2 Samuweli 5:7 - Mazu Otchena a Mulungu

^7-8 Siku neno Davi agavwile zela mazu kawongilege atu, ohotakaleliwaga liye awandela anyakondo aye ira: <<Ira muwande apa aJebuzi ale, anno anaaona miyo nnga aliba haona na aliba topinya anno kaditakaleliwihile, inafwanela muvire munavira mahindje ira muwande apa.>> Nona iwongiwagave ante peno ira: <<Kalivo maliba haona nne maliba topinya unafuna volowa mmba!>> Noira enne, aliwa kohoromaga wana, aliwa fiyeda agondjiha aJebuzi. Muwari moagondjiha kohotukulaga ilambo ya mmwangoni mwemo mwafwanyeya mamburo apama otawelamo kaitaniwa Siyawu. Evale sidadile roma itaniwaga sidadi ya Davi.

2 Samuweli 5:7 ပူးပေါင်းရင်းမြစ်များ

2 Samuweli 5:9

Davi agamanle igondjiha ilambo yafwanyeya nimburo nolimba nofwanela tawelamo naitaniwa Siyawu nne, ohotamaga, liye kalaga wewule. Mwa enne ohovaha sidadile nzina naye, sidadile aliwa itaniwaga sidadi ya Davi. Noira enne, ohowereweriha sidadi yatene yenne muru mulukulu, kuma nimburo naitaniwa Milu ante palasiyoni waye.

2 Samuweli 6:10

Mwa enne na mwasa oova, Jeruzalemu wayana liye Kaxa ya Yehova ile, kafiyilegenawo. Mbwenye adowilege ihiya vande va mulombwana mmohi aitaniwa Obedi-Edomu, nkuda Gate.

2 Samuweli 6:12

Mwa enne kohokalawo atu kavenyilege, aliwa dowa muwandela mwene Davi, aliwa ira: <<Xii, vande va Obedi-Edomu vihiyile nyo Kaxa ya Mulugu vale, Mulugu uhumureliha liye na jatene ja vande vaye na mwasa wa Kaxa ya Mulugu yenno muhiyile nyo vande vaye!>> Mwa enne Davi agavwile, ohovenyaga na atwaye, aliwa dowa vande va mulombwana Obedi-Edomu vale, aliwa dowa tukula Kaxa ya Yehova ile, aliwa idowagana mohagalala sidadi ya Jeruzalemu wewo wakala Davi.

2 Samuweli 6:16

Mwa enne kavolowagana Kaxa ya Yopangana ya Yehova ile musidadi, mwadi Davi wenno aitaniwa Mikali mwana Sawuli, ohoing'anelaga vajanelani, liye muona mwene Davi ainaga, alupalupaga vamentoni va Yehova. Mbwenye agamuonne ohomulramwisaga mmirimani mwaye, liye hamuonaga nnga yengo.

1 Amwene 2:10

Noira eno, Davi ohokwa, liye dowa vuma na makolo aye, liye koyiwa sidadi ya Davi.

1 Amwene 3:1

Mwene Salomawu ohomutela mwana mwene Farawu, liye roma wandana na Farawu mwene wa Ijipitu. Agamutenle ohomuzana sidadi ya Davi, fiyeda mariha manga nyumbaye vamohi na Nyumba ya Yehova, vamohi na muru owerewera sidadi ya Jeruzalemu.

1 Amwene 8:1

Evale mwene Salomawu ohagumaniha Jeruzalemu andimuwa atene a aIzarayeli, asogolrelri atene a malogo, vamohi na andimuwa atene a muibalini mwa aIzarayeli ira kadowe katukule Kaxa ya Yopangana ya Yehova yenno yafwanyeya Siyawu sidadi ya Davi ira kadowena muNyumbani mwa Yehova.

1 Amwene 9:24

Salomawu muhiyanaye wenno ali mwana Farawu, ohokumaga sidadi ya Davi wakaletcha liye, liye tamela nyumba yaye yenno yammangele mwene Salomawu. Noira eno, pa evale mulombwana Salomawu vamangile liye nimburo naitaniwa Milu.

1 Koronika 11:7

Davi ohoromaga kala nimburo nolimba nofwanela tawelamo nne. Na mwasa wenno sidadile yohoroma itaniwa sidadi ya Davi.

Izaiya 12:6

Imbani mokuwa nyo akuda Siyawu mwasiwa Mulugu Otchena wa Izarayeli unairana ja kopolo muwari mwa nyo.>>

Izaiya 59:20

Yehova unawonga ira: <<Namawombola unoza aze Siyawu ira aawombole Ana Jako anno anahiye jabure jinaira atu.>>

Roma 9:33

nnga mulrembele atu mMazuni wanle ira: <<Kaing'anani. Miyo nnohela nibwe muwari mwa Siyawu neno nnafuna gwagwaduwana atu eto nibwe noazuzumiha atu. Mutu wenne unaroromele nibwe nne, kaza anyaswa.>>

Eberewu 12:22

Nyo mbwenye mufiyile mwango Siyawu, sidadi ya Mulugu Okalawo, Jeruzalemu wenno uli ilambo ya zulu wewo uli angelro ohowanda kontareya kagumanne muwari mohagalala,

Jowandeliwa 14:1

Nomala eno, miyo dagaing'anne, dohoonaga mwana Nibila nagaimenle mwango Siyawu, nagali vamohi na atu 144.000. Atwale vakoveni viwa voholrembiwa nzina na Nibila vamohi na nzina na Babaye.