2 Samuweli 6:20 - Mazu Otchena a Mulungu

²⁰ Noira enne, mwene Davi ohodowa ira aarelihe atu a vande vaye. Mbwenye afiyaga wene vande vale, muhiyanaye wenno aitaniwa Mikali mwana Sawuli ohozaga gumana na liye eraga: <<Kodi jaira we jile peno ali nni? We kalaga nnga zimora ohokana manyazo, we waraga johokala pama, roma aoniha jengo jokoyeya ahiyana anno anaalaba anamalabinyu!>>

2 Samuweli 6:20 ပူးပေါင်းရင်းမြစ်များ

Jenesesi 18:19

Miyo dihimusakulra ira aafundjihege ahimaye vamohi na atu atene anafuna za baliwelamo ira kaharihege ndila yaga dagali Yehova, kairegena japama na ja ibaribari. Kairana eno miyo dagali Yehova dize dinvahe Abarahamu yenno ipanganne miyo na liye. Nona ifwanenle dimuwandele mabasa dizele miyo laba muSodoma.>>

2 Samuweli 6:14

Evale mwene Davi agamanle velela mukuto wa Yehova, ohoromaga ina na kopolo daye datene vamentoni va Yehova momutamalela. Eto mwa tempu yenne ali agawarile kuleti ya unamakuta yosakanyiwa na usalru wapama.

2 Samuweli 6:16

Mwa enne kavolowagana Kaxa ya Yopangana ya Yehova ile musidadi, mwadi Davi wenno aitaniwa Mikali mwana Sawuli, ohoing'anelaga vajanelani, liye muona mwene Davi ainaga, alupalupaga vamentoni va Yehova. Mbwenye agamuonne ohomulramwisaga mmirimani mwaye, liye hamuonaga nnga yengo.

2 Samuweli 6:18

Agamanle velela mikuto dotumeya na jovelela ja murendele jile, ohareliha atu atene mwa nzina na Yehova wa Makuru Matene.

2 Samuweli 6:19

Agamanle areliha, ohagawelaga aIzarayeli atene kafwanyeyaga vevale alombwana vamohi na ahiyana kada mutu pawu imohi, pindula ya nyama na nibolu nimohi nosakanyiwa na uva oumma. Noira eno, atu atene kohobalaleya, kada mutu dowaga vande vaye.

1 Koronika 16:43

Nomala enne, atu atene kohobalaleyaga, kada mutu dowaga vande vaye. Na Davi wenne ohowelelaga vande vaye ira aarelihe atu a vande vaye.

Markuji 14:66

Vande va mundimuwa wa anamakuta vale nikonde niwa nohokala hogwela vang'onove. Peduru agali mpedi muwa, ohozaga namwali mmohi amulaba mundimuwa wa anamakuta.

Markuji 3:21

Atu a muibalini mwa Yesu kagavwile jaireya, kohodowa ira kamuhinde mwasiwa atu kawonga ira: <<Yesu uhukana mihala.>>

Juwawu 13:6

Vevale Yesu aahuwagave enne, agamukwivenle mulombwana Simawu Peduru, Peduru ohonfukaga ira: <<Nabwiya, kodi nyo munafuna mudihuwe manyalo miyo?>>

Jozuwe 24:15

Mbwenye ule uni: <Miyo muhara Yehova, kondi>, asakulre peno amilugu anafuna liye ahara. Mwafuna nnga mwaaharege amilugu anno kaaroromeletcha ababinyu kahanalambuwe para kombela ya muhindje Eufarati, owu hehi, mwafuna nnga mwaaharege amilugu a akuda Amore anno anafwanyeya kagali anamurala a uno, muiregena mofuna mwenyu. Mbwenye zela miyo na vande vaga, hiyo nnamuharege Yehova.>>

Anamasogolrelra 9:4

Noira enne kohodowa munyumbani mwa mulugu wewa Baali-Berite, aliwa kumihamo kobiri 70 da parata, aliwa nvaha Abimeleki. Evale na kobiri davahiwe liye dile, ohodowaga aalugari alombwana ohokana mabasa a makalelo abure, aliwa roma muhara.

1 Samuweli 14:49

Sawuli anna ahima a alombwana araru: Jonata, Isivi na Malekisuwa. Eto ohokana ahima a ahiyana ambinli. Wa mulukuluwa aitaniwa Merabe, wang'onong'onuwa aitaniwa Mikali.

1 Samuweli 18:20

Mwa enne Sawuli ohomukana mwanaye wa muhiyana mmohiwa aitaniwa Mikali. Mikali ule ohomuziveliwa Davi nnga amutele. Mwa enne mwene Sawuli agavwile jejile ohoziveliwaga.