukuliwa, dowa koyiwa na makalelo amohive nnga akoyiwe andimuwaye a wanle, liye vundela evo.

Joira ja Anamarumiwa 2:30

Davi muwari mokala namafiyiheda wa Mulugu eto aiziwaga ira Mulugu oholumbela ira: <Mwa ahimawo a musogolro, ukala mutu unafuna za agarati vampandoni vawo va umwene>,

1 Korinto 15:51

Kavwani pama! Nnafuna duwandeleni yengo yokoyeya. Kahi hiyo atene muwari mwa Kiristu nnafuna gona gona wa ukwa, mbwenye hiyo atene nnoza nisandutchiwe.

Detoronomiyo 31:16

Evale Yehova ohomuwandela Mozeji eraga: <<Weyo unokwa udowe wavume na makolo awo. Wakwa, atwala kahala, anovenya karome raruwa muwari moahara amilugu amohiwene a ilambo yenno inafuna atu dowa kala. Aliwa anodihiya eto anotwa yopangana yaga yenno isakanyile miyo na aliwa.

1 Tesalonika 4:14

Tchoira hiyo nihikana ibaribari ira Yesu ohokwa eto agakwile, liye ohovenya mokwani. Sawasawa na afwihu anne anagona gona wa ukwa muwari mwa Yesu, Mulugu unoza aavenyihe mokwani ira kakale vamohi na Yesu.