2 Samuweli 5:22 - Mazu Otchena a Mulungu

²² Jatene eji jagaireyile, vagamanle malambo, aFilistewu kohowelave akoka ira kaze kawane na Davi. Aliwa kohomaruwaga, aliwa dowa gaweya ndabo na Refayina nakoka nenne.

2 Samuweli 5:22 ပူးပေါင်းရင်းမြစ်များ

2 Samuweli 21:15

AFilistewu kohowelelagave kana kondo na aIzarayeli. Evale mwene Davi ohovenyaga vamohi na anyakondo aye, aliwa dowa wana na aFilistewu. Evale kagawanile tempu ilukulu, mwene Davi ohowaheyaga.

2 Samuweli 23:13

Tempu yohanda iwandamelaga, muwari mwa alombwana a kopolo 30 a Izarayeli, kohokalawo alombwana araru kadowilege wafwanyeya Davi nimburo nolimba notawelamo, nifukwe na Adulawu. Mwa tempu yenne anyakondo a aFilistewu kakungilege misasa diwa ndabo na Refayina, tatamo ya Beleme.

2 Samuweli 5:18

Evale anyakondo a aFilistewu ale kagazile, kohoromaga mwadeya ndabo na Refayina.

1 Amwene 20:22

Noira enne, namafiyiheda ohozaga wa mwene wa Izarayeli ule, liye muwandela eraga: <<Inafwanela ulimbihe nikuru nawo na anyakondo eto ukayena makalelo anafuna we sakanya. Tchoira vinamalege atu yaka yompumbula, mwene wa Siriya ule unoza awane na weyo akoka.>>

1 Koronika 14:13

Nomala aFilistewu kohowelela akoka, aliwa vitanda vadaboni vevale ira kawane.

Izaiya 17:5

AIzarayeli anoza kakale nnga tirigu oimela arendiwaga, eto anokotoliwa nnga mutu akotolaga mangala na mandaye, eto anododiwa nnga mutu adodelaga mangala ohala ndabo na Refayina.

Jozuwe 15:8

Madilriwa koholambuwa ndabo na Mwana Hinomi, unafwanyeya wagali suli wa mwango Jebuzi wewo uli sidadi ya Jeruzalemu. Madilriwa kohodowave nimburo nogwela na mwango wenno unafwanyeya sogolro wa ndabo Hinomi, neno nnafwanyeya pandi ya norti eto madilriwa kohofiya ndabo na Refayina, nnafwanyeya mavirelo wa nzuwa.