2 Samuweli 6:14 - Mazu Otchena a Mulungu

¹⁴ Evale mwene Davi agamanle velela mukuto wa Yehova, ohoromaga ina na kopolo daye datene vamentoni va Yehova momutamalela. Eto mwa tempu yenne ali agawarile kuleti ya unamakuta yosakanyiwa na usalru wapama.

2 Samuweli 6:14 ပူးပေါင်းရင်းမြစ်များ

2 Samuweli 6:15

Noira enne, Davi vamohi na aIzarayeli atene kaligi vamohi na liye kohotukulaga Kaxa ya Yehova ile, aliwa dowagana Jeruzalemu. Kadowaga, atene kokuwaga mohagalala kaimbaga palraza.

2 Samuweli 6:20

Noira enne, mwene Davi ohodowa ira aarelihe atu a vande vaye. Mbwenye afiyaga wene vande vale, muhiyanaye wenno aitaniwa Mikali mwana Sawuli ohozaga gumana na liye eraga: <<Kodi jaira we jile peno ali nni? We kalaga nnga zimora ohokana manyazo, we waraga johokala pama, roma aoniha jengo jokoyeya ahiyana anno anaalaba anamalabinyu!>>

1 Koronika 15:27

Davi awarilege bata yosakanyiwa na usalru wapama wa yomela inaitaniwa linyu nnga bata dedo dawarile aLevi anno katukunle Kaxa ya Yopangana na anamaimba vamohi na mulombwana Kenaniya. Kenaniya ule ali musogolrelri wa atu katukunle Kaxa ya Yopangana eto ali musogolrelri wa anamaimba. Davi eto ohowara kuleti ya unamakuta yosakanyiwa na usalru wapama wa yomela inaitaniwa linyu.

Ezodu 15:20

Evale namafiyiheda wa muhiyana aitaniwa Miriya, Arawu murongoliye, ohotukulaga makotcho, liye imbaga. Eto ahiyana atene kagamuonne Miriya aimbaga, na aliwene kohotukulaga makotcho ewa, aliwa roma muharaga kaimbaga, kainaga.

Ezodu 15:21

Evale Miriya ohaimbihaga eraga: <<Kamuimbeleni Yehova mwasiwa uhagondjiha aIjipitu na makalelo otikiniha. Uhavokeda mmahindjeni aliba wendiha kavalo na kavalo diwa dene.>>

Ezodu 19:6

Eto munokala umwene unafuna kutaga mikuto daga eto munokala mulogo waga otchena.> Ayo ba mazu anafuna we awandela Ana Izarayeli.>>

Lukaji 15:25

<<Jaireyaga atu ejile, mwanaye wa mulukulu afwanyeyaga minda. Liye awelagawo, agawandamenle vande vale, unavwa muzika na atu kainaga.

Detoronomiyo 6:5

Mmuziveliwege Yehova Mulugu wenyu na murima wenyu watene, no kalawo wenyu watene, vamohi na kopolo denyu datene.

Koloso 3:23

Muwari mwa mabasinyu matene, mulabege na mmirimani mwenyu mwatene nnga munamulaba Nabwiya hiya mulaba mutu nfwinyu.

Anamasogolrelra 11:34

Evale mulombwana Jefite afiyaga vande vaye Mizipa, againg'anne, ohomuonaga mwanaye wa muhiyana azaga wa liye, aimbaga makotcho eto ainaga. Fwanyeya eto ira liye anna mwana mmohive wenne. Kaanna mwana mmohiwa nne wa mwanapongwe nari wa mwanamuhiyana.

Anamasogolrelra 21:21

Mwaaona anamwali a sidadi ya Silo ule kadowaga ira karome ina, na nyenne mukume mmindani mwa uva mule, mudowe mwarome ahinda kada mutu muhiyana waye waye, mwaatukule mwaadowegena ilambo ya Benjami.

1 Samuweli 2:18

Mbwenye muzombwe Samuweli akaletchave wewule, alabaga mabasa a Yehova. Ora yenno liye owaretcha kuleti ya unamakuta yosakanyiwa na nguwo yapama.

1 Samuweli 2:28

Dohomusakulra liye muwari mwa malogo matene a Izarayeli ira akale namakuta waga, alabege vaibuwani, atumeyege jonukela eto ira awarege kuleti ya unamakuta alabaga mabasaga. Eto dohonvaha babawo Arawu ira liye na ahimaye kadjege johala jatene ja mikuto dotumeya vaibuwani, jejo jinavelela Ana Izarayeli.

1 Samuweli 22:18

Agwarda ale vakondilege atu apa anamakuta ale, Sawuli ohomuwandelaga mulombwana Dowege nkuda Edomu ule, liye ira: <<Kavenya weyo, waape anamakuta ala!>> Evale mulombwana Dowege ohovenya dowa apa anamakuta atenene anne kafwanyeya evale, romela mulombwana Aimeleki na abalaye atene. Mwa enne siku nenne kohopiwaga anamakuta 85, atene owara kuleti ya unamakuta.