2 Samuweli 6:12 - Mazu Otchena a Mulungu

¹² Mwa enne kohokalawo atu kavenyilege, aliwa dowa muwandela mwene Davi, aliwa ira: <<Xii, vande va Obedi-Edomu vihiyile nyo Kaxa ya Mulugu vale, Mulugu uhumureliha liye na jatene ja vande vaye na mwasa wa Kaxa ya Mulugu yenno muhiyile nyo vande vaye!>> Mwa enne Davi agavwile, ohovenyaga na atwaye, aliwa dowa vande va mulombwana Obedi-Edomu vale, aliwa dowa tukula Kaxa ya Yehova ile, aliwa idowagana mohagalala sidadi ya Jeruzalemu wewo wakala Davi.

2 Samuweli 6:12 ပူးပေါင်းရင်းမြစ်များ

2 Samuweli 5:7

Siku neno Davi agavwile zela mazu kawongilege atu, ohotakaleliwaga liye awandela anyakondo aye ira: <<Ira muwande apa aJebuzi ale, anno anaaona miyo nnga aliba haona na aliba topinya anno kaditakaleliwihile, inafwanela muvire munavira mahindje ira muwande apa.>> Nona iwongiwagave ante peno ira: <<Kalivo maliba haona nne maliba topinya unafuna volowa mmba!>> Noira enne, aliwa kohoromaga wana, aliwa fiyeda agondjiha aJebuzi. Muwari moagondjiha kohotukulaga ilambo ya mmwangoni mwemo mwafwanyeya mamburo apama otawelamo kaitaniwa Siyawu. Evale sidadile roma itaniwaga sidadi ya Davi.

1 Amwene 8:1

Evale mwene Salomawu ohagumaniha Jeruzalemu andimuwa atene a aIzarayeli, asogolrelri atene a malogo, vamohi na andimuwa atene a muibalini mwa aIzarayeli ira kadowe katukule Kaxa ya Yopangana ya Yehova yenno yafwanyeya Siyawu sidadi ya Davi ira kadowena muNyumbani mwa Yehova.

1 Amwene 8:3

Mwa enne andimuwa atene a Izarayeli kagafiyile, anamakuta kohotukulaga Kaxa ya Yopangana.

1 Amwene 8:4

Kohodowagana Kaxa ya Yopangana ya Yehova ile vamohi na Musasa Ogumanamo eto vamohi na jolabana jatene jotchenihiwa jafwanyeya mwemule. Atukunle jatene jejile ali anamakuta vamohi na aLevi afwiwa.

1 Koronika 15:15

ALevi kohoitukulaga Kaxa ya Mulugu ile na jimiri, aliwa hela vafudi nnga mwawongele Mozeji mohara mazu a Yehova.

1 Koronika 15:25

Mwa enne Davi na andimuwa a Izarayeli na asogolrelri a anyakondo 1.000 kohodowa mohagalala tukula Kaxa ya Yopangana ya Yehova vande va mulombwana Obedi-Edomu.

1 Koronika 16:16

Yopangana yenno tcheniyo yasakannye liye na Abarahamu, na yolumbela yenno alumbenle liye na Izaki.

1 Koronika 26:4

Agwarda a va mulango amohiwa ali Obedi-Edomu na ahimaye. Obedi-Edomu aabanle anapongwe ala: Murandji aitaniwa Semaya, wanembinli aitaniwa Jozabade, waneraru aitaniwa Jowa, wanennayi aitaniwa Sakari, wanetanu aitaniwa Natanayeli,

1 Koronika 26:5

wanetanu na mmohi aitaniwa Amiyeli, wanetanu na mbinli aitaniwa Isakari, wanetanu na taru aitaniwa Pewuletayi, (liye anvahile nzina nenne mwasiwa Mulugu ohomureliha Obedi-Edomu).

Matewuji 10:42

<<Eto mutu wenne unanvahe masiki kopo imohi ya mahindje odidila muwari mwa atu olramwiseya ala, anvahaga muwari moira gu namadiharaga, miyo na ibaribari nnouwandelani ira liye unoza akayena yotambilra yaye!>>