2 Samuweli 6:7 - Mazu Otchena a Mulungu

⁷ Evale mulombwana Uza agatapunle mandaye ira ahinde Kaxa ile, Yehova ohotakaleliwaga na makalelo ohokala a masika zela mulombwana Uza na mwasa ofuna johinda Kaxa ya Mulugu ile. Evale Mulugu ohomporotcha mulombwana Uza vevale na mwasa wa yoviringaniha yaye. Mwa enne mulombwana Uza ohokwa wandamelana vevale vali Kaxa ya Mulugu ile.

2 Samuweli 6:7 ပူးပေါင်းရင်းမြစ်များ

2 Samuweli 6:8

Mwa enne Davi ohotakaleliwaga na mwasa oira Yehova ohompa mulombwana Uza. Na mwasa wenne, ohovahaga nimburo nenne nzina na Pereji-Uza [ku wonga Tongiwa wa Uza]. Fiyeda peno nimburo nenne nnaitaniwa na nzina neno.

1 Koronika 13:10

Na mwasa wenne, Yehova ohokana takaleliwa wohokala wa masika zela mulombwana Uza, liye mporotcha na mwasa otapula ndanda naye hindana Kaxa ya Yopangana. Evale mulombwana Uza ule ohokwaga vevale vamentoni va Mulugu.

1 Koronika 15:13

Na mwasa oira voroma vale nyo kamwatukunle Kaxa ya Mulugu, Yehova Mulugu wehu ohonitakaleliwa, liye nitonga tchoira kanavendile iziwa makalelo afuna Mulugu ira hiyo niirena.>>

1 Koronika 15:2

Nomala Davi ohowongaga eraga: <<Kakalevo unafune tukula Kaxa ya Yopangana ya Yehova ahali aLevi, mwasiwa aLevi banno Yehova aasakunlre liye ira katukulege Kaxa ya Mulugu eto ira kamulabege kala no kala.>>

1 Samuweli 25:38

Mwa enne vagamanle wandamelana malambo kumi, Yehova ohomporotchaga mulombwana Nabali, liye fiyeda kwa.

1 Samuweli 6:19

Mwilamboni mwa Bete-Semeji mule mohovenyaga alombwana, aliwa dowa patamela muwari mwa Kaxa ya Yopangana ya Yehova ile. Kagapatamenlemo, Yehova ohapaga alombwana 70. Evale na mwasa wa atu anne kakwile, atu kohonlaga valukulu zela atu adjindji anno aapile Yehova.